Pagani Imola គឺជារថយន្តដ៏ប្រណិតបំផុតដែលបំពាក់នូវវិស្វកម្មដ៏ល្អប៉ិនប្រសប់នៅក្នុងការប្រើប្រាស់ ហើយរថយន្តនេះ គឺមានការផលិតត្រឹមតែ 5 គ្រឿងប៉ុណ្ណោះ។ រថយន្តនេះ គឺមានតម្លៃដល់ទៅ 5 លានផោន ជាមួយនឹងការបន្ថែមនូវ VAT។ នេះគឺប្រើប្រាស់នូវម៉ាស៊ីនភ្លោះ twin-turbocharged 6.0L V12 ដែលធ្វើការផ្គត់ផ្គង់ ដោយក្រុមហ៊ុន AMG ដែលមានកម្លាំងដល់ទៅ 827 សេះ និងកម្លាំងរមួល 811 lb-ft។
អ្វីដែលកាន់តែទាក់ទាញជាងនេះ សម្រាប់រថយន្តថ្មីនេះ គឺវាមានទម្ងន់ត្រឹមតែ 2,747 ផោន តែប៉ុណ្ណោះ ហើយវាពិតជាមានទម្ងន់ស្រាលមែនទែន នៅក្នុងការប្រើប្រាស់។ នេះគឺជារថយន្ត Supercar ដ៏ខ្លាំងក្លារបស់ប្រទេសអ៊ីតាលី។
ក្រុមហ៊ុន Pagani បានបង្កើតនូវរថយន្ត Imola នេះ ដោយផ្តល់នូវបទពិសោធន៍នៃបច្ចេកវិទ្យាដ៏ល្អបំផុតកាន់តែអស្ចារ្យគ្មានគូប្រៀបសម្រាប់អ្នកប្រើប្រាស់។ តួរដថយន្ត គឺបង្កើតឡើងដោយ Carbo-titanium Monocoque ដែលផ្តល់នូវពណ៌យ៉ាងស្រស់ស្អាត និងទាក់ទាញបំផុតថែមទៀតផង។ រថយន្ត Pagani Imola នេះ គឺមានភ្ជាប់ជាមួនឹងប្រព័ន្ធ active-aero system ដែលស្រដៀងទៅនឹងមុខងារដែលមាននៅលើរថយន្ត Pagani Huayra អញ្ចឹងដែរ។ រថយន្ត Pagani Imola នេះ ទទួលបាននូវការធ្វើតេស្តជាច្រើននៅក្នុងការបើកបរចម្ងាយដល់ទៅ 16000 km ឬជិត 10000 miles គឺប្រហែលជាការបើកបរជិត 3 ជុំនៅក្នុងព្រឹត្តិការណ៍ 24 Hours of Le Mans នេះបើតាមការបញ្ជាក់របស់ក្រុមហ៊ុន Pagani។
ស្ថាបនិក និងប្រធានផ្នែកឌីស្សាញរបស់ក្រុមហ៊ុននេះគឺលោក Horacio Pagani បានបញ្ជាក់ថា សម្រាប់រថយន្ត Imola នេះគឺជាឧទាហរណ៍មួយនៃរថយន្តប្រណិតបំផុត។ នេះមិនមែនជារថយន្ដដែលមើលទៅមានភាពស្រស់ស្អាតនោះទេ ប៉ុន្តែប្រសិនបើអង្នកស្វែងរកនូវរថយន្ត F1 ដែលមានកៅអីតែមួយនោះ រថយន្តនេះ ពិតជាអស្ចារ្យ និងលេចធ្លោរបំផុតក្នុងការប្រើប្រាស់។
រថយន្តនេះក៏មានការពង្រឹងទៅលើល្បឿននៃការធ្វើដំណើររបស់វាថែមទៀតផង។ ក្រុមហ៊ុនបានបញ្ជាក់ថា ប្រសិនបើអ្នកមានការខកចិត្ត ដោយមិនមានឱកាសក្នុងការទិញរថយន្តណាមួយនៅក្នុងចំណោមរថយន្តទាំង 5 ម៉ូឌែល របស់រថយន្ត Pagani Imolas នេះ ក្រុមហ៊ុននេះ អាចនឹងពិចារណាក្នុងការបង្កើនការផលិតនៅពេលក្រោយផងដែរ៕