Oppo Find X2 ត្រូវបានគេរំពឹងថា នឹងមកដល់នៅសប្តាហ៍នេះ ប៉ុន្តែដោយសារតែព្រឹត្តិការណ៍ MWC 2020 ត្រូវបានគេពន្យារពេល ដោយនឹងលើកពេលទៅខែក្រោយវិញនោះ គឺបានធ្វើអោយក្រុមហ៊ុនមួយចំនួនធំ ខកខានការបង្ហាញពីលក្ខណៈពិសេស អំពីឧបករណ៍ថ្មីៗរបស់ខ្លួនគ្រប់ៗគ្នា។
ថ្ងៃនេះ យោងតាមប្រភពបែកធ្លាយមួយ ដែលអាចជឿទុកចិត្តបាននោះ គឺបានបង្ហាញថា ស្មាតហ្វូន Find X2 នឹងមានការភ្ជាប់មកជាមួយនូវបច្ចេកវិទ្យារសាកថ្មឥតខ្សែ ដែលមានល្បឿនលឿនដល់ទៅ 30W។ បើមើលតាមរូបថតអេក្រង់ ដែលបានចែករំលែក ទូរស័ព្ទនេះ ក៏នឹងគាំទ្រដល់ប្រព័ន្ទ 5G ផងដែរ ដែលវាពិតជាភ្ញាក់ផ្អើលខ្លាំងមែនទែន។
ប្រភពខាងលើបន្តថា ការសាកថ្មឥតខ្សែ គួរតែជាសាកថ្ម 30W Wireless VOOC Flash Charge ដែលត្រូវបានគេបង្ហាញចេញកាលពីកញ្ញាកន្លងទៅនេះ ខណៈពេលដែលការសាកខ្សែភ្លើង 65W SuperVOOC 2.0 ត្រូវបានបញ្ជាក់ដោយក្រុមហ៊ុន VP រួចហើយ។ ក្រឡេកមើលរូបថតអេក្រង់ ដែលក្រោយមកត្រូវបានដកចេញពី Weibo យើងឃើញថា មានបិទបើកច្រើន មិនត្រឹមតែសម្រាប់ 5G ប៉ុណ្ណោះទេ។ អ្នកក៏អាចបើក ឬបិទ VoLTE ផងដែរ អេក្រង់អាចត្រូវបានកំណត់ដល់ 60 ហឺត ឬ 120ហឺត (មិនមាន 90 ហឺតក្នុងចន្លោះនេះទេ)។ អេក្រង់នេះ នឹងមានមានទំហំរីសូលូសិន QHD+ កម្រិត 3168x1440 ភីកសែល ជាមួយនឹង Aspect Ratio 19.8:9៕