ក្រុមហ៊ុន Honor បានបង្ហាញនូវស្មាតហ្វូនដំបូងបំផុតរបស់ខ្លួនរួចហើយនៅក្នុងឆ្នាំ 2020។ ស្មាតហ្វូនជំនាន់ថ្មី Honor 30S នេះ គឺដំណើរការនូវបន្ទះឈីប Kirin 820។ នាយកប្រតិបត្តិរបស់ក្រមហ៊ុន Honor ក៏បានធ្វើការប្រកាសចេញនូវរូបភាពជាច្រើនសន្លឹកររបស់ស្មាតហ្វូននេះ ដែលថតចេញពីកាមេរ៉ារបស់ស្មាតហ្វូន Honor 30S នេះផងដែរ។រូបភាពទាំងនេះ គឺបង្ហាញអំពីសមត្ថភាពដ៏ខ្លាំងនៃកាមេរ៉ា wide-angle និង telephoto lens របស់ស្មាតហ្វូន Honor 3០S នេះ។
នាយកប្រតិបត្តិរបស់ក្រុមហ៊ុន Honor លោក Xiong Junmin បានធ្វើការបង្ហាញនូវកាមេរ៉ាចាប់ពីកម្រិត 0.6x ultra-wide-angle រហូតដល់ទៅ 3x zoom ទៅដល់ 10x telephoto ហើយប្រព័ន្ធរូបភាពរបស់ស្មាតហ្វូន Honor 30S នេះ គឺមាន focal range ដែលធំជាងមុនក្នុងការចាប់រូបភាពបានកាន់តែទូលាយថែមទៀតផង។
រូបភាពដែលថតនេះ ពិតជាស្រស់ស្អាត និងច្បាស់បំផុតនេះគឺដោយសារតែគុណភាពនៃ Lens ដែលមានកម្រិតខ្ពស់ក្នុងការប្រើប្រាស់ រួមជាមួយនឹងកម្លាំងដ៏ខ្លាំងនៃបន្ទះឈីប Kirin 820 ថែមទៀតផង។ បើតាមដឹងនោះគឺថា បន្ទះឈីបនេះ គឺប្រើប្រាស់នូវ ISP 5.0 ដូចទៅនឹងបន្ទះឈីប Kirin 990 ផងដែរ។ ស្មាតហ្វូន Honor 30S នេះប្រើប្រាស់នូវកាមេរ៉ា 4 គ្រាប់ដែលមានកាមេរ៉ាគោលទំហំ 64MP sensor ដែលមានការទ្រទ្រង់ទៅលើបច្ចេកវិទ្យា 3x optical zoom ផងដែរ៕
