Huawei ដែលត្រូវបានគ្រប់គ្នាស្គាលថា គឺជាក្រុមហ៊ុនផលិតឧបករណ៍ទូរគមនាគមន៍ធំបំផុតរបស់ពិភពលោក ដែលកំពុងតែទទួលរងនូវសម្ពាធពីសង្រ្គាមពាណិជ្ជកម្មរវាងចិន និងអាមេរិកនោះ នៅពេលនេះ បាននឹងកំពុងតែចាប់ផ្តើមធ្វើដំណើរឆ្ពោះទៅកាន់ទីផ្សារសាជាថ្មីជាមួយនឹងបច្ចេកវិទ្យា 5G Network ដែលមានការការលូតលាស់ខ្លាំងរបស់ខ្លួនហើយ។
បើយយោងតាមព័ត៌មានដែលចេញផ្សាយដោយ HuaweiCentral បានសសេរថា ក្រុមហ៊ុនបច្ចេកវិទ្យារបស់ចិនមួយនេះ ទើបតែទទួលបាននូវពានរង្វាន់ ‘Best 5G Core Network Technology’ award ឬ “បណ្តាញបច្ចេកវិទ្យាស្នូល 5G ដ៏ល្អបំផុត” នៅក្នុងកិច្ចប្រជុំ 5G World Summit 2019 ដែលបានប្រព្រឹត្តិនទៅនៅក្នុងទីក្រុងឡុងដ៏ចក្រភពអង់គ្លេសកាលពីពេលថ្មីៗនេះ។
តាមការបញ្ជាក់របស់ក្រុមហ៊ុន Huawei បានអោយដឹងថា បច្ចេកវិទ្យាស្នូល 5G Core Network Technology គឺមានទ្រទ្រង់ទៅលើបច្ចេកវិទ្យាជាច្រើន ដែលផ្តោតទៅលើ Cloud ដូចជា 3-Layer Decoupling, Stateless Design, Cross-DC deployment microservices និងការតេស្ត A/B ជាដើម។ បណ្តាញ Network នេះ គឺបង្កើតឡើងផ្អែកទៅលើ Cloud-Native, Connectivity+ និង Edge Computing Technologies ហើយវាគឺជាបច្ចេកវិទ្យានៃបណ្តាញ Core Network ស្នូលរបស់ឧស្សាហកម្មនេះ ដែលមានការទ្រទ្រង់ទៅលើបណ្តាញ 2G/3G/4G/5G NSA/5G SA។ ជាមួយនឹងការរីកចំរើនខ្លាំងនៅប្រព័ន្ធព័ត៌មានវិទ្យានៅពេលនេះ ក្រុមហ៊ុន Huawei ក៏នឹងមានផ្តល់នូវដំណោះស្រាយទៅលើ Single Voice Core Simplified Voice Solution និងហេដ្ឋារចនាសម្ព័ន្ធទៅលើ CUPS ផងដែរ៕