កាលពីថ្ងៃទី 18 ខែមេសា ឆ្នាំ 2019 នេះ នៅទីក្រុងហុងកុង មានរៀបចំនូវព្រឹត្តិការណ៍ពិពរណ៍គ្រឿងអេឡិចត្រូនិច Hong Kong Global Sources Spring Mobile Electronics Show 2019 ដែលមានរយៈពេល 4 ថ្ងៃ ដោយចាប់ផ្តើមដំណើរការជាផ្លូវការនៅ ក្នុង AsiaWorld-Expo នៅក្នុងទីក្រុងហុងកុងតែម្តង។ ពិព័រណ៍គ្រឿងអេឡិចត្រូនិចទូទាំងពិភពលោក គឺមានការទទួលស្គាល់ជាឧស្សាហកម្មមួយនោះផ្តល់ជូននូវស្តង់សរុបចំនួន 3.700 ស្តង់ ដែលមានដាក់តាំងពិព័រណ៍នូវផលិតផលជាច្រើនរួមទាំងឧបករណ៍អេឡិចត្រូនិកចល័ត ឧបករណ៍ VR ឧបករណ៍ AR ផលិតផល wearable និងគ្រឿងអេឡិចត្រូនិក Accessories ជាច្រើនថែមទៀតផង។
នៅក្នុងព្រឹត្តិការណ៍ពិពរណ៍ដ៏ធំនេះ ក៏មានវត្តមានរបស់ក្រុមហ៊ុន hoco ដែលជាក្រុមហ៊ុនមួយ ផ្តោតទៅលើផលិតផលឌីជីថល ដែលមានគុណភាពខ្ពស់ក៏ធ្វើការដាក់បង្ហាញនូវផលិតផលថ្មីៗជាច្រើនរបស់ខ្លួនផងដែរ។ ក្រុមហ៊ុននេះ បានធ្វើការបង្ហាញនូវផលិតផលសំខាន់ៗចំនួន 5 របស់ខ្លួន ដែលបង្ហាញអំពីឱកាសអាជីវកម្មដែលគ្មានដែនកំណត់សម្រាប់អ្នកនាំចេញ អ្នកចែកចាយ និងហាងលក់ទាំងអស់នៅជុំវិញពិភពលោក។
ជាមួយគ្នានេះ នៅក្នុងព្រឹត្តិការណ៍ពិពរណ៍នេះ ក្រុមហ៊ុន hoco ក៏បានចូលរួមជាមួយនឹងក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Borofone និងការបញ្ចេញនូវផលិតផលថ្មីៗជាង 100 ប្រភេទរួមមានផលិតផលជាច្រើន ឧបករណ៍សម្រាប់ប្រើប្រាស់ក្នុងរថយន្ត In-car holders ឆ្នាំងសាកឥតខ្សែ wireless charging, កាសស្តាប់TWS headset, PD fast charging charger និងផលិតផលឌីជីថលឈានមុខគេជាច្រើនទៀត។ ក្រុមហ៊ុននេះ ក៏បាននាំយកនូវបទពិសោធន៍ដ៏អស្ចារ្យបំផុតសម្រាប់អតិថិជនជាច្រើន ហើយគ្រប់គ្នាដែលឆ្លងកាត់នូវពិពរណ៍នេះក៏ចោលភ្នែកមើលទៅស្តង់របស់ក្រុមហ៊ុននេះគ្រប់ៗគ្នាតែម្តង។
ផលិតផលថ្មីៗទាំងនេះ គឺបញ្ជាក់យ៉ាងច្បាស់ពីការខិតខំក្នុងការនាំយកនូវគុណភាពដ៏ល្អឥតខ្ចោះរបស់ក្រុមហ៊ុន នៅក្នុងការចែករំលែកនូវបទពិសោធន៍ថ្មីនៃផលិតផល សម្រាប់ជីវិតរបស់លោកអ្នក ក៏ដូចជាការទាមទារអោយមានការប្រើប្រាស់នូវឧបករណ៍ឌីជីថលកម្រិតខ្ពស់ផងដែរសម្រាប់លោកអ្នកផងដែរ។ ផលិតផលដែលមានម៉ាកយីហោកម្រិតខ្ពស់នោះ គឺកំពុងតែមានការពេញនិយម និងចាប់អារម្មណ៍ខ្លាំងពីអ្នកប្រើប្រាស់ជាច្រើន។ ផលិតផលដែលមានគុណភាពខ្ពស់ជាច្រើន របស់ក្រុមហ៊ុន hoco គឺមានការទទួលស្គាល់ពីអតិថិជនជាច្រើនជាពិសេសសម្រាប់អ្នកប្រើប្រាស់នៅក្រៅប្រទេសតែម្តង។
នៅក្នុងព្រឹត្តិការណ៍ពិពរណ៍នេះ hoco. ឈ្នះនូវពានរង្វាន់កិត្តិយស “Top20 Chinese cross-border Brands 2019” ផងដែរ ដែលនេះ គឺជាការបង្ហាញអំពីកិច្ចខិតខំប្រឹងប្រែងរបស់ក្រុមហ៊ុនបច្ចេកវិទ្យាមួយនេះ និងជាភស្តុតាងបង្ហាញអំពីភាពខ្លាំងនៃក្រុមហ៊ុននេះផងដែរ។ នៅក្នុងស្តង់នៃការដាក់បង្ហាញរបស់ក្រុមហ៊ុន hoco. អ្នកទស្សនាអាចទទួលបាននូវបទពិសោធន៍ថ្មីជាមួយនឹងបច្ចេកវិទ្យាថ្មីៗ និងផលិតផលថ្មីៗដែលមានការពន្យល់ពីអ្នកជំនាញអាជីពទៅលើផលិតផលនេះ និងការវិភាគប្រៀបធៀបទៅលើគុណសម្បត្តិនៃផលិតផលទាំងនេះផងដែរ៕