នៅក្នុងសប្តាហ៍នេះ មានការបង្ហោះមួយនៅលើបណ្តាញសង្គម Twitter ថា រូបភាពរបស់ iPhone 12 Pro នឹងបង្ហាញខ្លួននៅចុងឆ្នាំនេះហើយ។ គ្រប់គ្នា ប្រាកដជានឹងអាចមើលឃើញនូវរូបភាពរបស់ទូរស័ព្ទនេះ ដែលមានការពង្រឹងទៅលើប្រព័ន្ធកាមេរ៉ារបស់ស្មាតហ្វូននេះ នៅផ្នែកខាងក្រោយរបស់វា។ ដូចគ្នាទៅនឹងថេប្លេត iPad Pro 2020 នេះដែរ រូបភាព យើងអាចមើលឃើញនូវប្រព័ន្ធ LiDAR scanner ថ្មីនៅផ្នែកខាងក្រោយរបស់ស្មាតហ្វូននេះ ជាលើកដំបូងបំផុត។
ប្រភពដំបូងរបស់រូបភាពនេះ គឺជាស្មាតហ្វូន Concepts iPhone ដែលនឹងប្រើប្រាស់នូវប្រព័ន្ធប្រតិបត្តិការ iOS 14។ នៅក្នុងរូបភាពនេះ យើងអាចមើលឃើញបានយ៉ាងច្បាស់អំពីកាមេរ៉ារបស់ស្មាតហ្វូន iPhone 12 Pro ឬ iPhone 12 Pro Max។ នេះ មានកាមេរ៉ា wide-angle, ultra-wide-angle និង telephoto lenses រួមជាមួយនឹង 2020 iPad Pro LiDAR scanner ផងដែរ។ យោងតាមរបាយការណ៍ បានបញ្ជាក់ថា iPhone 12 ដែលបង្ហាញខ្លួននៅក្នុងឆ្នាំនេះ នឹងមានភ្ជាប់ជាមួយនឹងបច្ចេកវិទ្យា depth sensor ថ្មីនៅផ្នែកខាងក្រោយ។ រូបភាពនេះ គឺអនុញ្ញាតអោយអ្នកអាចធ្វើការយល់បានយ៉ាងច្បាស់អំពីដែលរបៀបក្រុមហ៊ុន Apple នឹងធ្វើការរៀបចំទៅលើប្រព័ន្ធកាមេរ៉ាថ្មីរបស់ស្មាតហ្វូននេះដែលមានភ្ជាប់ជាមួយនឹងប្រព័ន្ធ LiDAR scanner។ ហើយ Flash របស់ស្មាតហ្វូននេះ នឹងដាក់នៅកណ្តាលវិញ។
យើងរំពឹងថា ក្រុមហ៊ុន Apple នឹងបង្ហាញនូវ iPhone 12 Series របស់ខ្លួននៅក្នុងរដូវក្តៅខាងមុខនេះ។ ប៉ុន្តែដោយសារតែបញ្ហាសេដ្ឋកិច្ចដែលមានការរងគ្រោះដោយសារតែការផ្ទុះឡើងនៃមេរោគ COVID-19 នោះ ការប្រកាសបង្ហាញនូវស្មាតហ្វូនថ្មីៗរបស់ស្មាតហ្វូននេះ អាចនឹងត្រូវបានគេជឿថា នឹងពន្យារពេលផងដែរ។ នៅលើ iPhone នេះ បច្ចេកវិទ្យា LiDAR scanner ប្រហែលជាមានមុខងារដូចគ្នាទៅនឹង iPad Pro ដែលមានការពង្រឹងទៅលើមុខងារ AR ថែមទៀតផង។
ថ្មីៗនេះ ក្រុមហ៊ុន Foxconn ដែលជាដៃគូសហការជាមួយនឹងក្រុមហ៊ុន Apple ក៏បានបញ្ជាក់ទៅកាន់អ្នកវិនិយោគជាច្រើនថា ពួកគេនឹងត្រៀមបង្ហាញនូវ iPhone 12 របស់ខ្លួនដែលនឹងទ្រទ្រង់ទៅលើបណ្តាញទំនាក់ទំនងជំនាន់ទី 5 របស់ខ្លួនសម្រាប់ការបង្ហាញខ្លួននៅក្នុងរដូវក្តៅខាងមុខនេះ។ ក្រុមអ្នកវិនិយោគជាច្រើន មានការព្រួយបារម្ភថា កាលវិភាគសម្រាប់ផលិតកម្មនេះ នឹងមានការប៉ះពាល់ដោយសារតែការងើបឡើងនៃការផ្ទុះឡើងនៃវីរុសនេះ៕