ថ្មីៗនេះ ក្រុមហ៊ុន Canon ប្រកាសថា ក្រុមហ៊ុនកំពុងតែធ្វើការអភិវឌ្ឍទៅលើកាមេរ៉ា EOS R5 full-frame mirrorless ដែលមានភ្ជាប់ជាមួយនឹង CMOS sensor, image processing, optical និងបច្ចេកវិទ្យា state-of-the-art ជាច្រើនទៀតដែលក្រុមហ៊ុន Canon បានខិតខំអភិវឌ្ឍអស់រយៈពេលជាច្រើនឆ្នាំមកហើយនោះ។ ក្រុមហ៊ុន Canon ក៏មានគម្រោងក្នុងការបញ្ចេញនូវ RF lenses ចំនួន 9 ដែលបច្ចុប្បន្ននេះស្ថិតនៅក្នុងការអភិវឌ្ឍនៅក្នុងឆ្នាំ 2020 នេះ។ តាមរយៈកាមេរ៉ា និង lenses ថ្មីនេះ ក្រុមហ៊ុន Canon នឹងបន្តក្នុងការពង្រឹងទៅលើប្រព័ន្ធ EOS R System របស់ខ្លួន។
EOS R System ផ្តល់នូវសេរីភាពកាន់តែធំទូលាយជាងមុនសម្រាប់ការឌីស្សាញទៅលើ lens ដែលប្រព័ន្ធនេះនឹងធ្វើអោយរូបភាពកាន់តែច្បា់សជាងមុន និងងាយស្រួលក្នុងការប្រើប្រាស់ជាងមុនថែមទៀត។ កាមេរ៉ា full-frame mirrorless ស៊េរីថ្មីនេះគឺស្ថិតនៅក្នុងការអភិវឌ្ឍដែលវាអាចទាញយកនូវប្រយោជន៍ជាច្រើនចេញពី EOS R System នេះជាមួយនឹងល្បឿនលឿននៅក្នុងការថតរូបភាព និងការថតវីដេអូកម្រិត 8K និងការពង្រីកទៅលើវិសាលភាពរបស់វាថែមទៀត។ បន្ថែមពីនេះទៀតនោះ វាអាចធ្វើការពង្រឹងទៅលើមុខងារនៃការបញ្ចូន ការប្រតិបត្តិការ និងភាពជឿជាក់ក្នុងការប្រើប្រាស់ថែមទៀតផង។ នៅក្នុងគំនិតរបស់ EOS Series នេះគឺផ្តោតទៅលើល្បឿន ភាពងាយស្រួលក្នុងការប្រើប្រាស់ និងរូបភាពគុណភាពខ្ពស់។
កាមេរ៉ា EOS R5 របស់ក្រុមហ៊ុន Canon នេះគឺជាកាមេរ៉ា full-frame mirrorless ជំនាន់បន្ទាប់នៃប្រព័ន្ធ EOS R System របស់ក្រុមហ៊ុននេះដែលមានការអភិវឌ្ឍថ្មីទៅលើសេនស័រ CMOS sensor ដែលមានសមត្ថភាពក្នុងការថតនៅក្នុងកម្រិត 20 frames per second (FPS) ថែមទៀត។ វាមានសមត្ថភាពក្នុងការថតវីដេអូកម្រិត 8K បានថែមទៀត។ វាមានរន្ធ Card Slots ចំនួន ២ និងការទ្រទ្រង់នូវការបញ្ចូនរូបភាពចេញពីកាមរ៉ានេះទៅកាន់ image.canon cloud platform បានថែមទៀត។
ក្រុមហ៊ុន Canon ក៏បានបង្ហាញនូវ RF24-105mm f/4-7.1 IS STM ដែលជាប្រភេទ RF zoom lens តូចបំផុត និងស្រាលបំផុតដែលមានទម្ងន់ត្រឹមតែ 395g និងមានប្រវែង 88.8mm ។ បើនិយាយអំពីតម្លៃវិញរបស់ RF24-105mm f/4-7.1 IS STM គឺមានតម្លៃសមរម្យ។ RF24-105mm f/4-7.1 IS STM នេះ ក៏មានភ្ជាប់ជាមួយនឹងមុខងារ Image Stabilization ផងដែរ។ លក្ខណៈពិសេសមួយទៀតរបស់ RF24-105mm f/4-7.1 IS STM នេះគឺការថតរូបភាព Close Up ។ វាមានភ្ជាប់ជាមួយនឹង 0.4x magnification ដែលអាចថតរូបភាពបានច្បាស់ជាមួយនឹងមុខងារ Manual Focus mode ថែមទៀត។ ជាមួយនឹង EOS R5 នេះ ក្រុមហ៊ុន Canon កំពុងតែធ្វើការអភិវឌ្ឍទៅលើ RF lenses ចំនួន ៩ ដែលគ្រោងនឹងបង្ហាញខ្លួននៅឆ្នាំ 2020 នេះដែលក្នុងនោះក៏មាន RF100-500mm f/4.5-7.1L IS USM, Extender RF 1.4x និង Extender RF 2x ផងដែរ៕
