នៅថ្ងៃនេះ ក្រុមហ៊ុន Samsung Display បានប្រកាសថា បន្ទះអេក្រង់នៅលើស្មាតហ្វូនដែលអាចបត់បាន Samsung Galaxy Fold នេះ គឺទទួលបាននូវពានរង្វាន់វិញ្ញាបនបត្រសុខភាពល្អសម្រាប់ភ្នែក Eye Comfort ពីក្រុមហ៊ុនទទួលស្គាល់លំដាប់អន្តរជាតិ TÜV Rheinland ទៅលើការធ្លាក់ចុះនៃពន្លឺពណ៌ខៀវចេញពីអេក្រង់នោះ។ ពន្លឺពណ៌ខៀវដែលមានគ្រោះថ្នាក់នោះអាចកើតឡើងនៅចន្លោះរលកចម្ងាយប្រហែលជា 415 និង 455 nanometers ដែលជាពាក់ព័ន្ធទៅនឹងសុខភាពភ្នែកផងដែរ។ នៅក្នុងខណៈពេលនេះ វាមានការបញ្ជាក់ដោយក្រុមហ៊ុន TÜV Rheinland ទៅលើភាគរយនៃពន្លឺពណ៌ខៀវដែលត្រូវបានកាត់បន្ថយនៅលើស្មាតហ្វូន Galaxy Fold នេះដែលមានទាបជាង 7% នេះគឺជាកម្រិតមួយដែលទាបមែនទែន។ សម្រាប់ភាគរយនៃពន្លឺពណ៌ខៀវពេលនេះមានការកាត់បន្ថយមកនៅត្រឹមតែ 12% នៅលើអេក្រង់ OLED ហើយវាមានកម្រិត 18% នៅលើអេក្រង់ LCDs ។
ជាមួយនឹងតម្រងជាច្រើន និងកម្មវិធីការពារភ្នែកនាពេលបច្ចុប្បន្ននេះ បានកំពុងវាយលុកទីផ្សារខ្លាំង ព្រោះថា អតិថិជនកាន់តែច្រើនយល់ពីគ្រោះថ្នាក់នៃរលកចម្ងាយនៃពន្លឺពណ៌ខៀវខ្លីដែលភាគច្រើនមិនបានរក្សាពណ៌របស់អេក្រង់នោះទេ។ ទោះជាយ៉ាងណាក៏ដោយ ក្រុមហ៊ុន Samsung Display ទទួលជោគជ័យក្នុងការកាត់បន្ថយការបំភាយពន្លឺពណ៌ខៀវយ៉ាងពេញលេញនៅពេលបំពេញស្តង់ដារពណ៌ឌីជីថល DCI-P3 ដោយធ្វើអោយប្រសើរឡើងនូវដំណើរការនៃសរីរាង្គនៅក្នុងអេក្រង់សម្រាប់ស្មាតហ្វូន Galaxy Fold OLED នេះ។
លោក Jeeho Baek អនុប្រធានប្រតិបត្តិ និងជាប្រធានផ្នែកលក់ទូរស័ព្ទ និងទីផ្សារទូរស័ព្ទចល័ត(Mobile Display Sales & Marketing) នៅក្នុងក្រុមហ៊ុន Samsung Display បាននិយាយថា "នៅក្នុងទីផ្សារមួយដែលការច្នៃប្រឌិតបច្ចេកទេសកំពុងធ្វើឱ្យមានល្បឿនលឿនគួរឱ្យកត់សម្គាល់ អេក្រង់ OLED កំពុងកំណត់ល្បឿនសម្រាប់ការផ្លាស់ប្តូរការរចនាទៅលើស្មាតហ្វូនដែលអាចបត់បាន ហើយអេក្រង់ពេញគែមរបស់វាគឺជាអ្នកបង្ហាញ។ យើងកំពុងធ្វើឱ្យមានដំណោះស្រាយប្រសើរឡើងខណៈពេលដែលយើងកំពុងធ្វើឱ្យប្រសើរឡើងនូវបរិស្ថានកាន់តែល្អអ្នកប្រើប្រាស់ដោយកាត់បន្ថយការប៉ះពាល់ដល់ភ្នែករបស់អ្នកប្រើប្រាស់ជាច្រើននោះ”។
ក្រៅពីមានការបង្ហាញអំពីអេក្រង់របស់ស្មាតហ្វូន Galaxy Fold ដែលបានបញ្ជាក់វិញ្ញាបនបត្រពីសុខភាពភ្នែក Eye Comfort នោះ ថ្មីៗនេះក្រុមហ៊ុន Samsung Display ទទួលបានវិញ្ញាបនប័ត្រស្រដៀងគ្នាពីក្រុមហ៊ុនTÜV Rheinland សម្រាប់បន្ទះអេឡិចត្រូនិកដែលអាចបត់បែនបាន OLED Panel របស់ស្មាតហ្វូនស៊េរីថ្មី Galaxy S10 នោះ៕
