មានការបញ្ចេញរូបភាព Renders ថ្មី ដែលបានបង្ហាញនូវរូបភាពដំបូងបំផុតរបស់ស្មាតហ្វូនស៊េរីថ្មី Samsung Galaxy A70e

កាលពីឆ្នាំមុននេះ ក្រុមហ៊ុន Samsung បានបង្ហាញនូវវត្តមានរបស់ស្មាតហ្វូន Galaxy A70 ដែលជាស្មាតហ្វូនថ្នាក់កណ្តាលកម្រិតខ្ពស់ដែលមានអេក្រង់ Infinity-U កាមេរ៉ាខាងក្រោយ 3 គ្រាប់ និងបន្ទះឈីប Snapdragon 675។ នេះ គឺជាស្មាតហ្វូនជំនាន់បន្ទាប់របស់ស្មាតហ្វូន Galaxy A70s ដែលនឹងមានការរក្សានូវលក្ខណៈសម្បត្តិដូចគ្នា ប៉ុន្តែវានឹងមានការកែប្រែនូវទំហំរូបភាពពី 32MP ទៅកាន់ 64MP sensor ផងដែរ។ 

សម្រាប់រូបភាព Renders របស់ស្មាតហ្វូននេះ គឺមានឈ្មោះហៅថា Galaxy A70e  ដែលមានការបែកធ្លាយនៅពេលនេះ ហើយវាគឺជា Version មួយរបស់ស្មាតហ្វូន Galaxy A70 ។ ប្រភពដែលទម្លាយព័ត៌មាននេះ គឺចេញពី  OnLeaks ហើយគាត់ក៏ធ្វើការសហការជាមួយនឹងប្លុករបស់ឥណ្ឌា មួយដែលមានឈ្មោះថា CompareRaja ផងដែរ។

ស្មាតហ្វូន Galaxy A70e នេះគឺមានអេក្រង់ Infinity-U ដូចគ្នាទៅនឹងស្មាតហ្វូន Galaxy A70 និង Galaxy A70s ថែមទៀត។ ទោះជាយ៉ាងណាក៏ដោយ សម្រាប់គែម Bezels របស់អេក្រង់ស្មាតហ្វូននេះគឺមានកម្រាស់ក្រាស់បន្តិចហើយ។ យើងនៅមិនទាន់ច្បាស់នោះទេថារូបភាព Renders នេះគឺជាផលិតផលចុងក្រោយឬយ៉ាងណានោះ។ សម្រាប់ទំហំអេងក្រង់របស់វាប្រហែលជា 6.1-inches ដែលជាប្រភេទអេក្រង់គែមរាបស្មើ។

សម្រាប់ផ្នែកខាងក្រោយរបស់ស្មាតហ្វូននេះគឺមានកាមេរ៉ា 3 គ្រាប់ដែលមានការឌីស្សាញបញ្ឈរ និងមានភ្លើង LED Flash ផងដែរ។ វាក៏មានប្រព័ន្ធស្កេនក្រយ៉ៅដៃនៅផ្នែកខាងក្រោយរបស់ស្មាតហ្វូននេះថែមទៀតផង បើមើលទៅលើស្មាតហ្វូន Galaxy A70 និង Galaxy A70s គឺមានប្រព័ន្ធស្កេនក្រយ៉ៅដៃនៅលើអេក្រង់ថែមទៀត។ នេះមិនមានន័យថា នេះមិនមែនជាអេក្រង់ AMOLED នោះទេ។

ស្មាតហ្វូនGalaxy A70e នេះគឺមានរន្ធដោតកាសនៅផ្នែកខាងលើរបស់ស្មាតហ្វូននេះខណៈពេលដែលផ្នែកខាងក្រោមរបស់ស្មាតហ្វូននេះគឺមានរន្ធ Speakers, MicroUSB និង Microphone ថែមទៀត។ សម្រាប់ប៊ូតុងសំឡេង និងប៊ូតុងបិទបើករបស់វាគឺគែមផ្នែកខាងស្តាំ ហើយគែមខាងឆ្វេងរបស់វាគឺសម្រាប់ដាក់ស៊ីម។ ស្មាតហ្វូននេះ នៅមនាលក្ខណៈសម្បត្តិជាច្រើនទៀត ដែលមិនទាន់ដឹងនោះទេអំពីស្មាតហ្វូន Galaxy A70e នេះ។ ស្មាតហ្វូននេះ នឹងមានពណ៌ខ្មៅ និងពណ៌សសម្រាប់ធ្វើការជ្រើសរើសផងដែរ៕