កាលពីថ្ងៃទី 14 ខែកុម្ភៈកន្លងទៅនេះ ក្រុមហ៊ុន Xiaomi បានដាក់លក់ Mi 10 ដែលជាស្មាតហ្វូន flagship ស៊េរីថ្មីរបស់ខ្លួន ជាលើកដំបូងបំផុតនៅក្នុងប្រទេសចិន ហើយស្មាតហ្វូននេះ គឺលក់អស់រលីងតែម្តងនៅក្នុងរយៈពេលត្រឹមតែ 1 នាទីប៉ុណ្ណោះ។ ក្រុមហ៊ុនបានប្រកាសថា ខ្លួននឹងមានការលក់ស្មាតហ្វូននេះ ជាលើកទី 2 គឺនឹងធ្វើឡើងនៅថ្ងៃទី 21 ខែកុម្ភៈខាងមុខនេះ។ លោក Pan Jiutang ដែលជាដៃគូសហការបស់ក្រុមហ៊ុន Xiaomi Industry Investment Department បាននិយាយថា ក្រុមហ៊ុននេះអាចនឹងប្រឈមមុខទៅនឹងបញ្ហានៃការផ្គង់ផ្គង់ជាច្រើនសម្រាប់ស្មាតហ្វូន Mi 10 នៅក្នុងរយៈពេលប្រហែលជា 2 សប្តាហ៍នៅក្នុងប្រទេសចិន។
លោកមានប្រសាសន៍ថា សម្រាប់ពិធីបុណ្យ Spring Festival ខាងមុខនេះ និងមានការពន្យារពេលនៅក្នុងរយៈពេលខ្លីផងដែរដោយសារតែស្មាតហ្វូន Mi 10 នេះ នឹងមិនមានចំនួនគ្រប់គ្រាន់សម្រាប់ផ្គត់ផ្គង់នៅលើទីផ្សារនោះទេ។ ទន្ទឹមនឹងនេះផងដែរ ការផ្ទុះឡើងនៃមេរោគកូរ៉ូណាវីរុសនេះក៏ធ្វើអោយស្ថានភាពនេះកាន់តែពិបាកផងដែរដោយសារតែផលិតកម្ម និងការផ្គត់ផ្គង់ក៏ត្រូវបានផ្អាកផងដែរ។ ស្មាតហ្វូន Xiaomi Mi 10 នេះមានអេក្រង់គែមកោង 6.67-inch AMOLED ជាមួយនឹងកម្រិត 90Hz refresh rate និង 180Hz touch sampling rate ។សម្រាប់កម្រិតពន្លឺនៅលើអេក្រង់របស់ស្មាតហ្វូននេះគឺដល់ទៅ 1200 nits ជាមួយនឹងកម្រិត contrast 5,000,000:1 ថែមទៀតផង។
ស្មាតហ្វូននេះប្រើប្រាស់នូវបន្ទះឈីប Qualcomm’s octa-core Snapdragon 865 chipset រ៉េមទំហំ 12GBLPDDR5 RAM និង UFS 3.0 storage ថែមទៀតផង។ ស្មាតហ្វូននេះក៏ទ្រទ្រង់ទៅលើ SA និង NSA dual-mode 5G connectivity។ ស្មាតហ្វូន Mi 10 នេះភ្ជាប់ជាមួយនឹងកាមេរ៉ាខាងក្រោយ 4 គ្រាប់ដែលមានកាមេរ៉ាទំហំ 108MP primary sensor, 13MP ultra-wide-angle lens, 2MP depth sensor និង 2MP macro lens។ សម្រាប់កាមេរ៉ាខាងមុខវិញនោះ វាមានកាមេរ៉ាទំហំ 20MP សម្រាប់ធ្វើការថតរូបភាពselfiesនិងវីដេអូខលផងដែរ។ ស្មាតហ្វូនMi 10 series នេះទ្រទ្រង់ទៅលើ Wi-Fi 6, Bluetooth 5.1, dual-mode 5G និង NFC ផងដែរ។ វាក៏ដំណើរការនូវ Android 10 ជាមួយនឹងថាមពលថ្មដែលមានទំហំ 4,780mAh ជាមួយនឹងបច្ចេកវិទ្យា 30W wired fast charging និង 30W wireless fast charging និងការទ្រទ្រង់ទៅលើបច្ចេកវីទ្យា 10W reverse wireless charging ថែមទៀតផង៕