កាលពីថ្ងៃទី 5 ខែមេសានេះ នៅលើបណ្តាញ Weibo ផ្លូវការរបស់ក្រុមហ៊ុន Huawei បានបញ្ចេញនូវវីដេអូមួយរបស់កុំព្យូទ័រ Huawei MateBook X Pro 2020។ Notebook ថ្មីនេះ នឹងបង្ហាញខ្លួននៅក្នុងសន្និសីទមួយ តាមរយៈព្រឹត្តិការណ៍អនឡាញ Huawei Spring 2020 ដែលគេគ្រោងនឹងប្រារព្ធឡើងនៅក្នុងថ្ងៃទី 8 ខែមេសាខាងមុខនេះ។ សូមជំរាបថា កាលពីពេលមុននេះ Huawei MateBook X Pro 2020 ត្រូវបានគេប្រកាសថា នឹងបង្ហាញខ្លួននៅក្នុងទីផ្សារបរទេសផងដែរ។ កុំព្យូទ័រថ្មីនេះ គឺមានការឌីស្សាញជាមួយនឹងគែមដែលពិតជាស្តើងមែនទែននៅលើជ្រុងទាំង 4 របស់វា ហើយវាមានអេក្រង់ទំហំ 91% screen ratio។ MateBook X Pro 2020 ប្រើប្រាស់នូវបន្ទះឈីប Intel Core i7 chip ជំនាន់ទី 10 ដែលជាជំនាន់ចុងក្រោយ ពិតជាខ្លាំងក្លាមែនទែនក្នុងការប្រើប្រាស់។ Huawei MateBook X Pro 2020 គឺមានការឌីស្សាញរូបរាងកាន់តែប្លែកស្រស់ស្អាត និងមានច្រើនពណ៌សម្រាប់ធ្វើការជ្រើសរើសផងដែរ ដូចជាពណ៌ប្រផេះ ពណ៌ទឹកប្រាក់ ពណ៌ផ្កាឈូក ហើយពេលនេះវាមានពណ៌ Jade Green។
កុំព្យូទ័រ Huawei MateBook X Pro 2020 នេះមានអេក្រង់ទំហំ 13.9-inch ជាមួយនឹងកម្រិតភាពច្បាស់ទំហំ 3200×2000 ។ អេក្រង់នេះ ទ្រទ្រង់នូវកម្រិតពណ៌ 100% SRGB color gamut ថែមទៀត។ ពណ៌របស់វាពិតជាច្បាស់គ្មានគូប្រៀបនោះទេ។ បើនិយាយអំពីកម្លាំងម៉ាស៊ីនវិញនោះ កុំព្យូទ័រនេះ ប្រើប្រាស់នូវបន្ទះឈីប Intel Core i5 / i7 processor ជំនាន់ទី 10 ក្រាហ្វិកកាត MX250 discrete graphics, 512GB SSD និង Thunderbolt 3 interface។
បន្ថែមពីនេះទៀតនោះ កុំព្យូទ័រ MateBook X Pro2020 ថ្មីនេះ ក៏មានការទ្រទ្រង់ទៅលើមុខងារ Huawei sharing “multi-screen collaboration” ចុងក្រោយបំផុត។ MateBook X Pro 2020 អាចធ្វើការទំនាក់ទំនងនូវស្មាតហ្វូន និងកុំព្យូទ័របានយ៉ាងងាយស្រួលរវាង MateBook និងស្មាតហ្វូន Huawei ជាច្រើនទៀត។ កុំព្យូទ័រនេះដំណើរការនូវប្រព័ន្ធប្រតិបត្តិការ Windows 10។ MateBook X Pro គឺជា Notebook អេក្រង់ពេញគែមដំបូងបំផុតរបស់ពិភពលោក។ ចាប់តាំងពីការបង្ហាញវត្តមានរបស់កុំព្យូទ័រនេះ វាគឺនាំមុខគេនៅក្នុងកំណើនកើនឡើងនៃអាជីវកម្មរបស់ Huawei PCs ដែលមានកំណើននៃការនាំចេញប្រចាំឆ្នាំដល់ទៅ 200% ៕
