ចាប់តាំងពីស្មាតហ្វូន vivo APEX Concept បានបង្ហាញខ្លួននៅក្នុងឆ្នាំ 2018 រួចមក ស្មាតហ្វូននេះ បានក្លាយជាចំណុចដំបូងនៃការវិវត្តន៍ទៅរកស្មាតហ្វូនដែលមានអេក្រង់ពេញគែម។ ក្រោយមក ក្រុមហ៊ុនបច្ចេកវិទ្យាយក្សមួយនេះ ក៏បានធ្វើការប្រកាសបង្ហាញនូវស្មាតហ្វូនសម្រាប់ឆ្នាំ 2019 edition នេះ ផងដែរ។ រូបភាព Renders ជាច្រើន (មិនផ្លូវការ) របស់ស្មាតហ្វូន vivo APEX 2020 Concept Phone ក៏ត្រូវបានចែករំលែកដោយអ្នកទម្លាយម្នាក់ឈ្មោះថា Ben Geskin ផងដែរ។
រូបភាព Renders នេះ គឺមានការបញ្ជាក់ថា ស្មាតហ្វូន vivo APEX 2020 នេះ នឹងមានការឌីស្សាញជាមួយនឹងអេក្រង់ពេញគែម និងមានកម្រិតអេក្រង់ធៀបនឹងតួខ្លួនរបស់វាធំទៀតផង។ ស្មាតហ្វូននេះ នឹងប្រើប្រាស់នូវប្រព័ន្ធស្កេនក្រយ៉ៅដៃនៅលើអេក្រង់ និងការឌីស្សាញអេក្រង់ដែលមានគែមកោង។ ស្មាតហ្វូន APEX 2018 និង APEX 2019 គឺមានការឌីស្សាញជាមួយនឹងកាមេរ៉ាផុសឡើងង ប៉ុន្តែសម្រាប់ឆ្នាំនេះ ស្មាតហ្វូននេះ ប្រហែលជាមានកាមេរ៉ានៅលើអេក្រង់តែម្តង។ សម្រាប់ការឌីស្សាញទៅលើផ្នែកខាងក្រោយរបស់ស្មាតហ្វូននេះ គឺពិតជាគួរអោយចាប់អារម្មណ៍ខ្លាំងមែនទែន។ វាមានការឌីស្សាញជារង្វង់ Oreo ជា មួយនឹងបច្ចេកវិទ្យា optical zoom lens ថែមទៀតផង។
លោក Ben Geskin បាននិយាយថា ស្មាតហ្វូន APEX 2020 នេះ នឹងបង្ហាញខ្លួនជាមួយនឹងអេក្រង់ 5-7.5X Optical Zoom និងកាមេរ៉ា 48MP Gimbal ថែមទៀតផង។ កាមេរ៉ាខាងក្រោយរបស់ស្មាតហ្វូននេះ គឺមានទំហំ 48MP និងមិនមានកាមេរ៉ា ultrawide angle និងភ្លើង LED Flash នោះទេ។ ស្មាតហ្វូននេះនឹងទ្រទ្រង់នូវបច្ចេកវិទ្យា 5G និង Wireless Charging ថែមទៀតផង។ នេះគឺគ្រាន់តែជាគំនិតនៃការឌីស្សាញតែប៉ុណ្ណោះ ក្រុមហ៊ុន vivo នៅមិនទាន់ធ្វើការផលិតទ្រង់ទ្រាយធំនៅលើស្មាតហ្វូននេះនៅឡើយទេ៕