ក្រុមហ៊ុន LG Group របស់ប្រទេសកូរ៉េខាងត្បូង បានប្រាប់ឱ្យដឹងនៅថ្ងៃទី 11 ខែមេសានេះថា ខ្លួនកំពុងស្វះស្វែងរកឱកាសវិនិយោគនៅក្នុងវិស័យផ្សេងៗ ដើម្បីរក្សាល្បឿនជាមួយនឹងនិន្នាការនៃបច្ចេកវិទ្យាថ្មី ដែលកំពុងផ្លាស់ប្តូរយ៉ាងលឿន និងការស្វែងរកអ្នកចាប់ផ្តើមអាជីវកម្មថ្មីជាច្រើនផងដែរ។ LG Technology Ventures គឺជាក្រុមហ៊ុនវិនិយោគទុនរបស់ខ្លួន ដែលទទួលនូវការវិនិយោគទឹកប្រាក់ជាង 19 លានដុល្លារអាមេរិកនៅក្នុងការចាប់ផ្តើមអាជីវកម្មនៅក្នុងវិស័យបច្ចេកវិទ្យាជាច្រើន ដែលកំពុងរីកចម្រើនរួមមានព័ត៌មានបច្ចេកវិទ្យា រថយន្ត ការផលិត ជីវ ថាមពល និងសម្ភារៈទំនើបជាច្រើនទៀត។
ក្រុមហ៊ុននេះ បានបន្តឱ្យដឹងថា ទឹកប្រាក់ប្រាក់វិនិយោគនេះ មានប្រហែលជា 4.5 ភាគរយនៃទ្រព្យសកម្មសរុប 425 លានដុល្លារដែលបានបង្កើនដោយក្រុមហ៊ុន LG ដែលមានការប្រមូលពីក្រុមហ៊ុនកុលបុត្រសម្ព័ន្ធចំនួន 5 នៅក្នុងវិស័យអេឡិចត្រូនិក អេក្រង់ គីមី ទូរគមនាគមន៍ និងអាជីវកម្មព័ត៌មានបច្ចេកវិទ្យាសម្រាប់ការបង្កើតឡើងនៅឆ្នាំ 2018 នេះ។ ក្នុងចំណោមក្រុមហ៊ុនទាំងនោះ មានក្រុមហ៊ុន Ridecell និងក្រុមហ៊ុន Lygos ដែលជាក្រុមហ៊ុនផ្តល់សេវាកម្មផ្នែក Software ព្រមទាំងកម្មវិធីចម្អិនអាហារ SideChef និងក្រុមហ៊ុនសម្ភារៈទំនើប Optodot ផងដែរ។
ថ្មីៗនេះ វិនិយោគិនធ្វើការវិនិយោគក្នុងទឹកប្រាក់ 2 លានដុល្លារអាមេរិក នៅក្នុងក្រុមហ៊ុន AmazeVR ដែលជាអាជីវកម្មនៃបច្ចេកវិទ្យា VR Platform នៅក្នុងតំបន់ Silicon Valley ផងដែរ។ ក្រុមហ៊ុន LG និយាយនៅក្នុងសេចក្តីថ្លែងការណ៍មួយថា “ក្រុមហ៊ុន LG Technology Ventures កំពុងតាមដានទៅលើការអភិវឌ្ឍន៍បច្ចេកវិទ្យានៃការចាប់ផ្តើមអាជីវកម្មជាលក្ខណៈសកលលោក ខណៈពេលដែលកំពុងតែស្វែងរកឱកាសវិនិយោគនៅក្នុងវិស័យផ្សេងៗរួមទាំងការច្នៃប្រឌិតសិប្បនិម្មិត បច្ចេកវិទ្យា VR និង AR ជីវ សម្ភារៈ និងអេក្រង់ថែមទៀត”។