យោងតាមការបញ្ជាក់ពីប្រទេសចិន បានអោយដឹងថា នៅពេលនេះ ក្រុមហ៊ុន Huawei បាននឹងកំពុងតែធ្វើការនៅលើស្មាតហ្វូនជំនាន់ថ្មីរបស់ខ្លួនត្រកូល Nova ដែលមានឈ្មោះហៅថា Huawei Nova 7 SE ។ ដូចឈ្មោះដែលបញ្ជាក់នេះ ស្មាតហ្វូននេះគឺជាជំនាន់បន្ទាប់របស់ស្មាតហ្វូន Nova 6 series នេះ។ នៅក្នុងការបែកធ្លាយថ្មីនេះ គឺមានការបង្ហាញនូវលក្ខណៈសម្បត្តិជាច្រើនទៀតរបស់ស្មាតហ្វូននេះ ជាមួយនឹងកាលបរិច្ឆេទនៃការបង្ហាញស្មាតហ្វូននេះថែមទៀតផង។ នេះគឺជាអ្វីគ្រប់យ៉ាងដែលយើងបានដឹងអំពីស្មាតហ្វូន Nova 7 SE នេះ។
អ្នកទម្លាយព័ត៌មានដ៏ពេញនិយមម្នាក់ដែលមានឈ្មោះហៅថា DigitalChatStation បានធ្វើការចែករំលែកនូវលក្ខណៈសម្បត្តិមួយចំនួនរបស់ស្មាតហ្វូន Nova 7 SE នេះ។ នៅក្នុងការបង្ហោះនេះ ស្មាតហ្វូននេះ នឹងមានអេក្រង់ទំហំ 6.5-inch ជាមួយនឹងរន្ធប្រហោង punch-hole សម្រាប់ដាក់កាមេរ៉ាមុខថែមទៀតផង។ ស្មាតហ្វូននេះ នឹងដំណើរការនូវបន្ទះឈីប Kirin 820 SoC។ យើងបានលឺដំណឹងនេះជាលើកដំបូងរបស់បន្ទះឈីបនេះ កាលពីខែធ្នូ ឆ្នាំមុននេះ។ សម្រាប់អ្នកដេលមិនបានដឹងទេនោះ បន្ទះឈីប Kirin 820 នេះ គឺមានសមត្ថភាពក្នុងការពង្រឹងទៅលើបច្ចេកវិទ្យា 5Gដែលនឹងប្រើប្រាស់នៅលើស្មាតហ្វូនថ្នាក់កណ្តាល និងស្មាតហ្វូនលំដាប់ថវិកា។ បន្ទះឈីបនេះ នឹងប្រើប្រាស់នៅលើស្មាតហ្វូន Honor 10X ឬ Huawei Nova 7 ។
នៅមិនទាន់មានការបញ្ជាក់នៅឡើយនោះទេថា ស្មាតហ្វូននេះ នឹងប្រើប្រាស់នូវសេនស័រចំនួនប៉ុន្មាននោះទេ។ ស្មាតហ្វូននេះអាចនឹងប្រើប្រាស់នូវកាមេរ៉ាគោលទំហំ 64MP ។ សម្រាប់លក្ខណៈសម្បត្តិជាច្រើនទៀតរបស់ស្មាតហ្វូននេះ គឺប្រព័ន្ធស្កេនក្រយ៉ៅដៃនៅចំហៀង និងបច្ចេកវិទ្យា 22.5W fast charging ថែមទៀត។ វានៅមិនទាន់មានការបញ្ជាក់អំពីរ៉េម ម៉េមេរី ថាមពលថ្ម និងជាច្រើនទៀតរបស់វានៅឡើយទេ។ សម្រាប់ពេលនេះ ក្រុមហ៊ុនផលិតស្មាតហ្វូនរបស់ចិននេះ នៅមិនទាន់បញ្ជាក់អំពីកាលបរិច្ឆេទនៃការប្រកាសបង្ហាញស្មាតហ្វូននេះជាផ្លូវការនៅឡើយទេ។ ពាក្យចចាមអារ៉ាមជាច្រើនកាលពីពេលមុននេះ បញ្ជាក់ថា ស្មាតហ្វូន Nova 7 series នឹងបង្ហាញខ្លួននៅក្នុងខែមេសា។ យើងនឹងលឺព័ត៌មានជាច្រើនទៀតរបស់ស្មាតហ្វូននេះ នៅប៉ុន្មានសប្តាហ៍ទៀតខាងមុខនេះ។ ក្រៅពីស្មាតហ្វូន Nova 7 នេះ ក្រុមហ៊ុន Huawei ក៏កំពុងតែធ្វើការនៅលើស្មាតហ្វូន P40 និង Mate 40 series ផងដែរ៕