នៅថ្ងៃនេះ តាមរយៈព្រឹត្តិការណ៍ប្រកាសមួយនៅក្នុងទីក្រុងប៉េកាំង ក្រុមហ៊ុន Sony បានបង្ហាញនូវស្មាតហ្វូន Xperia 1 នៅក្នុងប្រទេសចិនផងដែរ។ ស្មាតហ្វូននេះ ទ្រទ្រង់នូវអេក្រង់កម្រិត 4K HDR display ជាមួយនឹងកម្រិតសមមាត្រអេក្រង់ 21:9 aspect ratio, Snapdragon 855 និងកាមេរ៉ាខាងក្រោយ ៣ គ្រាប់។ ស្មាតហ្វូននេះដាក់លក់នៅក្នុងប្រទេសចិនជាមួយនឹងតម្លៃ 6,299 Yuan (~$910) ។
ស្មាតហ្វូនស៊េរីថ្មី Xperia 1 មានអេក្រង់ទំហំ 6.5-inch OLED 4K HDR Cinema Wide display ។ នេះគឺជាស្មាតហ្វូនដំបូងបំផុតនៅក្នុងពិភពលោកដែលមានកម្រិតសមាមាត្រ aspect ratio 21:9 ។ អេក្រង់ររបស់ស្មាតហ្វូននេះទ្រទ្រង់ទៅលើបច្ចេកវិទ្យា Bravia TV technology និង Master monitor technology ក្នុងការបន្ថែមនូវកម្រិត contrast និងកាន់តែច្បាស់ជាងមុនជាមួយនឹងពណ៌ច្បាស់បំផុត។ អេក្រង់របស់ស្មាតហ្វូន Xperia 1 នេះគឺ 4K 3840x1644px និងការពារដោយកញ្ចក់ Gorilla Glass 6។ ដូចគ្នាទោនឹងស្មាតហ្វូនជាច្រើនរបស់ក្រុមហ៊ុន Sony ដែរ ស្មាតហ្វូន Xperia 1 នេះគឺមានភ្ជាប់ជាមួយនឹង IP68 សម្រាប់ការពារទឹក និងធូលីផងដែរ។
ស្មាតហ្វូននេះប្រើប្រាស់នូវបន្ទះឈីប Snapdragon 855 និងរ៉េមទំហំ 6GB ។ វាមានភ្ជាប់ជាមួយនឹងម៉េមូរីទំហំ 128GB និងម៉េមូរីបន្ថែម microSD card slot ។ វាដំណើរការនូវប្រព័ន្ធប្រតិបត្តិការ Android 9 Pie OS ជាមួយនឹង UI របស់ក្រុមហ៊ុនផងដែរ។ វាមានភ្ជាប់ជាមួយនឹងថាមពលថ្មដែលមានទំហំ 3,300mAh និងទ្រទ្រង់នូវបច្ចេកវិទ្យា 18W rapid charging ផងដែរ។
ផ្នែកខាងក្រោយរបស់ស្មាតហ្វូន Xperia 1 នេះគឺមានភ្ជាប់ជាមួយនឹងកាមេរ៉ា ៣ គ្រាប់ដែលមានទំហំ 12-megapixel main sensor ជាមួយនឹង Dual Pixel PDAF និង 5-axis OIS, 12-megapixel telephoto lens ជាមួយនឹង Dual Pixel PDAF, 5-axis OIS និង 2x optical zoom និង ultrawide lens 12-megapixel ។ ស្មាតហ្វូន Xperia 1នេះភ្ជាប់ជាមួយនឹងកាមេរ៉ាខាងមុខទំហំ 8MP ។
ស្មាតហ្វូននេះគឺមានភ្ជាប់ជាមួយនឹងមុខងារ Eye Autofocus, burst shooting រហូតដល់ទៅ 10 fps ដែលអាចថតរូបភាពច្បាស់នៅកន្លែងដែលមានពន្លឺទាបនោះ។ ស្មាតហ្វូន Xperia 1 នេះ មិនមានរន្ធដោត 3.5mm audio jackនោះទេ។ សម្រាប់មុខងារជាច្រើនទៀតដូចជាប្រព័ន្ធស្កេនក្រយ៉ៅដៃនៅចំហៀង ប្រព័ន្ធ Dolby Atmos, 4G VoLTE, dual-SIM, Wi-Fi 802.11ac, Bluetooth 5.0, NFC, GPS និង USB-C។
នៅក្នុងប្រទេសចិន ស្មាតហ្វូន Xperia 1 នេះគឺមានតម្លៃ 6,299 Yuan ស្មើរនឹង $910។ ក្រុមហ៊ុនបច្ចេកវិទ្យារបស់ជប៉ុននេះ ចាប់ផ្តើមនូវការកម្មង់ទិញមុនស្មាតហ្វូននេះ នៅថ្ងៃទី 21 ខែឧសភានេះ។ ស្មាតហ្វូននេះ នឹងអាចរកទិញបាន 4 ពណ៌ គឺ Fog Gray, Night Black, Snow White និង Xia Zi (Purple)។ ក្រុមហ៊ុននេះ បានបញ្ជាក់ កាលពីពេលមុននេះថា ខ្លួននឹងបញ្ចេញស្មាតហ្វូន Xperia 1 នៅក្នុងសហរដ្ឋអាមេរិកនៅថ្ងៃទី 12 ខែកក្កដាខាងមុខនេះ៕
