no-alternative title
no-alternative title
no-alternative title
no-alternative title
no-alternative title
no-alternative title

Huawei MateBook 14 បង្ហាញវត្តមានជាមួយនឹងអេក្រង់ 2K នឹងថ្មកាន់បានយូរ រួមនឹងលក្ខណៈពិសេសជាច្រើនទៀត

បន្ទាប់ពីការបង្ហាញវត្តមានរបស់កុំព្យូទ័រ Huawei MateBook E និង MateBook X Pro នោះ នៅពេលនេះ ក្រមហ៊ុនបច្ចេកវិទ្យាយក្សរបស់ចិននេះក៏បានបង្ហាញនូវវត្តមានរបស់កុំព្យូទ័រ MateBook 14 សម្រាប់អ្នកប្រើប្រាស់ ដែលចូលចិត្តលេងនៅលើអ៊ីនធឺណិត។ នៅក្នុងចំណោមមុខងារពិសេសជាច្រើននោះ សម្រាប់កុំព្យូទ័រ Notebook នេះ ភ្ជាប់ជាមួយនឹងអេក្រង់កម្រិត 2K កម្លាំងម៉ាស៊ីនខ្លាំង ថាមពលថ្មប្រើប្រាស់បានយូរ និង Interface កាន់តែងាយស្រួលក្នុងការប្រើប្រាស់ស្របទៅតាមតម្រូវការរបស់អិតិថិជនចង់បាន។ ដូចគ្នាទៅនឹង Matebooks ផ្សេងទៀតដែរ សម្រាប់កុំព្យុទ័រ MateBook 14 នេះ គឺមានភ្ជាប់ជាមួយនឹងមុខងារ Huawei Share one-touch function ដែលអាចធ្វើការទំនាក់ទំនងដោយផ្ទាល់ចេញពីស្មាតហ្វូន និង notebooks នេះ កាន់តែងាយស្រួលបំផុត។

ដើម្បីអោយអ្នកប្រើប្រាស់ដែលចូលចិត្តលេងនៅលើអ៊ីនធឺណិតរីករាយជាមួយនឹងបច្ចេកវិទ្យានៃការច្នៃប្រឌិតកាន់តែអស្ចារ្យនេះ និងបទពិសោធន៍កាន់តែឆ្លាតវៃនោះទៅលើកុំព្យូទ័រ notebook របស់ក្រុមហ៊ុន Huawei នោះ ក្រុមហ៊ុនមួយនេះ ក៏បង្ហាញនូវកុំព្យូទ័រ MateBook Series នៅចុងឆ្នាំ 2018 នេះ។ សម្រាប់ផលិតផលដំបូងបំផុតនោះគឺ HUAWEI MateBook 13 ដែលមានកម្រាស់ស្តើងអេក្រង់ 13-inch និងបច្ចេកវិទ្យាថ្មីៗជាច្រើនដ៏អស្ចារ្យថែមទៀត។ សម្រាប់ផលិតផលទីពីរដែលបង្ហាញខ្លួននោះ ក្រុមហ៊ុន Huawei ក៏នាំយកនូវកុំព្យូទ័រ HUAWEI MateBook 14 ជាមួយនឹងការរចនារូបរាងកាន់តែអស្ចារ្យ ទម្ងន់ស្រាល ងាយស្រួលក្នុងការចល័ត និងកម្លាំងម៉ាស៊ីនខ្លាំងក្លាថែមទៀត។

កម្រិតភាពច្បាស់នៃអេក្រង់របស់កុំព្យូទ័រ HUAWEI MateBook 14 នេះ គឺមានរហូតដល់ទៅ 2160×1440px ជាមួយនឹងកម្រិតពណ៌ច្បាស់ 100% sRGB (typical) wide color gamut និងមានកម្រិត Contrast 1000: 1 និងកម្រិតពន្លឺ 300 nits (typical) brightness ដែលធ្វើការរចនាឡើងវិញទៅលើស្តង់ដារ 14-inch mainstream notebooks នេះកាន់តែអស្ចារ្យមួយកម្រិតទៀត។ សម្រាប់គែមខាងឆ្វេង និងខាងស្តាំរបស់កុំព្យូទ័រនេះគឺមានកម្រាស់ត្រឹមតែ 4.9mm ហើយអេក្រង់នេះ គឺមានទំហំដល់ទៅ 90%។ បើធៀបជាមួយនឹងកម្រិតនៃអេក្រង់ 16:9 screen ratio ដែលជាមធ្យមប្រើប្រាស់នៅលើអេក្រង់របស់កុំព្យូទ័រ 14-inch notebook, នោះ កម្រិតនៃការទស្សនារបស់វាគឺមានការពង្រឹងកាន់តែល្អជាងមុនដល់ទៅ 8.4%។ ឧបករណ៍នេះប្រើប្រាស់ជាមួយនឹងកាមេរ៉ាដែលលាក់ហើយវាបើកដំណើរការនៅពេលដែលត្រូវការតែប៉ុណ្ណោះ។

