Huawei Pay ត្រូវបានធ្វើការបង្ហាញខ្លួនជាផ្លូវការនៅក្នុងប្រទេសសិង្ហបុរី ជាមួយនឹងភាពជាដៃគូផ្តាច់មុខជាមួយនឹងធនាគារ ICBC (The Industrial and Commercial Bank of China) នៅក្នុងប្រទេសសិង្ហបុរី។ កម្មវិធីនេះ គឺមានតម្លើងរួចជាស្រេចនៅលើស្មាតហ្វូន Huawei P40 Series ហើយវាអាចធ្វើការដោនឡូតបាននៅលើស្មាតហ្វូន Huawei / Honor ជាច្រើន ចេញពីកម្មវិធី App Gallery ផងដែរ។ Huawei Pay ក៏ដំណើរការនៅក្នុងប្រទេសសិង្ហបុរីនេះ គឺមានការសហការផ្តាច់មុខជាមួយនឹងក្រុមហ៊ុន UnionPay ផងដែរ។ សេវាកម្មទូទាត់ប្រាក់របស់សេវាកម្ម Huawei Mobile Services (HMS) អាចត្រូវបានប្រើប្រាស់សម្រាប់ការទូទាត់ដោយមិនចាំបាច់ប្រើប្រាស់នូវសាច់ប្រាក់នៅលើស្មាតហ្វូនរបស់ Huawei និង Honor។
សម្រាប់ធនាការ ICBC Singapore នេះ គឺជាធនាគារដំបូងបំផុត និងជាធនាគារតែមួយគត់ ដែលមានការទ្រទ្រង់ទៅលើសេវាកម្មនេះ។ នៅក្នុងផ្នែកមួយនៃការផ្តល់ជូននេះ អ្នកប្រើប្រាស់ជាច្រើនអាចធ្វើការបញ្ជាទិញជាច្រើនតាមរយៈនូវសេវាកម្ម Huawei Pay នេះ តាមរយៈការចុះឈ្មោះនៅលើឥតឥណទាន ICBC UnionPay នៅចន្លោះថ្ងៃទី 1 ខែមេសានេះ ដល់ថ្ងៃទី 30 ខែកញ្ញានេះ ហើយអ្នកនឹងទទួលបាននូវពិន្ទុនៅលើ Huawei Points និងសាច់ប្រាក់មកវិញចំនួន $20 (សឹង្ហបូរី) សម្រាប់គ្រប់ប្រតិបត្តិការទាំងអស់។ បន្ថែមពីនេះទៀតនោះ អ្នកប្រើប្រាស់ជាច្រើននឹងទទួលបាននូវកាដូ Huawei Points ចំនួន 10 ដែលមានតម្លៃ $10 (សឹង្ហបូរី) ហើយវាអាចប្រើប្រាស់សម្រាប់ការចំណាយនៅលើ Huawei AppGallery, Themes, Video, Mobile Cloud និងជាច្រើនទៀត។
ចាប់តាំងពីHuawei Pay ទ្រទ្រង់ទៅលើការទូទាត់ប្រាក់ NFC នៅក្នុងហាងលក់រាយជាច្រើននោះ អាចប្រើប្រាស់បានជាមួយនឹងស្មាតហ្វូន Huawei និង Honor ជាច្រើនទៀតនៅលើម៉ាស៊ីន POS (Point-of-Sale) terminals ជាជាងការប្រើប្រាស់នូវកាតឥណទាននេះ។ សេវាកម្មនេះ ក៏ប្រើប្រាស់នូវប្រព័ន្ធផ្ទៀងផ្ទាត់ជីវសាស្រ្តរបស់ស្មាតហ្វូននេះ សម្រាប់ប្រព័ន្ធសុវត្ថិភាពនេះផងដែរ។ បន្ថែមពីនេះទៀតនោះ ស្មាតហ្វូន Huawei P40 Series នឹងដាក់លក់នៅក្នុងប្រទេសសិង្ហបុរីចាប់ពីថ្ងៃទី 4 ខែមេសានេះ។ ក្រុមហ៊ុន ក៏មានការថែមជូននូវ 50GB Huawei Mobile Cloud សម្រាប់រយៈពេល 12 ខែ Smart View Flip Cover ដែលមានតម្លៃ $58 (សឹង្ហបូរី) និង Huawei SuperCharge Wireless Car Charger ដែលមានតម្លៃ $98 (សឹង្ហបូរី)។ ស្មាតហ្វូន Huawei P40 និង P40 Pro នឹងមានពណ៌ Silver Frost, Blush Gold និង Deep Blue Sea ហើយវាមានតម្លៃ $1,048 (សឹង្ហបូរី) និង $1,448 (សឹង្ហបូរី) រៀងគ្នា។
នៅក្នុងប្រទេសសិង្ហបុរី ស្មាតហ្វូន Huawei P40 Series អាចរកទិញបានចេញពី Huawei Concept Stores ក្រុមហ៊ុនទូរគមនាគមន៍ធំៗ ហាងលក់គ្រឿងអេឡិចត្រូនិច និងហាង់លក់អនឡាញជាច្រើនទៀតដូចជា Lazada និង Shopee ។ ក្រៅពី Huawei Pay នោះ Huawei Video ក៏ដំណើរការនៅក្នុងប្រទេសសឹង្ហបុរីជាមួយនឹងស្មាតហ្វូន P40 Series នេះផងដែរ។ វាមានកម្មវិធីជាង 4000 នៅក្នុង BBC Studios ផងដែរ៕
