vivo Y50 គឺជាឈ្មោះដំបូងបំផុតដែលត្រូវគេប្រទះឃើញតាមរយៈការបង្ហាញវត្តមាននៅក្នុងប្រព័ន្ធទិន្នន័យ IMEI កាលពីដើមឆ្នាំមុននេះ។ ថ្មីៗនេះ ស្មាតហ្វូន vivo Y50 ដែលមានលេខម៉ូឌែល vivo V1935 ក៏មានការបង្ហាញខ្លួននៅលើ Google Play Console នាពេលថ្មីៗនេះផងដែរដែលមានការបញ្ជាក់ថា ស្មាតហ្វូននេះ ប្រហែលជាបង្ហាញខ្លួនជាផ្លូវការនៅក្នុងពេលឆាប់ៗនេះ។ អ្នកទម្លាយព័ត៌មាន Sudhanshu Ambhore នេះ មានការចែករំលែកនូវរូបភាពផ្លូវការមួយចំនួន និងលក្ខណៈសម្បត្តិមួយចំនួនដែលមានការបង្ហាញនៅក្នុងបញ្ជីផ្លូវការនៃស្មាតហ្វូននេះចេញពីប្រទេសកម្ពុជាផងដែរ។
ការឌីស្សាញស្មាតហ្វូន vivo Y50៖ រូបភាពរបស់ស្មាតហ្វូន vivo Y50 នេះមានការបង្ហាញថាស្មាតហ្វូននេះមានភ្ជាប់ជាមួយនឹងអេក្រង់ punch-hole ។ ស្មាតហ្វូននេះមាន 2 ពណ៌សម្រាប់ធ្វើការជ្រើសរើសនោះគឺពណ៌ខ្មៅ និងពណ៌ Gradient Violet ។ ផផ្នែកខាងក្រោយរបស់ស្មាតហ្វូននេះគឺមានប្រព័ន្ធស្កេនក្រយ៉ៅដៃ និងកាមេរ៉ាដែលមានរូបរាងចតុកោណកែងដែលមានកាមេរ៉ា 4 គ្រាប់ និងភ្លើង LED Flash ថែមទៀតផង។
លក្ខណៈសម្បត្តិរបស់ស្មាតហ្វូន vivo Y50៖ ស្មាតហ្វូន vivo Y50 នេះមានអេក្រង់ទំហំ 6.53-inch Ultra O screen ដែលមានកម្រិត Full HD+ 1080x2340 pixels។ស្មាតហ្វូននេះប្រើប្រាស់នូវបន្ទះឈីប Snapdragon 665 រ៉េមទំហំ 8GB និងម៉េមូរីក្នុងម៉ាស៊ីនទំហំ 128GB។ នៅក្នុងស្មាតហ្វូននេះក៏មានទំហំ 6GB ផងដែរ។ កាមេរ៉ាខាងក្រោយរបស់ស្មាតហ្វូននេះ គឺមានទំហំ 13-megapixel primary shooter, 8-megapixel wide-angle shooter ជាមួយនឹងកម្រិត field-of-view 120 degrees, 2-megapixel portrait lens និង 2-megapixel macro sensor ជាមួយនឹង 4cm focal length។ ស្មាតហ្វូននេះ មានថាមពលថ្មទំហំ 5000mAh ជាមួយនឹងបច្ចេកវិទ្យា 18W fast charging។
តម្លៃរបស់ស្មាតហ្វូន vivo Y50 ៖ នៅក្នុងទំព័រ Facebook របស់ក្រុមហ៊ុន vivo នៅក្នុងប្រទេសកម្ពុជានោះ តម្លៃរបស់ស្មាតហ្វូន vivo Y50 គឺ $249 ។ វានៅមិនទាន់មានការបញ្ជាក់អំពីកាលបរិច្ឆេទនៃការលក់ស្មាតហ្វូន vivo Y50 នេះនៅឡើយទេ៕