ស្មាតហ្វូនដំបូង ឈ្មោះ Realme C3 ត្រូវបានណែនាំកាលពីដើមខែនេះ ប៉ុន្តែតាមពិត ក្រុមហ៊ុននេះ បានត្រៀមខ្លួននឹងបញ្ចេញស្មាតហ្វូនជំនាន់ថ្មីរបស់ខ្លួនមួយទៀត ដែលមានតម្លៃទាបជាងនេះ។ ទូរស័ព្ទដែលមានលេខម៉ូឌែល RMX2020 ត្រូវបានគេបញ្ជាក់នៅលើស្ថាប័នប៊្លូធូស SIG ដែលមានបំពាក់មកជាមួយនឹងបន្ទះឈីប MT6769 ប្រភេទ Helio X20 ដែលបានណែនាំជិតបីឆ្នាំមកហើយ។
ទូរស័ព្ទនេះ ត្រូវបានបញ្ជាក់នៅតាមអង្គភាពវាយតម្លៃជាច្រើន ដូច្នេះវាពិតជាមិនដូចវេទិកាសាកល្បងមួយ ដែល Realme បានបង្កើតឡើងសម្រាប់គោលបំណងផ្ទៃក្នុងទេ។ ស្មាតហ្វូនថ្មីនេះ នឹងមានថាមពលថ្ម 5000 mAh រួមជាមួយនិងកាមេរ៉ាថតរូបមានចំនួនបីគ្រាប់ គឺមានទំហំ 12MP+2MP+2MP។ នៅក្នុងឯកសារនៃការចុះបញ្ជីនេះ ក៏បានបង្ហាញនូវអេក្រង់របស់ស្មាតហ្វូននេះ គឺមានទំហំ 6.5 អ៊ីង ជាមួយនឹងកម្រិតភាពច្បាស់ FullHD អមដោយកាមេរ៉ាថតរូបខាងមុខទំហំ 5MP ។
ស្មាតហ្វូននេះអាចជាត្រកូល Realme C3 របស់ឥណ្ឌូនេស៊ីដែរ ប៉ុន្តែអាចនឹងមានឈ្មោះថា Realme C3i (មិនត្រូវច្រឡំជាមួយ Realme 3i ) អ្នលតាមដានបាន រំពឹងថា ព័ត៌មានលំអិតនៃស្មាតហ្វូននេះ នឹងដឹងបន្ថែមទៀត នៅប៉ុន្មានសប្តាហ៍ខាងមុខនេះ បន្ទាប់ពីឆ្លង ផុតដំណាក់កាលវាយតម្លៃគ្រប់សព្វ៕
