កាលពីត្រីមាសមុននេះ នៅក្នុងឆ្នាំ 2018 ស្មាតហ្វូន OnePlus 6T បង្ហាញខ្លួននៅក្នុងតំបន់ជាច្រើនរួមមានប្រទេសចិនផងដែរ។ ស្មាតហ្វូននេះ មានតម្លៃ $500 នៅក្នុងទីផ្សារនៃប្រទេសនេះ។ នៅថ្ងៃនេះក្រុមហ៊ុនចិននេះក៏បានធ្វើការបញ្ចុះតម្លៃសម្រាប់ស្មាតហ្វូននេះថែមទៀតផង។ មានការប៉ាន់ស្មានថា ក្រុមហ៊ុននេះអាចធ្វើការលាងស្តុករបស់ OnePlus 6T ដើម្បីត្រៀមទទួលនូវស្មាតហ្វូន OnePlus 7 ស៊េរីថ្មីខាងមុខនេះ។ សម្រាប់ប្រភេទ 6GB+128GB នេះ គឺមានតម្លៃជាង $500 កាលពីពេលមុននេះ ឥឡូវលក់នៅក្នុងតម្លៃត្រឹមតែ $340។ សម្រាប់ទំហំ 8GB+128GB ដែលលក់នៅក្នុងតម្លៃ $540 ពេលនេះលក់នៅក្នុងតម្លៃ $475។ រីឯម៉ូដែលជំនាន់ខ្ពស់ជាងគេដែលមានទំហំ 8GB+256GB កាលពីពេលមុននេះ លក់នៅក្នុងតម្លៃ $595 ពេលនេះគឺមានតម្លៃត្រឹមតែ $538 តែប៉ុណ្ណោះ។
ស្មាតហ្វូន OnePlus 6T នេះ មានអេក្រង់ទំហំ 6.41-inch Optic AMOLED display ជាមួយនឹង waterdrop notch។ ស្មាតហ្វូននេះមានកម្រិតភាពច្បាស់ full HD+ 1080x2340 pixels និងកម្រិតសមាមាត្រ 19.5:9 aspect ratio ។ ស្មាតហ្វូននេះការពារដោយកញ្ចក់ Gorilla Glass 6 បន្ទះឈីប Snapdragon 845 SoC ជាមួយនឹង OxygenOS 9.0.5 ផ្អែកនៅលើប្រព័ន្ធប្រតិបត្តិការ Android 9 Pie OS ថែមទៀត។ ស្មាតហ្វូននេះប្រើប្រាស់នូវកាមេរ៉ាភ្លោះទំហំ 16-megapixel +20-megapixel ស្ថិតនៅផ្នែកខាងក្រោយរបស់ស្មាតហ្វូននេះ។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 16-megapixel selfie ។ ស្មាតហ្វូននេះ មិនមានភ្ជាប់ជាមួយនឹង microSD card និងរន្ធដោត 3.5mm audio jack នោះទេ។ស្មាតហ្វូននេះមានថាមពលថ្មទំហំ 3,700mAh និងទ្រទ្រង់នូវបច្ចេកវិទ្យា 20W fast charging ថែមទៀត។
សូមជំរាបថា OnePlus បង្ហាញស្មាតហ្វូន OnePlus 6 នៅក្នុងខែមិថុនាឆ្នាំ 2018 ដូចនេះ មានការប៉ាន់ស្មានថា ក្រុមហ៊ុននេះអាចប្រកាសបង្ហាញស្មាតហ្វូន OnePlus 7 នេះនៅខែក្រោយនេះ ឬនៅដើមខែមិថុនា។ លក្ខណៈសម្បត្តិរបស់ស្មាតហ្វូននេះនៅមិនទាន់ទម្លាយនៅឡើយទេ។ ទោះជាយ៉ាងណាក៏ដោយស្មាតហ្វូននេះប្រហែលជាប្រើប្រាស់នូវបន្ទះឈីប Snapdragon 855 mobile platform ។ សម្រាប់ case renders របស់ស្មាតហ្វូន OnePlus 7 ទម្លាយថា ស្មាតហ្វូននេះ នឹងក្លាយជាស្មាតហ្វូនដំបូងបំផុតរបស់ក្រុមហ៊ុននេះ ដែលទ្រទ្រង់នូវកាមេរ៉ា 3 គ្រាប់។ ស្មាតហ្វូននេះ គឺមានអេក្រង់ notch-less AMOLED display ជាមួយនឹងបច្ចេកវិទ្យាស្កេនក្រយ៉ៅដៃក្រោមអេក្រង់ផងដែរ។ ស្មាតហ្វូននេះអាចនឹងប្រើប្រាស់នូវកាមេរ៉ាផុសឡើងសម្រាប់ការថតរូបភាព Selfies។ ស្មាតហ្វូននេះ នឹងមានពណ៌ Gradient ចំនួន 3 ពណ៌គឺ Black Yellow, Black Purple និង Cyan Grey៕