MSI ដែលជាក្រុមហ៊ុនបច្ចេកវិទ្យានាំមុខគេនៅក្នុងវិស័យហ្គេម និងការផលិតនូវ Hardware ខ្លាំងក្លាសម្រាប់ Content Creator នោះ នៅថ្ងៃនេះបានប្រកាសបង្ហាញនូវផលិតផលថ្មីចំនួន 3 ចុងក្រោយបំផុតរបស់ខ្លួនដែលឈ្នះនូវពានរង្វាន់ iF Design Award 2020។ ក្នុងនាមជាអ្នកឈ្នះនូវពានរង្វាន់ iF Design Award នេះគឺមានន័យថា MSI ទទួលបាននូវចំណាត់ថ្នាក់ល្អបំផុតសម្រាប់ការឌីស្សាញរូបរាងរបស់វា។
លោក Sam Chern អនុប្រធានផ្នែកទីផ្សាររបស់ក្រុមហ៊ុន MSI បាននិយាយថា “ដើម្បីទទួលបាននូវការទទួលស្គាល់ជាមួយនឹងពានរង្វាន់ iF Design Award នេះ ពីមួយឆ្នាំទៅមួយឆ្នាំ ក្រុមហ៊ុន មានការខិតខំប្រឹងប្រែងឥតឈប់ឈរក្នុងការនាំយកនូវកិត្តិយសថ្មីសម្រាប់ការរចនាប្រកបដោយភាពច្នៃប្រឌិតខ្ពស់បំផុត។ ការឌីស្សាញរបស់ក្រុមហ៊ុន MSI គឺមិនអាចប្រកែកបាននោះទេ។ យើងនឹងបន្តក្នុងការនាំយកនូវការឌីស្សាញដែលល្អឥតខ្ចោះជាច្រើនបន្ថែមទៀតសម្រាប់អ្នកលេងហ្គេម Content Creator និងជាច្រើនទៀត។” ផលិតផលដែលឈ្នះនូវពានរង្វាន់នេះ គឺមានដូចជា MSI GS66 Stealth Gaming Laptop, MSI MPG SEKIRA 500X Gaming Case និង MSI MPG SEKIRA 500G Multitasking PC Case ។ ផលិតផលទាំង 3 នេះនឹងដាក់បង្ហាញនៅក្នុងព្រឹត្តិការណ៍ Café Moskau នៅក្នុងទីក្រុងប៊ែកឡាំងចាប់ពីថ្ងៃទី 2 ដល់ថ្ងៃទី 10 ខែឧសភានេះ។
MSI GS66 STEALTH GAMING LAPTOP
MSI GS66 STEALTH GAMING LAPTOP គឺជាសមាជិកចុងក្រោយបំផុតនៃកុំព្យូទ័រ MSI ដែលមានរូបរាងតូចងាយស្រួលក្នុងការចល័ត កម្លាំងម៉ាស៊ីនខ្លាំងក្លាក្នុងការលេងហ្គេម និងមានភ្ជាប់ជាមួយនឹងអេក្រង់លេងហ្គេម 300Hz gaming ថែមទៀត ។ វាក៏មានភ្ជាប់ជាមួយនឹងកង្ហារត្រជាក់ចំណួន 3 ដែលស្តើងជាងគេបំផុតនៅក្នុងពិភពលោកថែមទៀត។ វាមានថាមពលថ្មទំហំ 99.9Whr ផងដែរ។ GS66 Stealth គឺជាដំណោះស្រាយល្អបំផុតសម្រាប់អ្នកលេងហ្គេមអាជីព។
MSI MPG SEKIRA 500X GAMING CASE
MSI MPG SEKIRA 500X GAMING CASE គឺមានភាពច្នៃប្រឌិតខ្ពស់ ផ្តល់នូវភាពពេញចិត្ត ហើយអ្នកប្រើប្រាស់អាចធ្វើការរៀបចំទៅតាមតម្រូវការរបស់វាបានថែមទៀត។ MPG SEKIRA 500X មានភ្ជាប់ជាមួយនឹងកង្ហារ RGB ចំនួន 4 ដែលមានសមត្ថភាពក្នុងការបង្កើតនូវពណ៌ជាច្រើនលានថែមទៀត ដែលមើលទៅពិតជាលេចធ្លោរ និងអស្ចារ្យជាទីបំផុតថែមទៀត។ ផ្ទាំងកញ្ចក់ចំនួន 2 ផ្ទាំងក៏ធ្វើជាគម្របសម្រាប់ MPG SEKIRA 500X។ វាលែងជាបញ្ហាទៀតហើយទៅលើការឡើងកម្តៅក្តៅជាមួយនឹង MPG SEKIRA 500X នេះ។
MSI MPG SEKIRA 500G MULTITASKING PC CASE
MSI MPG SEKIRA 500G គឺជាម៉ាស៊ីន Desktop ដំបូងគេបំផុតរបស់ពិភពលោកដែលត្រូវបានឌីស្សាញឡើងសម្រាប់អ្នកលេងហ្គេម ឬអ្នកចូលចិត្តធ្វើការងារច្រើនក្នុងពេលតែមួយ (Multi-Taskers)។ បើនិយាយអំពីរូបរាងរបស់វានោះ មើលទៅមិនដូចជាកុំព្យូទ័រធម្មតាទេព្រោះវាមានលក្ខណៈប្លែកជាច្រើនដែលអ្នកអាចកត់សម្គាល់ឃើញបាន។ MPG SEKIRA 500G ផ្តល់អោយអ្នកប្រើប្រាស់នូវភាពងាយស្រួលក្នុងការបង្កើតនូវម៉ាស៊ីនកុំព្យូទ័រកម្រិតបិសាច (Monster Level) ជាមួយនឹងការបន្ថែមនូវ E-ATX motherboards, fans & ដំណោះស្រាយប្រព័ន្ធត្រជាក់ liquid cooling ថែមទៀតផង។
