ថ្មីៗនេះ កម្មវិធីសន្និសីទជាវីដេអូ Zoom គឺមានការទម្លាយបង្ហាញអំពីការព្រួយបារម្មណ៍ទៅលើទិន្នន័យផ្ទាល់ខ្លួនជាច្រើន ប៉ុន្តែសម្រាប់រឿងនេះ អ្នកជំនាញមួយចំនួនរកឃើញថា នាយកប្រតិបត្តិរបស់ក្រុមហ៊ុន Zoom គឺមានឱកាសក្នុងការភ្ជាប់ទៅកាន់ម៉ាស៊ីនមេ និងការមើលទៅលើវគ្គនីមួយៗនៃវីដេអូទាំងអស់នេះ ហើយទិន្នន័យរបស់អ្នកប្រើប្រាស់ទាំងអស់នេះ ប្រហែលជាត្រូវបានបញ្ចូនទៅកាន់ប្រទេសចិន។
យោងតាមក្រុមហ៊ុន TechCrunch បានបង្ហាញនូវលទ្ធផលជាច្រើននៃការស្រាវជ្រាវរបស់អ្នកប្រាជ្ញាជាច្រើននៅក្នុងសាកលវិទ្យាល័យរបស់ប្រទេសកាណាដា “The Citizen Lab” និងការបង្ហាញថា កម្មវិធី Zoom នេះ គឺប្រើប្រាស់នូវវិធីសាស្រ្ត AES-128 សម្រាប់ការអ៊ីនគ្រីបទៅលើទិន្នន័យនៅក្នុងអំឡុងពេលនៃការប្រជុំគ្នានេះ ខណៈពេលដែលពួកគេអះអាងថា លេខ AES-256 នេះ គឺខ្លាំងជាងមុន។ អ្នកប្រាជ្ញជាច្រើន បានរកឃើញថា ទិន្នន័យនេះ ដំណើរការជាមួយនឹងការអ៊ីនគ្រីប AES-128 ដែលចេញពីម៉ាស៊ីនមេនៃកម្មវិធីនេះ។
នៅក្នុងករណីមួយចំនួននៃទិន្នន័យនេះ ត្រូវបានបញ្ចូនទៅកាន់ម៉ាស៊ីនមេនៃកម្មវិធី Zoom នៅក្នុងប្រទេសចិន ទោះបីជាអ្នកប្រើប្រាស់ទាំងអស់នៅក្នុងសន្និសីទនេះ មិនមែនជាអ្នកប្រើប្រាស់ជនជាតិចិននោះទេ។ TechCrunch បានស្នើសុំទៅកាន់ក្រុមហ៊ុន Zoom អំពីបញ្ហានេះ ហើយវាក៏មានការឆ្លើយតបចេញពីនាយកប្រតិបត្តិលោក Yuan Zheng ដែលមានការបង្ហាញថា អ្នកប្រើប្រាស់ទាំងអស់ នឹងស្វែងរកនូវម៉ាស៊ីនមេដែលនៅជិតបំផុតនៅពេលដែលធ្វើការតភ្ជាប់ (Zoom តែងតែមានភាពខុសគ្នាទៅលើផ្នែកភូមិសាស្ត្រ ហើយជនជាតិអ៊ឺរ៉ុប និងអ្នកប្រើប្រាស់ជនជាតិអាមេរិកគឺភ្ជាប់ទៅកាន់ម៉ាស៊ីនមេនៅក្នុងស្រុក)។
ប្រសិនបើម៉ាស៊ីនមេជាច្រើនមានការស្ទះចរាចរណ៍នោះ ពួកគេនឹងស្វែងរកនូវម៉ាស៊ីនមេជាច្រើន ដែលអាចដំណើរការបាន។ ក្រុមហ៊ុន Zoom ប្រកាសជាផ្លូវការថា រឿងនេះ គឺពិតជាកម្ររខ្លាំងណាស់។ ច្បាប់ចិន បច្ចុប្បន្នចែងថា ទិន្នន័យរបស់ម៉ាស៊ីនមេត្រូវបានបង្កើតឡើងនៅក្នុងប្រទេសចិន ត្រូវតែរក្សាទុកនៅក្នុងប្រទេសចិន។ នេះមានន័យថា ទិន្នន័យដែលផ្ញើដោយ Zoomអាចត្រូវបានរក្សាទុកនៅក្នុងម៉ាស៊ីនមេរបស់ក្រុមហ៊ុន Zoomនៅប្រទេសចិន។ មានការកត់សម្គាល់ថា នាពេលថ្មីៗនេះ ដោយសារតែមេរោគរាតត្បាត COVID-19 នោះ សេវាកម្មវីដេអូសន្និសីទនេះ គឺមានការកើនឡើងយ៉ាងខ្លាំងក្លា នេះបើតាមការទម្លាយរបស់អ្នកជំនាញម្នាក់នៅក្នុងវិស័យនេះ។
សូមជំរាបថា ថ្មីៗនេះ ក្រុមហ៊ុន Microsoft ក៏បង្ហាញអំពី Skype Meet Now ផងដែរ។ នោះគឺជាមុខងារថ្មីនៃសេវាកម្មកម្មវិធីវីដេអូសន្និសីទរបស់ក្រុមហ៊ុន Microsoft ប៉ុន្តែវាមិនមែនកើតឡើងដោយចៃដន្យនោះទេ។ វាគឺជាមុខងារសម្រាប់ជួយនៅក្នុងអំឡុងពេលដែលមនុស្សត្រូវបានបង្ខាំងនៅផ្ទះនោះ។ បន្ថែមពីនេះទៀតនោះ វាក៏ពង្រឹងទៅលើស្ថានភាពរបស់ពួកគេក្នុងការប្រកួតប្រជែងជាមួយនឹង Platforms ជាច្រើនទៀតផងដែរ៕