Puma ដែលជាម៉ាកយីហោកីឡាដ៏ល្បីល្បាញ បានសហការជាមួយនឹងក្រុមហ៊ុនផលិតនាឡិកា Fossil លើកដំបូងបំផុតនៅក្នុងខែកញ្ញា ឆ្នាំ 2019 ដើម្បីបង្ហាញនូវនាឡិកា Puma PT9100 smartwatch។ នៅពេលនេះ នាឡិកា Smartwatch បានប្រកាសបង្ហាញខ្លួនហើយនៅក្នុងប្រទេសឥណ្ឌា ដែលមានរយៈពេល 4 ខែប៉ុណ្ណោះ បន្ទាប់ពីការសហការគ្នានេះជាលើកដំបូងនេះ។
នាឡិកា Smartwatch ថ្មីនេះ គឺមានភ្ជាប់ជាមួយនឹងការឌីស្សាញដែលមានលក្ខណៈស្រដៀងគ្នាទៅនឹងនាឡិកា Galaxy Watch series។ នាឡិកានេះ គឺមានអេក្រង់ទំហំ 1.19-inch AMOLED touchscreen ជាមួយនឹងកម្រិតភាពច្បាស់ 390x390pixel។ នាឡិកានេះ គឺមានអង្កត់ផ្ចិត 44mm ហើយវាមានភ្ជាប់ជាមួយនឹងមុខងារសម្រាប់វាស់ទៅលើចង្វាក់បេះដូង ប្រព័ន្ធ NFC ប្រព័ន្ធការពារការជ្រាបទឹក 5ATM និងមុខងារថែរក្សាសុខភាពជាច្រើនទៀតដែលអ្នកអាចរកបាននៅលើនាឡិកា smartwatch នេះ។
នាឡិកា Puma smartwatch ដំណើរការនូវបន្ទះឈីប Snapdragon Wear 3100 ជាមួយនឹងរ៉េមទំហំ 512MB និងម៉េមូរី 4GB។ សម្រាប់ថាមពលថ្មរបស់វាគឺអាចប្រើប្រាស់បានដល់ទៅ 24 ម៉ោងជាមួយនឹង GPS ថែមទៀតផង។ នាឡិកានេះ ដំណើរការនូវប្រព័ន្ធប្រតិបត្តិការ Google WearOS ។ នៅលើ Wear OS interface នេះ គឺអាចប្រតិបត្តិនៅលើ Touch Screen ឬតាមរយៈការបញ្ជានៅលើ digital crown នេះ។
នាឡិកានេះ អាចធ្វើការ Sync នៅលើប្រព័ន្ធ Bluetooth 4.2 និងអាចដំណើរការបានជាមួយនឹង iOS 9.3+ និង Android OS 4.4+។ បើនិយាយអំពីតម្លៃវិញនោះ នាឡិកា Puma PT9100 នេះគឺមានតម្លៃ Rs 19,995 (~$280) ។នាឡិកានេះមាន 3 ពណ៌សម្រាប់ធ្វើការជ្រើសរើសនោះគឺពណ៌ខ្មៅ ពណ៌លឿង និងពណ៌ស៕
