ក្រុមហ៊ុនបច្ចេកវិទ្យាយក្ស Asustek Computer ទើបតែបង្ហាញខ្លួនជាផ្លូវការសម្រាប់ស្មាតហ្វូនជំនាន់ថ្មីចុងក្រោយរបស់ខ្លួន គឺម៉ូដែល ZenFone 6 របស់ខ្លួននៅក្នុងព្រឹត្តិការណ៍មួយក្នុងប្រទេសអេស្ប៉ាញ ខណៈពេលដែលអាជីវកម្មស្មាតហ្វូនរបស់ក្រុមហ៊ុននេះ គឺមានការខាតបង់ប្រាក់ជាច្រើនរបស់ខ្លួនផងដែរ។
ស្មាតហ្វូនត្រកូល ZenFone 6 នេះ អាចរកទិញបានជាមួយនឹង 3ទំហំជាមួយនឹង top-notch រួមមានបន្ទះឈីប Snapdragon 855 ហើយនឹងកញ្ចក់ Gorilla Glass 6 រួមនិងតួខ្លួនអាលុយមីញ៉ូម ព្រមទាំងមានកាមេរ៉ាភ្លោះខាងលើដែលអាចបត់បាន ក៏ដូចជា ថាមពលថ្មទំហំ 5,000mAh ថែមទៀតផង។
វត្តមានរបស់ស្មាតហ្វូនត្រកូល ZenFone 6 នេះ ត្រូវបានក្រុមហ៊ុន Asus ផ្តោតលើគោលដៅនៅក្នុងស្មាតហ្វូនថ្នាក់កណ្តាលជាមួយនឹងម៉ូដែលមូលដ្ឋានដែលមានរ៉េមទំហំ 6GB និង 64GB ដែលមានតម្លៃ EUR499 (US$557) នៅក្នុងអ៊ឺរ៉ុប។ ស្របពេលជាមមួយគ្នានេះ ក្រុមហ៊ុន Asustek បានត្រៀមខ្លួនក្នុងការបញ្ចេញនូវស្មាតហ្វូន ROG Phone ជំនាន់ទី 2 របស់ខ្លួននៅក្នុងពិពរណ៍ពាណិជ្ជកម្ម ChinaJoy trade fair នៅក្នុងទីក្រុងស៊ាងហៃនៅថ្ងៃទី 2 ខែសីហាខាងមុខនេះផងដែរ។
សម្រាប់ការមកដល់នៃជំនាន់ថ្មីនេះ ក្រុមហ៊ុន Asustek នឹងធ្វើការសហការជាមួយនឹងក្រុមហ៊ុន Tencent សម្រាប់ការ បង្ហាញជាផ្លូវការរបស់ស្មាតហ្វូន ROG Phone ថ្មីនៅក្នុងប្រទេសចិន និង Channels ជាច្រើនទៀតនៅក្នុងប្រទេសនេះ។ ការលក់របស់ស្មាតហ្វូន ROG Phone ថ្មីនេះ នាពេលអនាគត គឺពិតជាមានសារៈសំខាន់ខ្លាំងណាស់ដែលក្រុមហ៊ុន Asustek ដែលគេជើជាក់ថា នឹងពង្រីកអាជីវកម្មស្មាតហ្វូនរបស់ខ្លួនមានការកើនឡើងខ្លាំងវិញនៅក្នុងឆមាសទី 2 ឆ្នាំ 2019 នេះ នេះបើតាមការបញ្ជាក់នៅក្នុងប្រភពឧស្សាហកម្មនេះ៕