កាមេរ៉ា Canon EOS R5 (8K) បានបង្ហាញខ្លួនជាផ្លូវការហើយ អ្វីដែលពិសេសនោះ វាគឺជាយុគសម័យថ្មីនៃការថតវីដេអូឌីជីថលដ៏អស្ចារ្យដែលគ្មានគូប្រៀបនោះទេ។ ជាមួយនឹងការបញ្ជាក់ជាផ្លូវការថា កាមេរ៉ា Canon EOS R5 នេះ មានសមត្ថភាពក្នុងការថតវីដេអូកម្រិតដល់ទៅ 8K វាពិតជាមិនធម្មតានោះទេ។ ក្រុមហ៊ុន Canon បានទម្លាយនូវព័ត៌មានជាច្រើនរបស់កាមេរ៉ាស៊េរីថ្មីនេះ ជាច្រើនខែមកហើយ ហើយក្រុមហ៊ុននេះ ក៏ដឹងថាការលក់កាមេរ៉ានៅក្នុងពេលបច្ចុប្បន្ននេះ ក៏មានការធ្លាក់ចុះផងដែរដោយសារតែមេរោគរាតត្បាតកូរ៉ូណាវីរុសនោះ។
ទោះជាយ៉ាងណាក៏ដោយ នៅក្នុងនាមជាម៉ាកយីហោឧស្សាហកម្មឈានមុខគេទៅលើផ្នែកថតរូបភាព និងវីដេអូនោះ ក្រុមហ៊ុននេះ បានប្រកាសចេញនូវកាមេរ៉ាថ្មីរបស់ខ្លួនដែលពិតជាសក្តិសមបំផុតនៅក្នុងយុគសម័យនៃការថតវីដេអូកម្រិត 8K នេះជាផ្លូវការហើយ។ នេះគឺជាកាមេរ៉ាថ្មីកម្រិត 8K ដែលមានភ្ជាប់ជាមួយនឹងសេនស័រ full-frame CMOS sensorនិងមុខងាររក្សាលំនឹង IBIS stabilization ផងដែរ។ វាក៏មានការពង្រឹងទៅលើមុខងារជាច្រើនទៀតបើធៀបជាមួយនឹងកាមេរ៉ាម៉ូឌែល EOS R ជំនាន់ដំបូងរបស់វា និងការប្រើប្រាស់នូវកាត Card Slots ចំនួន២ ថែមទៀត។
លក្ខណៈសម្បត្តិរបស់កាមេរ៉ា Canon EOS R5
•45MP full-frame CMOS sensor
•8K video up to 30fps
•4K video up to 120fps
•IBIS
•Dual card slots
•No touch bar
•Rear Scroll Wheel
•Liveview/Movie toggle
•Built-in 5GHz Wi-Fi
បើនិយាយអំពីតម្លៃរបស់វានោះ វានៅមិនទាន់មានការទម្លាយជាផ្លូវការនៅឡើយទេ។ ប៉ុន្តែវាមានការរំពឹងថា តម្លៃរបស់កាមេរ៉ានេះគឺខ្ពស់ជាង EOS R និង EOS RP ដែលប្រហែលជាមានតម្លៃចាប់ពី $3000 ទៅ $5000។ បើនិយាយអំពីកាលបរិច្ឆេទនៃការដាក់លក់វិញនោះ កាមេរ៉ា EOS R5 នេះនឹងបង្ហាញខ្លួននៅលើទីផ្សារក្នុងពេលឆាប់ៗនេះចាក់ជាមិនខាន៕