ទូរស័ព្ទស្មាតហ្វូន OnePlus 7 Pro គឺជាឧបករណ៍ដំបូងគេ ពីក្រុមហ៊ុន OnePlus ដែល មានបំពាក់បច្ចេកវិទ្យាកាមេរ៉ាថតរូបលេចឡើង motorized pop-up selfie camera ។
ជាធម្មតា អ្នកទាំងអស់គ្នា នឹងមានការព្រួយបារម្ភ អំពីភាពធន់របស់កាមេរ៉ានេះ ហើយ OnePlus បាននិយាយថា ស្មាតហ្វូននេះ គួរតែល្អ មិនជាអ្វីនោះទេ ព្រោះថា យ៉ាងហោចណាស់មានចំនួន នៃការរុញឡើង “pop” រហូតដល់ទៅ 300,000 ដងក្នុងរយៈពេលពេញមួយជីវិត របស់ទូរស័ព្ទ។ ប៉ុន្តែនៅពេលដែលលេចចេញមក កាមេរ៉ាដែលមើលទៅមានភាពផុយស្រួយ? តើមែនទេ?
ខាងក្រោមនេះ ជាវីដេអូប្រូម៉ូ ដែលអាចជាចម្លើយសម្រាប់ប្រិយមិត្ត ហើយជាអ្វីដែលបានចាក់ផ្សាយជាសាធារណៈចុងក្រោយបំផុត របស់ OnePlus។ វីដេអូនេះ ពាក់ព័ន្ធនឹងការចងយោងស៊ីម៉ង់ត៍ទម្ងន់ 49.2 ផោន ស្មើនឹងប្រមាណ 22.3 គីឡូក្រាម។ ដូច្នេះ ស្មាតហ្វូននេះ មិនមែន លំៗនោះទេ។ បើចង់ជ្រាបកាន់តែច្បាស់ សូមទស្សនាវីដេអូខាងក្រោមនេះ៖
ក្រោយពីទស្សនាវីដេអូនេះហើយ ខ្ញុំជឿជាក់ថា ប្រិយមិត្តប្រហែលជាមិនអាចប្រើប្រាស់ រហូតឈានទៅដល់ការធ្វើដូចជាស្ថានភាពនេះ នោះទេ មានន័យថា អ្នកនឹងប្រើកាមេរ៉ាលេចឡើងរបស់ OnePlus 7 Pro ដើម្បីលើកអ្វីនោះទេ ទោះបីតូចជាងដុំស៊ីម៉ងត៍មួយដ៏ធំនេះ។ ប៉ុន្តែចំណុចសំខាន់ នៃវីដេអូនេះ ហាក់ដូចជាចង់បង្ហាញពីការពិត ដែលថាអ្នកគួរតែជឿជាក់ថា កាមេរ៉ាលេចឡើង pop-up របស់វា ពិតមានភាពរឹងមាំ និងជាប់ធន់ល្អបំផុត៕