ក្រុមហ៊ុន LG Electronics បានប្រកាសនៅថ្ងៃនេះអំពីការចាប់ផ្តើមការលក់ទូរទស្សន៍ OLED 8K TV ដំបូងគេបំផុតនៅលើពិភពលោក (ម៉ូដែល 88Z9) ជាមួយនឹងការបញ្ជាទិញមុនសម្រាប់ទូរទស្សន៍ទំហំ 88 អ៊ីញ ដែលចាប់ផ្តើមនៅសប្តាហ៍នេះនៅក្នុងប្រទេសកូរ៉េខាងត្បូង។ ទូរទស្សន៍នេះ អាចរកទិញបាននៅទីផ្សារសំខាន់ៗនៅទ្វីបអាមេរិកខាងជើង និងទ្វីបអឺរ៉ុបផងដែរ។ វានឹងដាក់លក់នៅក្នុងត្រីមាសទី 3 នៅឆ្នាំនេះ។
នៅក្នុងនាមជាទូរទស្សន៍ OLED ដ៏ធំបំផុតរបស់ក្រុមហ៊ុនបច្ចេកវិទ្យា LG រហូតមកដល់បច្ចុប្បន្ននេះ ទូរទស្សន៍ 8K OLED TV គឺជាការច្នៃប្រឌិតខ្ពស់បំពាក់នូវបច្ចេកវិទ្យាអេក្រង់គ្មានគូប្រៀបនោះទេពីក្រុមហ៊ុនបច្ចេកវិទ្យា LG ។ ម៉ូដែលថ្មីដែលគួរអោយស្ញប់ស្ញែងនេះបង្ហាញពីឧត្តមភាពនៃបច្ចេកវិទ្យា OLED បើធៀបជាមួយនឹងអេក្រង់ LED ធម្មតា ហើយទូរទស្សន៍នេះផ្តល់នូវបទពិសោធន៍នៃការទស្សនាដែលគ្មានទីបញ្ចប់នោះទេ។
ទូរទស្សន៍នេះប្រើបន្ទះទំនើបមួយដែលមានភីកសែលបញ្ចេញដោយខ្លួនឯងជាង 33 លានភិចសែលផ្តល់នូវគុណភាពរូបភាពដ៏ល្អឥតខ្ចោះនៅលើទូរទស្សន៍ LG OLED TV នេះ ហើយអ្វីដែលកាន់តែពិសេសនោះ វាមានកម្រិតពណ៌ច្បាស់បំផុត និងកម្រិតនៃពណ៌ខ្មៅដិតជាងមុនផងដែរ។ រូបភាពដែលបង្ហាញនៅលើអេក្រង់នេះគឺម៉ត់ច្បាស់មែនទែននៅលើទូរទស្សន៍ទំហំ 88 អ៊ីញដោយសារគុណភាពនៃរូបភាពនេះគឺមានកម្រិតខ្ពស់ដល់ទៅ 8K Ultra HD (7,680 x 4,320) ស្មើនឹង 16 ដងនៃភីកសែល Full HD និង 4 ដងនៃកម្រិតភាពច្បាស់ UHD។ សមត្ថភាពដ៏ល្អឥតខ្ចោះនៃបន្ទះអេក្រង់ 8K OLED របស់ក្រុមហ៊ុនបច្ចេកវិទ្យា LG ត្រូវបានពង្រឹងដោយខួរក្បាលឆ្លាតវៃ α (Alpha) 9 Gen 2 8K ជំនាន់ទី ២ របស់ក្រុមហ៊ុននេះ។ បន្ទះឈីបនេះពង្រឹងប្រសិទ្ធិភាពទៅលើគុណភាពរូបភាព និងសម្លេងជាមួយនឹងបច្ចេកវិទ្យា deep learning technology និងការចូលទៅកាន់ប្រព័ន្ធ Database ទៅលើព័ត៌មានដែលបង្ហាញនេះថែមទៀត។
ទូរទស្សន៍នេះអនុញ្ញាតឱ្យបន្ទះឈីបនេះធ្វើការបង្កើនប្រសិទ្ធភាពនៃការបង្ហាញរូបភាពដ៏ល្អបំផុត និងការធានាគុណភាពរូបភាពដែលពិតជាគួរឱ្យភ្ញាក់ផ្អើលមែនទែន។ ជាមួយនឹងបន្ទះឈីប α9 Gen 2 8K processor នេះ អេក្រង់ 8K 88-inch 8K OLED TV របស់ក្រុមហ៊ុនបច្ចេកវិទ្យា LG នេះមានសមត្ថភាពខ្ពស់ទៅលើការបញ្ចេញរូបភាពកាន់តែប្រសើរជាងមុន និងការពង្រឹងទៅលើបច្ចេកវិទ្យាកាត់បន្ថយសំឡេងរំខាន 6 ជំហានចេញពី 4 ជំហាននៅលើអេក្រង់ 4K Versions នោះដើម្បីបញ្ចេញនូវរូបភាពកម្រិត 8K នៅពេលកំពុងធ្វើបច្ចុប្បន្នភាពនៅលើមាតិកា 4K (3,840 x 2,160) ឬ 2K (1,920 x 1,080) ។ បន្ទះឈីបនេះក៏ធ្វើការវិភាគពីលក្ខខណ្ឌជុំវិញដើម្បីទទួលបានកម្រិតពន្លឺអេក្រង់ដ៏ល្អឥតខ្ចោះផងដែរ។ នៅក្នុងទីផ្សារមួយចំនួន ទូរទស្សន៍ LG 8K OLED TV នេះនឹងមានជាប្រភេទ Version ដែលអាចប្រើប្រាស់បានទាំងជាមួយនឹង Google Assistant និង Amazon Alexa សម្រាប់ការប្រើប្រាស់កាន់តែមានភាពងាយស្រួល និងការគ្រប់គ្រង់យ៉ាងពេញលេញនៅលើទូរទស្សន៍នេះ ក៏ដូចជាការភ្ជាប់ទៅកាន់ឧបករណ៍ឆ្លាតវៃជាច្រើនទៀតផងដែរ៕