ស្មាតហ្វូន OPPO Find X ត្រូវបានបង្ហាញខ្លួនជាផ្លូវការលើកដំបូងនៅក្នុងឆ្នាំ 2018 ហើយឆាប់ៗនេះ វត្តមានរបស់ស្មាតហ្វូនស៊េរីថ្មីរបស់វាគឺ OPPO Find X2 នឹងបង្ហាញខ្លួនផងដែរ។ ស្មាតហ្វូននេះ នឹងបង្ហាញខ្លួននៅថ្ងៃទី 22 ខែកុម្ភៈនេះនៅក្នុងទីក្រុងបាសេឡូណា ហើយវានឹងដាក់បង្ហាញខ្លួននៅក្នុងព្រឹត្តិការណ៍តាំងពិពរណ៌ Mobile World Congress (MWC) 2020 ចាប់ពីថ្ងៃទី 24 ដល់ថ្ងៃទី 27 ខែកុម្ភៈនេះផងដែរ។ SlashLeaks ទទួលបាននូវរូបភាព Render ថ្មីមួយទៀតរបស់ស្មាតហ្វូន Find X2 នេះផងដែរ។ មានការបង្ហាញថា ស្មាតហ្វូននេះគឺនៅក្នុងដៃរបស់អ្នកប្រើប្រាស់ម្នាក់ ប៉ុន្តែវាមានលក្ខណៈស្របទៅតាមអ្វីដែលបានបែកធ្លាយនាពេលកន្លងមក។
រូបភាព Render របស់ស្មាតហ្វូន Find X2 នេះគឺមានការបង្ហាញថា ស្មាតហ្វូននេះគឺមានអេក្រង់ដែលមានរន្ធប្រហោង Punch-Hole ដែលមានគែមរបស់វាកោងថែមទៀត។ របាយការណ៍ជាច្រើនអះអាងថា ស្មាតហ្វូននេះនឹងមានអេក្រង់ដែលមានទំហំ 6.5-inch ជាមួយនឹងការទ្រទ្រង់ទៅលើកម្រិតភាពច្បាស់ quad HD+ ថែមទៀតផង។ អ្នកប្រើប្រាស់ជាច្រើនអាចធ្វើការជ្រើសរើសនូវកម្រិតអេក្រង់ 60Hz និង 120Hz refresh rates បានថែមទៀតនៅលើស្មាតហ្វូននេះ។ កម្រិតកោងនៃអេក្រង់របស់វាគឺដល់ទៅ 80 ដឺក្រេថែមទៀតផង។ រូបភាពថ្មីនេះមានការបង្ហាញថា ស្មាតហ្វូននេះនឹងមានប៊ូតុងសំឡេងនៅផ្នែកខាងឆ្វេង ជាមួយនឹងប៊ូតុងបិទបើកទូរស័ព្ទផងដែរ។
ស្មាតហ្វូន Find X នេះ ប្រើប្រាស់នូវរចនាបទរុញសម្រាប់កាមេរ៉ារបស់វា។ សម្រាប់រូបភាព Render ថ្មីនេះរបស់ស្មាតហ្វូន Find X2 បង្ហាញថា ផ្នែកខាងក្រោយរបស់ស្មាតហ្វូននេះគឺមានកាមេរ៉ាខាងក្រោយ 3 គ្រាប់នៅគែមផ្នែកខាងឆ្វេង។ សម្រាប់កាមេរ៉ាទី 1 របស់វាគឹនៅក្នុងទម្រង់ចតុកោណកែងដែលមានកាមេរ៉ា periscope lens ផងដែរ។ សម្រាប់ភ្លើង LED Flash គឺនៅក្រោមកាមេរ៉ា Lens ទី 3 ។ របាយការណ៍ជាច្រើន បាននិយាយថា ស្មាតហ្វូន Find X2 នេះនឹងបង្ហាញខ្លួនជាមួយនឹងកាមេរ៉ា Sony IMX689 lens ។ វាមានសេន ស័រដែលមានទំហំ 48-megapixel sensor ដែលជាការសហការគ្នាធ្វើរបស់ក្រុមហ៊ុន OPPO និង Sony ។ វាគឺជាកាមេរ៉ា Sony IMX708 lens ។ កាមេរ៉ានេះមានសមត្ថភាពខ្លាំងក្នុងការថតរូបភាព wide-angle ហើយវាអាចនឹងបំពាក់ដំបូងបំផុតនៅលើ Find X2 នេះ។ កាមេរ៉ារបស់ស្មាតហ្វូន Find X2 នេះគឺមានទំហំ 13-megapixel telephoto ផងដែរ។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ Sony IMX616 32-megapixel selfie ថែមទៀតផង។
គួរបញ្ជាក់ថា មាន Forum ជាច្រើន ដែលបញ្ជាក់ថា ស្មាតហ្វូន Find X2 series នេះនឹងមានជាប្រភេទ Find X2 និង Find X2 Pro ។ បន្ទះឈីប Snapdragon 865 mobile platform នឹងប្រើប្រាស់នៅលើស្មាតហ្វូន Find X2 ផងដែរ។ មុខងារជាច្រើនទៀតនៅលើស្មាតហ្វូន Find X2 នេះ មានដូចជា e LPDDR5, UFS 3.0 storage, NFC, Wi-Fi 6, 65W fast charging និង OPPO M1 co-processor ផងដែរ៕