យោងតាមការបញ្ជាក់របស់សារព័ត៌មាន Caifa News ដែលបានចេញផ្សាយកាលពីពេលថ្មីៗនេះ បានអោយដឹងថា ក្រុមហ៊ុន Xiaomi, Huawei, Samsung, Oppo និង Apple បានបង្ហាញនូវគម្រោងរបស់ខ្លួន នៅក្នុងការប្រើប្រាស់នូវ GaN Technology ទាំងអស់។ ក្រុមហ៊ុន Xiaomi ដែលជាអ្នកផ្គត់ផ្គង់ទៅលើដំណោះស្រាយនៃ Xiaomi GaN បាននិយាយថា “នៅក្នុងឆ្នាំនេះ ក្រុមហ៊ុនផលិតស្មាតហ្វូនជាច្រើន នឹងបញ្ចេញនូវ GaN power adapters”។
សម្រាប់ឆ្នាំងសាក Xiaomi GaN charger គឺប្រើប្រាស់នូវបច្ចេកវិទ្យា gallium nitride (GaN) technology និងមានប្រើប្រាស់នូវ USB Type-C interface ដែលទ្រទ្រង់ទៅលើបច្ចេកវិទ្យា 65W fast-charge ថែមទៀត។ វាអាចធ្វើការបញ្ចូលថាមពលថ្មពេញរបស់ស្មាតហ្វូន Xiaomi Mi 10 Pro នៅក្នុងរយៈពេល 45 នាទីប៉ុណ្ណោះ។ សម្រាប់ GaN charger របស់ក្រុមហ៊ុន Xiaomi ប្រើប្រាស់នូវ NV6115 និង NV6117 GaNFast power ICs របស់ Nanomicro ដែលមានកម្រិត 56.3 x 30.8 x 30.8mm (53 cc)។
នៅក្នុងបច្ចេកវិទ្យាថ្មី Semiconductor material GaN (gallium nitride) នេះ ទំហំរបស់ Charger នេះ គឺប្រហែលជា 48% តូចជាង Adapter របស់កុំព្យូទ័រ Xiaomi notebook។ បន្ថែមពីនេះទៀតនោះ GaN charger Type-C 65W’s USB-C interface របស់ក្រុមហ៊ុន Xiaomi ក៏ទ្រទ្រង់ទៅលើបច្ចេកវិទ្យាឆ្លាតវៃជាច្រើនទៀតដែលអាចធ្វើការបញ្ចូលនូវឧបករណ៍ដែលមានកម្លាំងដល់ទៅ 65W ដូចជា MacBook Pro និង Xiaomi notebooks ជាដើម។ សម្រាប់កញ្ចប់ផលិតផលនេះ គឺមាន Xiaomi USB-C ទៅ USB-C data ដែលមានភ្ជាប់ជាមួយនឹង E-Marker chip និងទ្រទ្រង់នូវកម្រិត 5A ថែមទៀតផង។ យើងនៅមិនទាន់ច្បាស់អំពីគម្រោងជាច្រើន នៃក្រុមហ៊ុនផលិតស្មាតហ្វូនៗជាច្រើនទៀតនេះទេ សម្រាប់ដំណោះស្រាយនៃ GaN នេះ។ បន្ទាប់ពីការជូនដំណឹងនេះ យើងនឹងបានឃើញនូវ GaN chargers ជាច្រើនទៀតនៅពេលអនាគត៕