បរទេស៖ កាលពីម្សិលមិញនេះ ក្រុមហ៊ុន Samsung ធ្វើការរំលឹកយើងថា ស្មាតហ្វូនស៊េរីថ្មីដែលអាចបត់បាន Galaxy Fold នឹងបង្ហាញខ្លួននៅក្នុងសហរដ្ឋអាមេរិកនៅក្នុងខែនេះ។ ជាលទ្ធផល វានឹងក្លាយជាស្មាតហ្វូនដែលអាចបត់បានយ៉ាងពិតប្រាកដដែលបង្ហាញខ្លួនជាផ្លូវការនៅទីនេះ។ លើសពីនេះទៀតនោះ ក្រុមហ៊ុន T-Mobile (ដែលនឹងចាប់ផ្តើមដាក់លក់ស្មាតហ្វូននេះនៅលើអនឡាញនៅថ្ងៃទី 25 ខែមេសានេះផងដែរ) ក្រុមហ៊ុន AT&T ក៏ដាក់លក់ស្មាតហ្វូន Samsung Galaxy Fold នេះ ផងដែរ។ សម្រាប់ក្រុមហ៊ុន AT&T និង T-Mobile នឹងចាប់ផ្តើមដាក់លក់ស្មាតហ្វូនស៊េរីថ្មីទាំងពីរនេះ នៅក្នុងហាងជាច្រើនរបស់ខ្លួនចាប់ពីថ្ងៃទី 26 ខែមេសានេះទៅ។ នៅក្នុងទីតាំងរបស់ T-Mobile និង Samsung Experience Stores ក៏នឹងដាក់លក់ស្មាតហ្វូន Galaxy Fold នេះផងដែរ។
សម្រាប់អ្នកតាមដានដែលប្រាកដថា ពួកគេអាចធ្វើការទិញស្មាតហ្វូន Galaxy Fold នេះ មុនគេនោះពេលនេះ អាចធ្វើការកក់ទិញស្មាតហ្វូននេះ តាមរយៈគេហទំព័រផ្លូវការរបស់សហរដ្ឋអាមេរិករបស់ក្រុមហ៊ុន Samsung។ តាមការបញ្ជាក់របស់ក្រុមហ៊ុន Samsung បាននអោយដឹងថា ស្មាតហ្វូន Galaxy Fold នឹងធ្វើការផ្គត់ផ្គង់នៅក្នុងចំនួនមានកំណត់។ ដូចនេះ ប្រសិនបើអ្នកមានប្រាក់ហើយ ហើយអ្នកចង់បានស្មាតហ្វូននេះនោះ អ្នកគួរតែធ្វើការកក់ទិញស្មាតហ្វូននេះ ភ្លាមទៅអោយបានលឿនបំផុត។ បន្ទាប់ពីការកក់ទិញហើយនោះ អ្នកនឹងទទួលបាននូវការអញ្ជើញសម្រាប់ការបំពេញទៅលើទំរង់នៃការកក់ទិញមុនផ្តាច់មុខផងដែរ ហើយវានៅមិនទាន់ច្បាស់នោះទេថាការកម្មង់ទិញមុននឹងចាប់ផ្តើមនៅពេលណានោះ។
គួរបញ្ជាក់ថាកាលពីខែកុម្ភៈកន្លងទៅនេះ នៅពេលដែល Samsung បានបង្ហាញនូវវត្តមានរបស់ស្មាតហ្វូន Galaxy Fold នេះ។ ក្រុមហ៊ុន បាននិយាយថា ស្មាតហ្វូននេះនឹងមានតម្លៃចាប់ផ្តើមពី $1,980។ ចាប់តាំងពីពេលនោះមក មិនមានការលើកឡើងអំពីតម្លៃរបស់ស្មាតហ្វូននេះសារជាថ្មីនោះទេ នៅពេលដែលវាដាក់លក់ជាផ្លូវការនោះ។ នៅក្នុង T-Mobile នោះ ស្មាតហ្វូន Galaxy Fold នេះ នឹងមានការថែមជូននូវ carbon fiber case និងកាសស្តាប់ Galaxy Buds wireless earphones ដោយឥតគិតថ្លៃ ហើយនៅលើ AT&T ក៏ប្រហែលជាអោយដូចគ្នាដែរ។ ខុសប្លែកពីស្មាតហ្វូន ដែលអាចបត់បានជំនាន់មុនៗ ស្មាតហ្វូន Galaxy Fold នេះ មានអេក្រង់នៅខាងក្នុងដែលអាចបត់បាន។
ស្មាតហ្វូននេះ មានការតេស្ត៍ពីក្រុមហ៊ុន Samsung ទៅលើការបត់របស់វាដល់ទៅ 200000 ដងផងដែរ ដោយគ្មានបញ្ហាអ្វីនោះទេ។ អ្នកប្រើប្រាស់ស្មាតហ្វូននេះជាធម្មតាអាចធ្វើការបត់បានជាធម្មតារហូតដល់ទៅ 100 ដងក្នុងមួយថ្ងៃហើយវាមិនដល់ 5 ឆ្នាំនោះទេ។ អ្នកអាចមើលការតេស្តរបស់ក្រុមហ៊ុនបច្ចេកវិទ្យា Samsung ទៅលើស្មាតហ្វូន Galaxy Fold នៅក្នុងវីដេអូខាងក្រោមនេះ។ អេក្រង់ដែលអាចបត់បានខាងក្នុងរបស់ស្មាតហ្វូន Galaxy Fold នេះ គឺមានទំហំ 7.3-inch Dynamic AMOLED ជាមួយនឹងកម្រិតភាពច្បាស់ 1536x2152pixels ដែលផ្តល់នូវបទពិសោធន៍នៃការលេងហ្គេមយ៉ាងអស្ចារ្យ ការទស្សនាវីដេអូ និងការមើលទូរទស្សន៍ ឬនៅពេលដែលប្រើប្រាស់នូវកម្មវិធី Multi-tasking នោះ។ នៅខាងក្រៅវិញនោះ ស្មាតហ្វូន Galaxy Fold នេះ មានអេក្រង់ទំហំ 4.6-inch Super AMOLED display ជាមួយនឹងកម្រិតភាពច្បាស់ 4.6-inch Super AMOLED display ។
ស្មាតហ្វូន Samsung Galaxy Fold នេះ ត្រូវបានគេដាក់អោយដំណើរការនូវប្រព័ន្ធប្រតិបត្តិការ Android 9 Pie បន្ទះឈីប Snapdragon 855 ដូចគ្នាទៅនឹងបន្ទះ ឈីបដែលប្រើប្រាស់នៅលើស្មាតហ្វូន Galaxy 10 Series ផងដែរ។ ប៉ុន្តែស្មាតហ្វូន នេះ មានរ៉េមទំហំ 12GB ម៉េមូរីក្នុងម៉ាស៊ីនទំហំ 512GB និងថាមពលថ្ម 4,380 mAh។ ព្រមទាំងមានកាមេរ៉ាខាងមុខពីរគ្រាប់ និងកាមេរ៉ាខាងក្រោយ 3 គ្រាប់សម្រាប់មុខងារ 2x optical zoom ផងដែរ។