កាលពីពេលមុននេះ ក្រុមហ៊ុន Qualcomm បានសម្រេចចិត្តក្នុងការភ្ជាប់នូវការលក់គ្រប់ប្រព័ន្ធបន្ទះឈីប Flagship System ថ្មីរបស់ខ្លួននៅលើបន្ទះឈីប Snapdragon 865 ជាមួយនឹងម៉ូដឹម X55 5G ។ ការសម្រេចចិត្តនេះ ត្រូវបានគេមើលឃើញថា អាចនឹងបង្អាក់ដល់ក្រុមហ៊ុនផលិតស្មាតហ្វូនជាច្រើន ពីការប្រើប្រាស់នូវបន្ទះឈីបនេះ នៅលើស្មាតហ្វូនម៉ូឌែលថ្មីៗរបស់ពួកគេ។ ដោយសារតែពួកគេសម្រេចចិត្តក្នុងការកាត់បន្ថយទៅលើតម្លៃនៃការផលិតទៅលើស្មាតហ្វូនរបស់ពួកគេ។
ពេលនេះ ក្រុមហ៊ុន Qualcomm នេះ បានសម្រេចចិត្តដ៏ចម្លែកមួយ ដោយនឹងបោះបង់នូវការបញ្ចូលគ្នានៃម៉ូដឹមនៅលើបន្ទះឈីបរបស់ខ្លួនហើយ។ កាលពីពេលមុននេះ ក្រុមហ៊ុននេះ បានបង្ហាញថា ដើម្បីជាការបង្កើនទៅលើប្រសិទ្ធភាពនៃការប្រើប្រាស់នៅលើស្មាតហ្វូនជាច្រើននោះ ខ្លួននឹងប្រើម៉ូដឹមនេ ដាក់នៅលើបន្ទះឈីបនេះដោយផ្ទាល់តែម្តង។ ឆ្នាំមុននេះ ក្រុមហ៊ុននេះ ក៏បានធ្វើការផ្សព្វផ្សាយខ្លាំងទៅលើបណ្តាញ 5G networks របស់ខ្លួន និងការប្រកាសនូវម៉ូដឹមជាច្រើននៅក្នុងបន្ទះឈីបថ្នាក់កណ្តាលជាច្រើនដូចជាបន្ទះឈីប Snapdragon 765 / 765G ជាដើម។ នៅក្នុងពេលនេះ សម្រាប់អ្នកដែលចង់ប្រើប្រាស់នូវបន្ទះឈីបនេះ គឺត្រូវតែបង់ប្រាក់បន្ថែមទៀតសម្រាប់ម៉ូដឹម X55 5G modem។ ប៉ុន្តែអ្វីដែលគួរអោយចាប់អារម្មណ៍នោះគឺថា ក្រុមហ៊ុនជាច្រើនដែលបញ្ចេញនូវស្មាតហ្វូនជាច្រើនម៉ូឌែលរបស់ខ្លួននៅក្នុងឆ្នាំនេះ គឺមិនចាប់អារម្មណ៍ទៅលើបន្ទះឈីបដ៏ថ្លៃនេះទេ ជាពិសេសវាស្ថិតនៅក្នុងពេលដែលមានការលក់ធ្លាក់ចុះដោយសារតែមេរោគរាតត្បាតនេះ។
នៅក្នុងពេលនេះ យើងកំពុងតែនិយាយអំពីស្មាតហ្វូនស៊េរីថ្មីជាច្រើនដូចជា LG G9 ThinQ ។ វានឹងប្រើប្រាស់នូវបន្ទះឈីប Snapdragon 765 ជាមួយនឹងម៉ូដឹម 5G ។ ហើយវាក៏ប្រើប្រាស់ដោយក្រុមហ៊ុន HMD នៅលើស្មាតហ្វូន Nokia 8.3 ផងដែរ។ សម្រាប់ស្មាតហ្វូននាពេលខាងមុខនេះ គឺស្មាតហ្វូន Google Pixel 5 និង Pixel 5 XL អាចនឹងប្រើប្រាស់នូវបន្ទះឈីប Snapdragon 865 ផងដែរ។ សម្រាប់ស្មាតហ្វូន iPhone 5G អាចនឹងប្រើប្រាស់នូវម៉ូដឹម Snapdragon X55 modem ហើយក្រុមហ៊ុន Apple គឺគ្មានជំរើសផ្សេងនោះ៕
