ក្រុមហ៊ុន Canon ទើបតែបញ្ចេញនូវកាមេរ៉ា mirrorless អាជីពរបស់ខ្លួនជាមួយនឹងការអភិវឌ្ឍថ្មី និងការប្រកាសបង្ហាញនូវកាមេរ៉ាថ្មីរបស់ខ្លួននោះគឺ Canon EOS R5 – ដែលមានភ្ជាប់ជាមួយនឹងវីដេអូកម្រិត 8K និងជាប្រភេទកាមេរ៉ា flagship mirrorless ថែមទៀតផង។ នេះគឺជាលើកទី 1 ដែលក្រុមហ៊ុន Canon បញ្ជាក់អំពីវត្តមានរបស់កាមេរ៉ានេះ និងលក្ខណៈសម្បត្តិមួយចំនួនរបស់វាផងដែរ។ ដូច្នេះ តើអ្នកបានដឹងអ្វីដែលច្បាស់អំពីកាមេរ៉ានេះ?
កាមេរ៉ា EOS R5 នេះគឺជាប្រភេទកាមេរ៉ា full-frame mirrorless ដែលបង្កើតឡើងជាមួយនឹងការប្រើប្រាស់នូវ RF Mount ដូចគ្នាទៅនឹងកាមេរ៉ា Canon EOS R និង EOS RP ។នេះគឺជាលើកទីមួយដែលកាមេរ៉ារបស់ក្រុមហ៊ុន Canon នោះគឺ EOS R5 នឹងភ្ជាប់ជាមួយនឹងប្រព័ន្ធ in-body image stabilization (IBIS) system ។ នេះគឺជារឿងមួយដ៏ធំដោយសារតែក្រុមហ៊ុន Canon ជាប្រវត្តិសាស្រ្តទៅហើយដែលមិនប្រើប្រាស់នូវមុខងារ image stabilization នៅក្នុងតួខ្លួននៃកាមេរ៉ារបស់ខ្លួននោះ ហើយវាក៏មានការប្រើប្រាស់នូវ lens stabilization នៅលើកាមេរ៉ានេះថែមទៀត។
ក្រុមហ៊ុន Canon បានប្រកាសថា ប្រព័ន្ធថ្មី IBIS system នេះគឺមានការបញ្ចូលគ្នាជាមួយ នឹងប្រព័ន្ធ lens stabilization system ហើយអ្នកនឹងមាននូវ Lens ដែលជា RF 24-105mm f/4-7.1 IS STM ថែមទៀត។ សម្រាប់កាមេរ៉ា EOS R5 នេះគឺប្រកាសបង្ហាញជាផ្លូវការ។ កាមេរ៉ា R5 នេះក៏មានសមត្ថភាពក្នុងការថតវីដេអូកម្រិត 8K ថែមទៀតផង។ នៅក្នុងនោះវាក៏មានមុខងារ "futureproofing video content" ដែលអ្នកអាចធ្វើការ Crop ទៅលើវីដេអូ 4K ថែមទៀត។
មានពាក្យចចាមអារ៉ាមថា កាមេរ៉ានេះ គឺមានទំហំ 45MP full-frame ខណៈពេលដែលក្រុមហ៊ុន Canon នៅមិនទាន់បញ្ជាក់អំពីសេនស័ររបស់កាមេរ៉ានេះ នៅឡើយទេ។ កាមេរ៉ា EOS R5 អាចធ្វើការថតនៅក្នុងកម្រិត 12fps ដោយប្រើប្រាស់នូវ echanical shutter ឬដល់ទៅ 20fps នៅក្នុងការប្រើប្រាស់នូវ electronic shutter ។ វាអាចនឹងយឺតជាង Canon 1DX Mark III បន្តិចហើយ ប៉ុន្តែវាលឿនជាងសម្រាប់ការថតប្រភេទ sports ឬ wildlife ។ កាមេរ៉ា EOS R5 នេះ នឹងមានសេនស័រ 45MP CMOS sensor ដែលអាចធ្វើការថតវីដេអូកម្រិត 8K នៅក្នុងកម្រិត 30fps ហើយវាក៏អាចធ្វើការថតវីដេអូកម្រិត 4K នៅក្នុងកម្រិត 120fps ។ កាមេរ៉ា EOS R5 នេះ គឺអាចធ្វើការប្រកួតប្រជែងជាមួយនឹងកាមេរ៉ា Panasonic Lumix S1H ដែលមានសមត្ថភាពក្នុងការថតនៅក្នុងកម្រិត 6K ថែមទៀត។ កាមេរ៉ា EOS R5 នេះក៏មានភ្ជាប់ជាមួយនឹង 5GHz Wi-Fi ថែមទៀត។ កាមេរ៉ា EOS R5 នឹងប្រកាសបង្ហាញខ្លួននៅថ្ងៃទី 27 ខែកុម្ភៈខាងមុខនេះ៕