សម្រាប់ផ្នែក hardware នោះ កុំព្យូទ័រ HUAWEI MateBook 14 នេះគឹមានភ្ជាប់ជាមួយនឹងបន្ទះឈីប Intel Core i7-8565U processor ជំនាន់ទី ៨ ក្រាហ្វិកកាតកម្រិតខ្ពស់ NVIDIA® MX250 graphics card (TDP 25W) និងថាសផ្ទុកទិន្នន័យ solid-state hard drive ល្បឿនលឿនដែលធ្វើអោយកុំព្យូទ័រអេក្រង់ 14-inch នេះល្អបំផុតក្នុងការប្រើប្រាស់។ កុំព្យូទ័រ HUAWEI MateBook 14 នេះគឺមានភ្ជាប់ជាមួយនឹងកង្ហារ 2.0 ដែលបង្កើននូវការបញ្ចេញខ្យល់ខ្ពស់ជាងមុនដល់ទៅ 18% ថែមទៀតបើធៀបជាមួយនឹងកង្ហារធម្មតានោះ។ សម្រាប់សេនស័ររបស់វាគឺអាចធ្វើការយ៉ាងមានប្រសិទ្ធិភាពទៅលើកម្រិតសីតុណ្ហភាពនៃម៉ាស៊ីននេះអោយដំណើរការយ៉ាងរលូន និងប្រសិទ្ធិភាពបំផុត។

HUAWEI MateBook 14 នេះភ្ជាប់ជាមួយថាមពលថ្មធំរហូតដល់ទៅ 7.4 Wh (typical) និងដំណោះស្រាយនៃការគ្រប់គ្រងការសន្សំសំចៃថាមពលថ្មកាន់តែមានប្រសិទ្ធិភាពថែមទៀតផងពីក្រុមហ៊ុនបច្ចេកវិទ្យា Huawei ។ វាអាចធ្វើការចាក់វីដេអូកម្រិត 1080P video playback រហូតដល់ទៅ 15 ម៉ោង និងការប្រតិបត្តិការងារការិយាល័យរហូតដល់ទៅ 14 ម៉ោងថែមទៀត ហើយវាអាចធ្វើការដំនើរការការឆែកទៅលើ Web Browser បានរយៈពេលដល់ទៅ 10.5 ម៉ោងថែមទៀត។ សម្រាប់ Notebook នេះគឺភ្ជាប់ជាមួយនឹង 65W charger ផងដែរ។បន្ទាប់ពីការបញ្ចូលថាមពលថ្ម 15 នាទីនោះ អ្នកអាចរីករាយជាមួយនឹងការប្រើប្រាស់ការងារការិយាល័យយ៉ាងរលូនរហូតដល់ទៅ 3 ម៉ោងថែមទៀត។

សម្រាប់អ្នកដែលចូលចិត្តប្រើប្រាស់ជាមួយនឹងស្មាតហ្វូន និងអ្នកដែលចូលចិត្តលេងនៅលើអ៊ីនធឺណិតនោះ កុំព្យូទ័រ HUAWEI MateBook 14 គឺមានភ្ជាប់ជាមួយនឹង USB-C (ការបញ្ចូលថាមពលថ្មនិងការបញ្ចូនទិន្នន័យ) HDMI, 3.5mm stereo headphone jack, USB3.0 និង USB2.0 ថែមទៀត។ វាក៏មានភ្ជាប់ជាមួយនឹង Dolby Atmos® sound system ដែលនាំយកនូវសំឡេងកាន់តែអស្ចារ្យ និង Video effects ជាច្រើនថែមទៀត។

សម្រាប់ប្រព័ន្ធស្កេនម្រាមដៃរបស់វាក៏ភ្ជាប់នៅលើ Power Button ហើយវាក៏មានកាមេរ៉ាដែលលាក់ទុកផងដែរ។ នេះគឺជាបច្ចេកវិទ្យាច្នៃប្រឌិតដ៏អស្ចារ្យបំផុតនៅលើកុំព្យូទ័រនេះ៕

no-alternative title
ព័ត៌មានពាណិជ្ជកម្ម