បន្ទាប់ពីការបង្ហាញរូបភាពមួយចំនួន រួមនឹងព័ត៌មានពីលក្ខណៈពិសេសជាច្រើននោះ នៅពេលនេះ លោកអ្នកនឹងបានដឹងអំពីព័ត៌មានថ្មីដែលបែកធ្លាយទៀតអំពីស្មាតហ្វូន Galaxy S20 នេះ ពីព្រោះថា ថ្ងៃនេះ គឺមានការបែកធ្លាយជាច្រើនអំពីរូបភាព Renders ស្រោមការពាររបស់ស្មាតហ្វូននេះចំនួន 3 ដែលត្រូវបានទម្លាយនៅលើ Twitter។ នៅក្នុងនោះ ក៏មានការបង្ហាញអំពីការឌីស្សាញទៅលើស្រោមទូរស័ព្ទប្រភេទ Protective Standing Cover, LED View Cover និង Clear View Cover ផងដែរ។
អ្វីដែលគួរអោយភ្ញាក់ផ្អើលទៀតនោះ សម្រាប់ការឌីស្សាញទៅលើស្រោមទូរស័ព្ទនេះគឺស៊ីគ្នាទៅនឹងការបែកធ្លាយកាលពីពេលមុននេះនៃការ Render ទៅលើស្មាតហ្វូន Galaxy S20 នោះ។ យ៉ាងណាមិញ ពួកគេមិនទម្លាយអ្វីដែលយើងនៅមិនទាន់បានដឹងអំពីស្មាតហ្វូននេះនៅឡើយទេ។ អ្នកទម្លាយនេះក៏ធ្វើការចែករំលែកនូវរូបភាព Renders ដែលមានការអះអាងអំពីសម្បកទូរស័ព្ទ LED View Cover ដែលមានភ្លើង LEDs នៅក្នុងពេលនេះ។ នៅមិនទាន់ច្បាស់នោះទេប្រសិនបើគាត់ចង់សំដៅទៅលើសម្បក LED Back Cover ឬ LED View Cover ដែលមានភ្លើង LED នោះ។ សម្រាប់ស្រោមទូរស័ព្ទទាំង 3 នេះគឺមានការបង្ហាញនៅក្នុងរូបភាពនេះដែលជាស្រោមសម្រាប់ម៉ូឌែលស្មាតហ្វូន Galaxy S20 series នេះ។
គួរបញ្ជាក់ថា កាលពីប៉ុន្មានសប្តាហ៍នេះថាស្មាតហ្វូន Galaxy S20 Ultra គឺទទួលបាននូវសម្បកទូរស័ព្ទផ្តាច់មុខ Kvadrat Cover Case។ សម្រាប់ស្រោមផ្លូវការរបស់ក្រុមហ៊ុន Samsung នឹងមាន 2 ពណ៌សម្រាប់ធ្វើការជ្រើសរើស ហើយវាក៏មានពណ៌ខៀវ Sky Blue ដូចដែលឃើញនៅលើកាសស្តាប់ Galaxy Buds+ ផងដែរ៕