ស្មាតហ្វូនស៊េរីថ្មី Galaxy S20 series គឺមានច្រើនពណ៌សម្រាប់ធ្វើការជ្រើសរើស ប៉ុន្តែពេលនេះ ក្រុមហ៊ុន Samsung គឺបញ្ចេញនូវពណ៌មួយមួយចំនួនសម្រាប់ម៉ូដែលជាក់លាក់ប៉ុណ្ណោះ។ ទោះជាយ៉ាងណាក៏ដោយនោះ គ្មានម៉ូដែលណាមួយដែលមានពណ៌ស ឬ Cloud White នោះទេ ប៉ុន្តែពេលនេះ ពណ៌ថ្មីនេះ ត្រូវបានគេប្រទះឃើញនៅក្នុងទឹកដីរបស់ប្រទេសកូរ៉េខាងត្បូងហើយ។
ស្មាតហ្វូន Galaxy S20+ 5G និង Galaxy S20 5G គឺមានពណ៌ Cloud White ផងដែរនៅក្នុងប្រទេសកូរ៉េខាងត្បូង ជាមួយនឹងពណ៌ Cloud Blue និង Cosmic Gray ។ ព័ត៌មាននេះមានការទម្លាយថា វានឹងមិនមែជាពណ៌តែមួយគត់ ដែលដាក់លក់នៅក្នុងប្រទេសកូរ៉េខាងត្បូងនោះទេ។ ព័ត៌មានបែកធ្លាយនេះមានការទម្លាយថា នេះមិនមែនជាពណ៌តែមួយគត់ដែលដាក់លក់ផ្តាច់មុខនៅក្នុងប្រទេសកូរ៉េនោះទេ។ នៅក្នុងបណ្តាញសង្គម Weibo ដែលធ្វើការបង្ហោះដោយ Ice Universe បានធ្វើការទម្លាយថា ស្មាតហ្វូន Galaxy S20+ នេះនឹងមានពណ៌ក្រហម និងពណ៌ខៀវផងដែរនៅក្នុងប្រទេសកូរ៉េ។ គាត់ក៏ធ្វើការចែករំលែកនូវរូបភាពមួយចំនួនរបស់ស្មាតហ្វូននេះផងដែរ។
ដូចអ្វីដែលអ្នកអាចមើលឃើញនៅក្នុងរូបភាពទាំងនេះអញ្ចឹង ពណ៌ខៀវនេះ គឺមានពណ៌ដិតខ្លាំងជាងពណ៌ Cloud Blue ហើយពណ៌ក្រហមវិញ គឺមានពណ៌ដូចគ្នាទៅនឹងស្មាតហ្វូន Galaxy Note10 Lite ពណ៌ក្រហមផងដែរ។ ទោះជាយ៉ាងណាក៏ដោយនោះ សម្រាប់ពណ៌ Cloud White នេះ គឺមានបង្ហាញនៅក្នុងបញ្ជីរបស់គេហទំព័រក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះផងដែរ។ សម្រាប់ពណ៌ខៀវ និងពណ៌ក្រហមនេះ ក៏នឹងប្រហែលជាប្រកាសបង្ហាញខ្លួននៅក្នុងពេលដ៏ខ្លីខាងមុខនេះ។
គួរបញ្ជាក់ថា នេះមិនមែនជារឿងថ្មីនោះទេ ដែល Samsung នឹងប្រកាសបង្ហាញនូវពណ៌ថ្មីសម្រាប់ស្មាតហ្វូន Flagship របស់ខ្លួននោះ ហើយយើងក៏ប្រហែលជាមិនមានអ្វីដែលភ្ញាក់ផ្អើលផងដែ រប្រសិនបើស្មាតហ្វូននេះ បង្ហាញខ្លួននៅក្នុងប្រទេសជាច្រើនទៀតនោះ នៅពេលខាងមុខនេះ។ យើងប្រហែលជាឃើញនូវពណ៌ថ្មីៗជាច្រើនទៀតនៅចុងឆ្នាំនេះ។ តើអ្នកមានគម្រោងក្នុងការទិញស្មាតហ្វូន Galaxy S20/S20+/ S20 Ultra នេះទេ? តើពណ៌ណាដែលអ្នកចូលចិត្តនោះ?
