យោងតាមព័ត៌មានថ្មីកាលពីម្សិលមិញនេះ បានអោយដឹងថា ក្រុមហ៊ុន Oppo ត្រូវបានគេរំពឹងថា នឹងបង្ហាញនូវស្មាតហ្វូន Find X2 នៅថ្ងៃទី 6 ខែមីនាខាងមុខនេះហើយ ស្របពេលដែលកន្លងមក ស្មាតហ្វូននេះត្រូវបានក្រុមហ៊ុនប្រកាសថា នឹងមានវត្តមាននៅក្នុងអំឡុងព្រឹត្តិការណ៍ MWC 2020 នៅក្នុងទីក្រុងបាសេឡូណា។ នៅពេលនេះ របាយការណ៍ថ្មីមួយបញ្ជាក់ថា ក្រុមហ៊ុននេះ គឺស្ថិតនៅក្នុងដំណើរឆ្ពោះទៅរកដំណើរការនៃការបង្ហាញនូវព្រឹត្តការណ៍ថ្មីមួយដែលធ្វើឡើងនៅថ្ងៃទី 6 ខែមីនា ឆ្នាំ 2020 នេះ។
ជាទូទៅ នៅក្នុងត្រីមាសទី 1 ឆ្នាំ 2020 នេះ គឺតែងតែមានភាពអ៊ូអរជាច្រើនតាមរយៈការបង្ហាញនូវស្មាតហ្វូនជាច្រើនរបស់ក្រុមហ៊ុនបច្ចេកវិទ្យាជាច្រើនផ្សេងៗគ្នា។ សម្រាប់ព្រឹត្តិការណ៍ Mobile World Congress នេះ គឺមានការបង្ហាញនូវស្មាតហ្វូនកម្រិតខ្ពស់ៗជាច្រើន។ ប៉ុន្តែគួរអោយស្តាយចាប់តាំងពីការលុបចោលនៃព្រឹត្តិការណ៍នេះ ដោយសារតែការរីករាលដាលនៃមេរោគកូរ៉ូណាវីរុសនោះ ពេលនេះ ក្រុមហ៊ុនផលិតស្មាតហ្វូនជាច្រើន ក៏ងាកទៅកាន់ការផ្សព្វផ្សាយដោយឯករាជ្យ។
.jpg)
Oppo Find X2 គឺជាស្មាតហ្វូនជំនាន់ថ្មីដែលមានការទន្ទឹងរង់ចាំពីអ្នកគាំទ្រជាច្រើន ហើយវាត្រូវបានគេដឹងថា នឹងមានការឌីស្សាញរូបរាងស្រស់ស្អាតដែលស្រដៀងគ្នាទៅនឹងស្មាតហ្វូន Find X។ មានការរំពឹងថានេះ គឺជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលមានរចនាបទដូចគ្នា (កាមេរ៉ាផុសឡើង)។សម្រាប់ស្មាតហ្វូន Find X2 នេះ មានភ្ជាប់ជាមួយនឹងលក្ខណៈសម្បត្តិជាច្រើនដូចជាអេក្រង់ 2K OLED ជាមួយនឹងកម្រិត refresh rate 120Hz និងបន្ទះឈីប Qualcomm’s Snapdragon 865 5G SoC ថែមទៀតផង។
.jpg)
បើយោងតាមការបញ្ជាក់នៅក្នុងការបែកធ្លាយកាលពីពេលមុននេះ បានបញ្ជាក់ថា ស្មាតហ្វូននេះ នឹងមានអេក្រង់ទំហំ 6.5 inch AMOLED ជាមួយនឹងកញ្ចក់ការពារ Corning Gorilla Glass 6។ សម្រាប់បន្ទះឈីប Qualcomm’s flagship នឹងប្រើប្រាស់ជាមួយនឹងរ៉េមទំហំ 8GB និងម៉េមូរីក្នុងម៉ាស៊ីនទំហំ 256GB។ ស្មាតហ្វូននេះ មានថាមពលថ្មទំហំ 4065mAh និងទ្រទ្រង់នូវបច្ចេកវិទ្យាបញ្ចូលថាមពលថ្មលឿនថែមទៀតផង។ ស្មាតហ្វូននេះ មានកាមេរ៉ាខាងក្រោយទំហំ 48 megapixel, 8 megapixel ultra-wide angle lens និង 13 megapixel telephotolens ។ សម្រាប់កាមេរ៉ាខាងមុខរបស់វា គឺមានទំហំ 32 megapixel។ សូមជំរាបថា នេះគឺគ្រាន់តែជាបែកធ្លាយប៉ុណ្ណោះ ដូច្នេះ យើងត្រូវធ្វើការរង់ចាំសម្រាប់ការបង្ហាញជាផ្លូវការ ឬព្រឹត្តិការណ៍នៃការប្រកាសចេញស្មាតហ្វូននេះជាផ្លូវការ តាមសេចក្តីថ្លែងការណ៍ជាក់លាក់៕
