ស្មាតហ្វូន realme X50 Pro 5G នឹងប្រើប្រាស់នូវកាមេរ៉ាគោលទំហំ 64MP អមជាមួយនឹងបច្ចេកវិទ្យា 20X HYBRID ZOOM

ស្មាតហ្វូនជាច្រើនម៉ូឌែល ដែលដំណើរការនូវបន្ទះឈីប Snapdragon 865 នឹងបង្ហាញខ្លួននៅក្នុងខែនេះហើយ បន្ទាប់ពីការប្រកាសចេញនូវស្មាតហ្វូន Xiaomi Mi 10 និង Mi 10 Pro។ នៅពេលនេះ ស្មាតហ្វូន iQOO 3 5G និង realme X50 Pro 5G ក៏ត្រៀមប្រកាសបង្ហាញវត្តមានផងដែរ។ យោងទៅតាមរបាយការណ៍ថ្មីមួយនាពេលថ្មីនេះ បានបបញ្ជាក់ថា ស្មាតហ្វូន realme X50 Pro 5G  នឹងបង្ហាញខ្លួនជាមួយនឹងកាមេរ៉ាគោល 64MP ultra-clear និងមានការទ្រទ្រង់ទៅលើបច្ចេកវិទ្យា 20x hybrid zoom ផងដែរ។ យើងនៅមិនទាន់ដឹងច្បាស់នោះទេថា កាមេរ៉ា 64MP  នេះជាប្រភេទ Sony IMX686 ឬ Samsung GW1 sensor នោះទេ។ បន្ថែមពីនេះទៀត ក៏មិនមានព័ត៌មានអំពីកាមេរ៉ាផ្សេងទៀតនោះទេ។

បើនិយាយអំពីម៉ាស៊ីនវិញនោះ ស្មាតហ្វូន Realme X50 Pro 5G នឹងប្រើប្រាស់នូវបន្ទះឈីប Qualcomm Snapdragon 865 flagship platform និងមានរ៉េមទំហំ 12GB LPDDR5 ហើយនិងមានមេម៉ូរី UFS 3.0 flash memory រួមនិងដំណើរការនូវប្រព័ន្ធប្រតិបត្តិការ Android 10 ថែមទៀតផង។ ស្មាតហ្វូន Realme X50 Pro 5G  ប្រើប្រាស់នូវបច្ចេកវិទ្យា 65W SuperDart Super Flash Charger ផងដែរ។ 

លោក Wang Wei  អនុប្រធានរបស់ក្រុមហ៊ុន realme បាននិយាយថា បច្ចេកវិទ្យា  65W SuperDart Super Flash Charger  របស់ស្មាតហ្វូននេះ គឺផ្តល់នូវបទពិសោធន៍នៃការបញ្ចូលថាមពលថ្មដ៏អស្ចារ្យគ្មានគូប្រៀបនោះទេ។ ស្មាតហ្វូនស៊េរីថ្មីនេះមានអេក្រង់ពេញគែម  Super AMOLED dual-punch-hole យ៉ាងស្រស់ស្អាត។ វាគឺជាស្មាតហ្វូន Flagship ដំបូងបំផុតរបស់ក្រុមហ៊ុន realme ដែលមានអេក្រង់ OLED Punch Hole នេះ។ សម្រាប់កម្រិត refresh rate  របស់ស្មាតហ្វូននេះគឺ 90Hz ហើយកម្រិតភាពច្បាស់របស់វាគឺ FHD+ ។ ស្មាតហ្វូន Realme Flagship ចុងក្រោយបំផុតរបស់ក្រុមហ៊ុននេះទ្រទ្រង់ទៅលើបច្ចេកវិទ្យា dual-mode 5G និងទ្រទ្រង់ទៅលើ mainstream bands ជាច្រើនដូចជា n1/n41/n78/n79 ថែមទៀតផង។ ស្មាតហ្វូននេះ ក៏មានប្រើប្រាស់នូវ GaN (gallium nitride) charger  ផងដែរ។ មានការរាយការណ៍ថា ការ បង្ហាញស្មាតហ្វូន Realme flagship នេះ គឺនៅម៉ោង 5 ល្ងាចនៅថ្ងៃទី 24 ខែកុម្ភៈនេះនៅក្នុងទីក្រុងប៉េកាំង៕