យើងបានដឹងរួចមកហើយថា មួយរយៈចុងក្រោយនេះ មានក្រុមហ៊ុនជាច្រើន កំពុងតែប្រយុទ្ធប្រឆាំងជាមួយនឹងការរាតត្បាតនៃមេរោគកូរ៉ូណាវីរុសនេះ នៅក្នុងវិធីជាច្រើនផ្សេងៗគ្នា បានចាប់ផ្តើមពីការផ្លាស់ប្តូរនូវផលិតកម្មរោងចក្ររបស់ពួកគេទៅជាផលិតកម្មផលិតនូវឧបករណ៍បំពង់ខ្យល់ដកដង្ហើម ហើយក្រុមហ៊ុន Lamborghini ក៏ផ្លាស់ប្តូរនូវផលិតកម្មរបស់ខ្លួនទៅផលិតម៉ាសផងដែរ។ ដោយក្រុមហ៊ុនផលិតរថយន្តនេះ បាននាំយកនូវភាពអស្ចារ្យមិនធម្មតានោះទេ សម្រាប់អ្នកគាំទ្ររបស់ខ្លួន។
សារជីវកម្ម 1016 Industries គឺជាក្រុមហ៊ុនមួយដែលមានមូលដ្ឋាននៅខាងក្រៅទីក្រុង Miami, Florida ដែលមានជំនាញនៅក្នុងការផលិតនូវ Carbon Fiber។ ក្រុមហ៊ុននេះ ទើបតែប្រកាសអំពីវត្ថុធាតុដើម ចុងក្រោយបំផុតរបស់ខ្លួន ដែលពិតជាមានសារៈសំខាន់ខ្លាំងមែនទែនសម្រាប់អង្គការសុខភាពពិភពលោក។
ថ្មីៗនេះ ក្រុមហ៊ុននេះ ក៏បញ្ចេញនូវរថយន្ត Lamborghini Huracan Evo ដែលផលិតឡើងពីសរសៃ Carbon Fiber 100% តែម្តង ហើយវាមើលទៅពិតជាលេចធ្លោរខ្លាំងមែនទែនក្នុងការប្រើប្រាស់។ ការប្រើប្រាស់នូវសរសៃ carbon fiber នេះ មិនមែនជាគំនិតអ្វីដែលចម្លែកនោះទេសម្រាប់រថយន្ត Huracan នេះ។ ក្រុមហ៊ុន 1016 Industries បោះជំហានទៅមុខមួយកម្រិតទៀតក្នុងការផលិតនូវតួខ្លួនរបស់រថយន្តនេះជាមួយនឹង Carbon ដែលមានការពង្រឹងកាន់តែប្រសើរឡើងសម្រាប់រថយន្ត Huracan Evo នេះ។
នៅក្នុងការផ្លាស់ប្តូរជាច្រើនទៀតនោះ គឺទៅលើផ្នែកខាងក្រោយដែលមានការផលិតចេញពី carbon fiber រួមជាមួយនឹងលោហធាតុអ៊ីណុកផងដែរ។ វាក៏មានការឌីស្សាញផ្នែកខាងមុខ និងផ្នែកខាងក្រោយថ្មីកាន់តែប្លែកបំផុតក្នុងការប្រើប្រាស់ថែមទៀតផង។ ថយន្តនេះគឺមានកម្លាំងដល់ទៅ 650 សេះ និងកម្លាំងរមួលដល់ទៅ 462 lb-ft ជាមួយនឹងម៉ាស៊ីន 5.2-liter V10។
តើនេះនឹងរួមចំណែកនៅក្នុងការប្រយុទ្ធប្រឆាំងទៅនឹងមេរោគ Covid-19 យ៉ាងដូចម្តេចទៅ? ក្រុមហ៊ុន 1016 Industries បាន ប្រកាសថា ចាប់ពីពេលនេះប្រាក់ 10% នៃការលក់របស់ក្រុមហ៊ុននេះ រហូតដល់ដាច់ខែមេសា នឹងធ្វើការបរិច្ចាកទៅដល់អង្គការសុខភាពពិភពលោកដើម្បីប្រយុទ្ធទៅនឹងមេរោគរាតត្បាតនេះ៕
