របាយការណ៍ថ្មី៖ ទូរទស្សន៍ Samsung Quantum Dot TVs ត្រូវបានគេបញ្ជាក់ថា នឹងបង្ហាញខ្លួននៅក្នុងឆ្នាំ 2021 បន្ទាប់ពីការបញ្ឈប់ការផលិតអេក្រង់ LCD

ក្រុមហ៊ុន Samsung Electronics នឹងចាប់ផ្តើមដំណើរការនូវទូរទស្សន៍ Quantum Dot TVs របស់ខ្លួននៅក្នុងឆ្នាំ 2021 នេះ ហើយអ្នកឃ្លាំមើលឧស្សាហកម្មនេះ បាននង្ហាញនូវការជឿជាក់ថា ការផ្លាស់ប្តូរយុទ្ធសាស្រ្តថ្មីនេះរបស់ក្រុមហ៊ុនបុត្រសម្ព័ន្ធរបស់ក្រុមហ៊ុននេះ នឹងក្លាយជាការពិត។

កាលពីដើមសប្តាហ៍នេះ ក្រុមហ៊ុន Samsung Display បានបញ្ជាក់ថា ខ្លួននឹងធ្វើការបញ្ចប់នូវការផលិតអេក្រង់ LCD របស់ខ្លួនទាំងអស់នៅចុងឆ្នាំនេះ។ អ្វីដែលសំខាន់ជាងនេះទៀតនោះ ក្រុមហ៊ុនផលិតអេក្រង់នេះ បាននិយាយថា វានឹងធ្វើការផ្លាស់ប្តូរទៅលើផលិតកម្មពីអេក្រង់នេះទៅកាន់អេក្រង់ Quantum Dot Displays វិញ។

ខណៈពេលដែលក្រុមហ៊ុន Samsung Electronics មានប្រភពក្រុមហ៊ុនផ្គត់ផ្គង់ ដែលជាបុត្រសម្ព័ន្ធរបស់ខ្លួន អ្នកវិភាគជាច្រើនមើលឃើញថា ការប្រកាសចេញនូវការផលិតទូរទស្សន៍ Quantum Dot TV ជំនាន់ដំបូង នឹងបង្ហាញខ្លួនឆាប់ៗនេះហើយ។ ជាមួយនឹងការផលិតទ្រង់ទ្រាយធំនៃអេក្រង់ Quantum Dot OLED នេះ នៅក្នុងឆមាសទី 1 ឆ្នាំ 2021 នេះ ទូរទស្សន៍ជាច្រើននឹងប្រើប្រាស់នូវបច្ចេកវិទ្យាថ្មីនេះសម្រាប់អ្នកប្រើប្រាស់ជាច្រើន។

ក្រុមហ៊ុន Samsung កំពុងតែស្វែងរកនូវដំណោះស្រាយដែលផ្អែកនៅលើបច្ចេកវិទ្យា Quantum Dot នេះ អស់រយៈពេលជាច្រើនឆ្នាំមកហើយដែលមានការវិនិយោគទាំងផ្ទៃក្នុង និងខាងក្រៅផងដែរ។ ទោះជាយ៉ាងណាក៏ដោយនោះ ក្រុមហ៊ុននេះ មិនប្រញាប់ប្រញាល់ក្នុងការបញ្ឈប់នូវផលិតផល LCD នោះទេ។ ក្រុមហ៊ុន Samsung នឹងធ្វើការបោះជំហានក្នុងការផលិតនូវទូរទស្សន៍ QLED TVs នេះចំនួន 8 លាននៅក្នុងឆ្នាំ 2020 ដែលមានការកើនឡើង 2.7 លានគ្រឿងបើធៀបជាមួយនឹងឆ្នាំ 2019។ ជំនាន់ដំបូងនៃផលិតផល Quantum Dot របស់ក្រុមហ៊ុន Samsung នឹងជាជម្រើសដ៏ល្អសម្រាប់ដំណោះស្រាយនៃ QLED ដែលជាប្រភេទមួយទៀតនៃអេក្រង់ LED នេះ។ សម្រាប់អេក្រង់ថ្មីនេះ នឹងមានតម្លៃថ្លៃខ្លាំងជាងនៅក្នុងការផលិតទ្រង់ទ្រាយធំទៅលើអេក្រង់នេះ៕