តាមរយៈការចេញផ្សាយរបស់ក្រុមហ៊ុន LetsGoDigital នាពេលថ្មីៗនេះ បានរកឃើញនូវប៉ាតង់មួយដែលមានការបង្ហើបអំពីស្មាតហ្វូន Oppo ថ្មីដែលមានភ្ជាប់ជាមួយនឹងប៊ិច Stylus ថែមទៀត។ ប៉ាតង់នេះមានការបញ្ជាក់ថា ក្រុមហ៊ុនផលិតស្មាតហ្វូនរបស់ចិននេះប្រហែលជាចាប់ផ្តើមនូវស្មាតហ្វូនដែលមានប្រើប្រាស់ជាមួយនឹងប៊ិច ហើយវាអនុញ្ញាតអោយអ្នកប្រើប្រាស់ជាច្រើនអាចដំណើរការនូវមុខងារ Multi-Tasks ជាច្រើនថែមទៀតដូចជាការបង្កើតនូវការខលតាមរយៈការប្រើប្រាស់នូវប៊ិច Stylus Pen ថែមទៀតជាមួយនឹងស្មាតហ្វូនថ្មីនេះ។
បើធ្វើការក្រឡេកមើលដំបូងនោហ ស្មាតហ្វូននេះត្រូវបានឃើញនៅក្នុងប៉ាតង់នេះគឺមិនមានការបង្ហាញនូវការឌីស្សាញទាំងស្រុងរបស់ស្មាតហ្វូននេះនោះទេ។ ខណៈពេលដែលវាហាក់ដូចជាការចាប់យកនូវទម្រង់មួយរួមនោះរបស់ស្មាតហ្វូន Flagship នេះ ហើយបើយើងមើលអោយកាន់តែកៀកទៅនឹងរូបភាពនេះមានការទម្លាយថារឿងជាច្រើនទៀត ដែលយើងអាចដឹងក្រៅពីភ្នែកទទេរបស់យើងនោះ។
សម្រាប់ប៊ិចនេះ មានភ្ជាប់ជាមួយនឹង Mic ផងដែរ។ វាក៏មានប៊ូតុងមុខងារជាច្រើនទៀតដែលមាននៅគែមរបស់ប៊ិចនេះសម្រាប់ដំណើរការជាមួយនឹងប៊ូតុងសំលេងនៅក្នុងពេលខល។ ប៊ិចរបស់ Oppo នេះមានភ្ជាប់ជាមួយនឹងថាមពលថ្ម ដូចនេះវានឹងប្រើប្រាស់បានយូរជាងប៊ិចធម្មតាដែលប្រើប្រាស់នូវប្រព័ន្ធ Bluetooth។
ក្រៅពីសមត្ថភាពនៃការខលនេះ ការឌីស្សាញនៅលើប៊ិច Oppo Stylus នេះ ពិតជាមានលក្ខណៈពិសេសមែនទែន។ ដូចអ្វីដែលបានឃើញនៅក្នុងរូបភាពនេះ ក្រុមហ៊ុនបច្ចេកវិទ្យានេះប្រហែលជារក្សាទុកនូវប៊ិចនេះគឺជាផ្នែកដាច់ដោយឡែករបស់ស្មាតហ្វូននេះជាក់ជាមិនខាន។ ខណៈពេលដែលក្រុមហ៊ុនផលិតស្មាតហ្វូនជាច្រើនដូចជា Motorola, LG និងក្រុមហ៊ុន Samsung ប្រើប្រាស់នូវប៊ិច Stylus នោះ សម្រាប់ស្មាតហ្វូនរបស់ពួកគេនោះ ក្រុមហ៊ុនទាំងងនេះ ជាធម្មតាផលិតនូវស្មាតហ្វូនដែលមានទំហំតូចងាយភ្ជាប់ទៅនឹងស្មាតហ្វូននេះហើយរូបរាងល្មមនឹងហោប៉ាវរបស់អ្នក។ សម្រាប់ថេប្លេតវិញនោះ ប៊ិចនេះគឺភ្ជាប់ទៅកាន់ផ្នែកខាងក្រោយរបស់វាដោយសារតែម៉ាញ៉េទិច។ សម្រាប់ថេប្លត Samsung Galaxy Tab S6 គឺមានការឌីស្សាញបែបនេះ។
មានការបញ្ជាក់ថា ប៉ាតង់របស់ក្រុមហ៊ុន Oppo នេះគឺមានគំនិតនៃការឌីស្សាញជាមួយនឹងប៊ិចនៅលើស្មាតហ្វូននេះ។សម្រាប់ប៊ិចនេះគឺពិតជាផ្នែកមួយដ៏សំខាន់នៅក្នុងស្មាតហ្វូននេះ។ ស្មាតហ្វូនមានគែម Bezels ស្តើងទាំងផ្នែកគែមចំហៀង និងផ្នែកខាងក្រោមនៃអេក្រង់របស់ស្មាតហ្វូននេះ។ បន្ថែមពីនេះទៀតនោះ ប៉ាតង់នេះគឺមានការបង្ហាញថាវាមានអេក្រង់ធំដែលមានគែម Bezel ធម្មតានៅផ្នែកខាងលើរបស់វា។ វាមិនទាន់មានការបង្ហើបថាក្រុមហ៊ុន Oppo អាចនឹងបង្ហាញនូវស្មាតហ្វូន Find X2 ដែលនឹងធ្វើឡើងនៅមុនព្រឹត្តិការណ៍ MWC 2020 ដែលធ្វើឡើងនៅថ្ងៃទី 24 ខែកុម្ភៈខាងមុខនេះ៕
