ប្រទេសសឹង្ហបុរី៖ ថ្មីៗនេះ ក្រុមហ៊ុន Samsung បានសហការជាមួយក្រុមហ៊ុនផ្សាយពាណិជ្ជកម្មមួយ គឺក្រុមហ៊ុន JCDecaux ដើម្បីផ្លាស់ប្តូរស្ថានីយរថយន្ដក្រុងចំនួន 10 កន្លែង ដែលមានភាពមមាញឹកបំផុតនៅប្រទេសសិង្ហបុរី អោយទៅជាស្ថានីយ៍ចែករំលែកថាមពលឥតខ្សែ Wireless Power Sharing Stations ដែលមានលក្ខណៈពិសេសនៃការប្រើប្រាស់នូវ Wireless PowerShare ដែលត្រូវរកឃើញថាប្រើប្រាស់ននៅលើស្មាតហ្វូន Galaxy S10 ដែលស្រដៀងគ្នាទៅនឹងទីក្រុងស៊ីដនី អូស្ត្រាលីផងដែរ។
អ្នកធ្វើដំណើរអាចកាន់ឧបករណ៍របស់ខ្លួនភ្ជាប់ទៅកាន់មួយក្នុងចំណោមស្ថានីយ៍ចែករំលែកថាមពលឥតខ្សែ Power Sharing Wireless ចំនួន 10 កន្លែងនេះ នៅក្នុងប្រទេសសិង្ហបុរី ដើម្បីបំពេញថ្មទូរស័ព្ទរបស់ពួកគេបាន។ ទោះបីជាយ៉ាងណាក៏ដោយ ចំនួននៃថាមពលបញ្ចូលនេះ គឺតិចតួចណាស់។ នោះគឺជារឿងពិត លើកលែងតែអ្នកប្រើប្រាស់ដែលនៅទីនោះរយៈពេលយូរទើបអាចបញ្ចូលថាមពលថ្មបានកាន់តែច្រើននោះ។ នេះគឺជាវិធីសាស្ត្រទីផ្សារមួយទៀត ដើម្បីដាក់បង្ហាញនូវបច្ចេកវិទ្យាចែករំលែកថាមពលថ្មឥតខ្សែ Wireless Power Share ដែលអនុញ្ញាតឱ្យអ្នកប្រើប្រាស់ស្មាតហ្វូន Galaxy S10 សាកឧបករណ៍ Qi ផ្សេងទៀត ដែលមិនចាំបាច់ប្រើប្រាស់នូវខ្សែតែមួយដែលជាស្មាតហ្វូន ថេប្លេត ឬច្រាសដុសធ្មេញឆ្លាតវៃនោះទេ។
Isaline Duminil នាយកផ្នែកទីផ្សារប្រចាំក្រុមហ៊ុន JCDecaux ប្រទេសសិង្ហបុរី បាននិយាយនៅក្នុងសេចក្តីថ្លែងការណ៍មួយនៅថ្ងៃទី 9 ខែមេសានេះថា "ក្រុមហ៊ុន JCDecaux មានសេចក្តីសោមនស្សរីករាយក្នុងការបង្កើតស្ថានីយ៍សាកថ្មឥតខ្សែជាច្រើនកន្លែងនៅប្រទេសសិង្ហបុរី នៅតាមចំណតយានយន្តក្នុងភាពជាដៃគូជាមួយក្រុមហ៊ុន Samsung ដែលជាស្លាកយីហោនៃភាពច្នៃប្រឌិត និងការតភ្ជាប់ដ៏អសច្ចារ្យនោះ។ Duminil បានបន្ថែមថា "ការច្នៃប្រឌិតថ្មីរបស់យើងសម្រាប់ក្រុមហ៊ុន Samsung ដែលមានទីតាំងស្ថិតនៅតាមយុទ្ធសាស្ត្រនៅតាមបណ្តោយខ្សែក្រវ៉ាត់លក់រាយដ៏ធំរបស់ប្រទេសសឹង្ហបុរី ការបង្កើនភាពងាយស្រួល និងការតភ្ជាប់សម្រាប់អ្នកប្រើប្រាស់ជាង 1.5 លាននាក់ ប្រចាំសប្តាហ៍ ដែលផ្តល់ឱ្យពួកគេនូវបទពិសោធន៍ដ៏អស្ចារ្យនោះជាមួយនឹងបច្ចេកវិទ្យានេះ៕
