កាលពីដើមសប្តាហ៍នេះ ក្រុមហ៊ុន Samsung បានចាប់ផ្តើមធ្វើការចែកចាយនូវស្មាតហ្វូនជំនាន់ថ្មីចុងក្រោយរបស់ខ្លួនគឺ Samsung Galaxy Fold ប៉ុន្តរយៈពេលត្រឹមតែ 2 ថ្ងៃក្រោយមកនោះ មានអេក្រង់របស់ស្មាតហ្វូនចំនួន 4 គ្រឿង គឺមានបញ្ហា ។ ពាក្យថា “បញ្ហា” យើងចង់មានន័យថា បន្ទះអេក្រង់របស់ស្មាតហ្វូននេះ គឺត្រូវបានគេមើលឃើញថា error ហើយមាតិកានៅលើអេក្រង់នេះ មិនអាចមើលឃើញនោះទេ។
លោក Dieter Bohn មកពីសារព័ត៌មាន The Verge និង លោក Steve Kovach មកពី CNBC ក៏ធ្លាប់បានជួបបញ្ហានៃអេក្រង់បែបនេះផងដែរ ប៉ុន្តែគាត់នៅតែអាចប្រើប្រាស់បានធម្មតា។ សម្រាប់បញ្ហាជាច្រើនទៀត ដែលកើតឡើងដោយសារតែការបត់មិនត្រឹមត្រូវទៅលើអេក្រង់របស់ស្មាតហ្វូននេះ តាមរយៈការប្រើប្រាស់អេក្រង់ការពារ។ ជាពិសេស សម្រាប់អង្គភាពរបស់ MKBHD ក៏រកឃើញនូវបញ្ហានេះគឺដោយសារតែអេក្រង់ការពាររបស់វា។ នៅក្នុងរយៈពេលប៉ុន្មានឆ្នាំចុងក្រោយនេះ យើងបានដឹងថាស្មាតហ្វូនរបស់ក្រុមហ៊ុន Samsung គឺមានភ្ជាប់ជាមួយនឹងអេក្រង់ការពារដើម្បីជាយុទ្ធសាស្រ្តមួយសម្រាប់ការពារអេក្រង់ស្មាតហ្វូនរបស់ខ្លួន ហើយវាក៏អាចបកចេញបានយ៉ាងងាយស្រួលផងដែរ។ នេះមិនមែនជាករណីដំបូងសម្រាប់ស្មាតហ្វូនដែលអាចបត់បាននេះនៅលើទីផ្សារនោះទេ។
ក្រុមហ៊ុន Samsung ក៏ចេញនូវសេចក្តីថ្លៃការណ៍មួយផ្លូវការប្រាប់ទៅកាន់ The Verge ថា៖ “សម្រាប់ស្មាតហ្វូនគំរូ ដែលអាចបត់បាន Galaxy Fold កាលពីពេលមុននេះ ត្រូវផ្តល់អោយផ្នែកសារព័ត៌មានយកទៅធ្វើការ Review ។ យើងបានទទួលនូវរបាយការណ៍មួយចំនួនអំពីអេក្រង់គោលរបស់វានៅលើស្មាតហ្វូនគំរូដែលយើងបានផ្តល់អោយនោះ។ យើងនឹងធ្វើការតាមដានទៅលើស្មាតហ្វូនទាំងនេះ ដើម្បីកំណត់មូលហេតុនៃបញ្ហាដែលកើតឡើងនេះ។ ដោយឡែក សម្រាប់អ្នក Review មួយចំនួនទៀត ក៏ធ្វើការបកចេញនូវស្រទាប់ផ្នែកខាងលើរបស់អេក្រង់នេះ ដែលបណ្តាលអោយមានបញ្ហាទៅលើអេក្រង់របស់ស្មាតហ្វូននេះផងដែរ។ អេក្រង់គោលរបស់ស្មាតហ្វូន Galaxy Fold គឺមានភ្ជាប់ជាមួយនឹងស្រទាប់ការពារមួយដែលជាផ្នែកមួយដ៏សំខាន់នៃរចនាសម្ព័ន្ធនៃអេក្រង់នេះ សម្រាប់ធ្វើការការពារទៅលើអេក្រង់ពីការឆ្កូត។ ការបកចេញនូវស្រទាប់ការពារអេក្រង់នេះ អាចធ្វើអោយអេក្រង់គោលរបស់ស្មាតហ្វូននេះមានបញ្ហា។ យើងនឹងធានាអោយច្បាស់ថាព័ត៌មាននេះ គឺបានចែកចាយទៅដល់អតិថិជនទាំងអស់។”
