ខណៈពេលដែលក្រុមហ៊ុន Xiaomi ទើបតែបង្ហាញនូវស្មាតហ្វូនប្រចាំឆ្នាំ Mi 10 របស់ខ្លួននោះ ក្រុមហ៊ុនផលិតស្មាតហ្វូនរបស់ចិននេះក៏ប្រកាសថា ប្រាក់ចំណូលសរុបរបស់ក្រុមហ៊ុនបច្ចេកវិទ្យានេះកាលពីឆ្នាំមុននេះគឺច្រើនជាង 200 ពាន់លានយ័ន (US$28 ពាន់លានដុល្លារអាមេរិក)។ បន្ថែមពីនេះទៀតនោះ ការប្រកាសនេះគឺមានការបញ្ជាក់ថា ការចំណាយទៅលើការស្រាវជ្រាវ និងការអភិវឌ្ឍរបស់ក្រុមហ៊ុនបច្ចេកវិទ្យា Xiaomi នេះគឺដល់ទៅ 7 ពាន់លានយ័ន (~US$1 ពាន់លានដុល្លារអាមេរិក) ។ ទន្ទឹមនឹងនេះផងដែរនោះ ការវិនិយោគទៅលើការស្រាវជ្រាវនិងការអភិវឌ្ឍរបស់ក្រុមហ៊ុនបច្ចេកវិទ្យានេះសម្រាប់ពេញមួយឆ្នាំនេះគឺមានចំនួនច្រើនជាង RMB 10 ពាន់លាន (~US$1.43 ពាន់លានដុល្លារអាមេរិក)។
ក្រៅពីនេះ ក្រុមហ៊ុន Xiaomi នេះនឹងបន្តក្នុងការផ្តោតទៅលើឧស្សាហកម្មបច្ចេកវិទ្យានេះ និងការបន្តក្នុងការវិនិយោគទៅលើការស្រាវស្រាវ និងការអភិវឌ្ឍ។ ក្រុមហ៊ុន Xiaomi នឹងមិនបង្វែរការផ្តោតរបស់ខ្លួនពីបច្ចេកវិទ្យា 5G + AIoT ដែលជាការពង្រីកវិសាលភាពនៃបច្ចេកវិទ្យា IoT នេះ។ នៅចុងឆ្នាំនេះគឺនៅថ្ងៃទី 31 ខែធ្នូនេះ ការចំណាយទៅលើការស្រាវជ្រាវ និងការអភិវឌ្ឍនៅក្នុងឆ្នាំនេះរបស់ក្រុមហ៊ុននេះគឺច្រើនជាង RMB 10 ពាន់លានដុល្លារអាមេរិក។ វាមានការកត់សម្គាល់ថា ក្រុមហ៊ុន Xiaomi បញ្ជាក់ថា លទ្ធផលចុងក្រោយសម្រាប់ឆ្នាំ 2019 នេះគឺត្រូវបានគេពិនិត្យមើលឡើងវិញ ហើយវាក៏អាចនឹងមានតួរលេខផ្សេងផងដែរ។
ការប្រកាសបង្ហាញនូវស្មាតហ្វូន Mi Mix Alpha នេះគឺជាលទ្ធផលនៃការវិនិយោគផ្នែកស្រាវជ្រាវ និងការអភិវឌ្ឍរបស់ក្រុមហ៊ុនបច្ចេកវិទ្យា Xiaomi ។ ស្មាតហ្វូនដែលអាចបត់បាននេះគឺគ្រោងនឹងធ្វើការផលិតនៅក្នុងផលិតកម្មខ្នាតតូចប៉ុណ្ណោះ។ ក្រុមហ៊ុននេះ មានគម្រោងក្នុងការបង្ហាញនូវស្មាតហ្វូន Mi Mix Alpha នៅក្នុងខែធ្នូ ឆ្នាំ មុននេះ ប៉ុន្តែក៏សម្រេចចិត្តធ្វើការពន្យារពេលទៅលើការដាក់លក់ស្មាតហ្វូននេះផងដែរ។
បន្ថែមពីនេះទៀតនោះ ក្រុមហ៊ុន Xiaomi នេះក៏ធ្វើការលើកឡើងអំពីបច្ចេកវិទ្យា wireless charging technology ដែលលឿនជាងគេបំផុតរបស់ពិភពលោកថែមទៀត។ កាលពីឆ្នាំមុននេះ ក្រុមហ៊ុនបច្ចេកវិទ្យាយក្សមួយនេះ បានប្រកាសថា បច្ចេកវិទ្យា Mi Charge Turbo គឺផ្តល់នូវល្បឿនលឿននៃការបញ្ចូលថាមពលថ្មដល់ទៅ 30W wireless charging។ បច្ចេកវិទ្យា Wireless charging technology គឺហាក់ដូចជាមានល្បឿនយឺតក្នុងការប្រើប្រាស់ ប៉ុន្តែតាមរយៈបច្ចេកវិទ្យា Mi Charge Turbo នេះ ល្បឿនរបស់វានឹងលឿន មែនទែនបើធៀបជាមួយនឹងបច្ចេកវិទ្យា 27W wired charging ។ សម្រាប់ស្មាតហ្វូន Mi 10 នេះក៏មានភ្ជាប់ជាមួយនឹងបច្ចេកវិទ្យា 30W fast wireless charging ផងដែរ៕