ក្រុមហ៊ុន Samsung បានបង្ហាញនូវកាសស្តាប់ TWS earbuds ចំនួន 2 នៅក្នុងឆ្នាំនេះ នោះគឺ Galaxy Buds+ ដែលបង្ហាញខ្លួនជាមួយនឹងស្មាតហ្វូន Galaxy S20 Series និងកាសស្តាប់ AKG N400 ដែលទើបតែបង្ហាញខ្លួនថ្មីៗនេះ នៅក្នុងប្រទេសកូរ៉េខាងត្បូងនេះ។ ការបែកធ្លាយថ្មីនេះ មានការទម្លាយថា កាសស្តាប់ឥតខ្សែថ្មី Galaxy Buds គឺស្ថិតនៅក្នុងការអភិវឌ្ឍ ហើយវាប្រហែលជាបង្ហាញខ្លួននៅចុងឆ្នាំនេះ។
ជាមួយនឹងការបែកធ្លាយនេះ គឺចេញពីប្រភព Winfuture.de និងប្លុកបច្ចេកវិទ្យារបស់អាល្លឺម៉ង់ ដែលផ្តល់អោយយើងនូវការមើលឃើញជាលើកដំបូងបំផុតនៃកាសស្តាប់ earbuds នេះ ដែលមានការឌីស្សាញដែលយើងមិនធ្លាប់បានឃើញពីមុនមកនោះទេ។ សម្រាប់ឈ្មោះផ្លូវការរបស់កាសស្តាប់ earbuds នេះ នៅមិនទាន់ដឹងនៅឡើយទេ ប៉ុន្តែសម្រាប់កូដរបស់វានោះគឺ “Bean” ហើយនោះ មិនគួរអោយភ្ញាក់ផ្អើលនោះទេចាប់តាំងពីវាមានរូបរាងដូចជាគ្រាប់សណ្តែក។ វាក៏មានលេខម៉ូឌែល SM-R180។
Winfuture.de បានធ្វើការរាយការណ៍ថា ពួកគេទទួលបាននូវគំនូសព្រាង និងគំរូ 3D នៃកាសស្តាប់ earbuds នេះ។ ផ្អែកទៅលើរូបភាពនេះ កាសស្តាប់ earbuds នេះ គឺពិតជាស្រស់ស្អាតនិងសក្តិសមបំផុតជាមួយនឹងការឌីស្សាញដែលមានរូបរាងដូចជាគ្រាប់សណ្តែក។ វាគឺមាន Speakers ចំនួន 2។ វាក៏មាន contact pins ចំនួន 2 សម្រាប់ការសាកបញ្ចូលថ្មផងដែរ។
លក្ខណៈសម្បត្តិ និងមុខងារជាច្រើននៃកាសស្តាប់ earbuds ថ្មីនេះនៅមិនទាន់ដឹងនៅឡើយទេនៅក្នុងខណៈពេលនេះ ប៉ុន្តែវាមានព័ត៌មានលម្អិតជាច្រើនដែលមានការបែកធ្លាយនៅក្នុងដំណាក់កាលទី 1 នៃការធ្វើតេស្តផ្ទៀងផ្ទាត់ផ្នែកវិស្វកម្មនេះ។ កាសស្តាប់នេះ អាចនឹងបង្ហាញខ្លួនជាមួយនឹងស្មាតហ្វូន Galaxy Note20 Series នៅក្នុងខែសីហាខាងមុខនេះ៕