របាយការណ៍ចុងក្រោយបំផុតរបស់ក្រុមហ៊ុន IDC អំពីការនាំចេញស្មាតហ្វូននៅក្នុងអ៊ឺរ៉ុប មជ្ឈឹមបូព៌ា និងអាហ្វ្រិកដែលមានការបង្ហាញថា វាមានស្មាតហ្វូនប្រមាណជា 83.7 លានគ្រឿងដែលធ្វើការនាំចេញនៅក្នុងត្រីមាសទី 1 ឆ្នាំនេះ។ ការនាំចេញនេះត្រូវគេព្យាករណ៍ថាមានការថយចុះប្រហែលជា 3.3% បើធៀបជាមួយនឹងឆ្នាំមុននេះសម្រាប់រយៈពេលដូចគ្នានោះ។ ទិន្នន័យនេះមានការបង្ហាញថា ក្រុមហ៊ុនផលិតស្មាតហ្វូនធំៗ គឺមានចំណូលប្រហែលជា 26.8 លានដុល្លារអាមេរិកសម្រាប់ការលក់របស់ខ្លួន ប៉ុន្តែវាគឺតិចជាងអ្វីដែលធ្លាប់រកបាននៅក្នុងរយៈពេលដូចគ្នាទៅនឹងឆ្នាំមុននេះ។ ការព្យាករណ៍នេះ គឺមានប្រហែលជា 10% ទាបជាងត្រីមាសទី 1 ឆ្នាំ 2018 នេះ។
ក្រៅពីជម្លោះជាមួយនឹងរដ្ឋាភិបាលនោះ ទិន្នន័យនេះគឺមានការបង្ហាញថា ក្រុមហ៊ុន Huawei គឺមានកំណើនខ្លាំងក្លាបំផុតនៅក្នុងតំបន់នេះជាមួយនឹង 66.1% ទៅលើការនាំចេញបើធៀបជាមួយនឹងឆ្នាំមុននេះ។ ក្រុមហ៊ុន Xiaomi គឺតាមពីក្រោមជាមួយនឹងកំណើន 33.3% បើធៀបជាមួយនឹងឆ្នាំមុននេះ។ ក្រៅពីក្រុមហ៊ុនទាំងពីរនេះ គឺមានកើនឡើងទៅលើការនាំចេញបើធៀបជាមួយនឹងឆ្នាំមុននេះ សម្រាប់ម៉ាកយីហោរបស់ក្រុមហ៊ុនផលិតស្មាតហ្វូនជាច្រើនទៀត គឺមានការធ្លាក់ចុះទៅលើការនាំចេញរបស់ពួកគេផងដែរ។ ការនាំចេញរបស់ក្រុមហ៊ុន HMD ទៅលើស្មាតហ្វូន Nokia គឺមានការធ្លាក់ចុះចំនួន 32.6% បើធៀបជាមួយនឹងឆ្នាំមុននេះ ខណៈពេលដែល Apple មានការធ្លាក់ចុះចំនួន 22.73%។
បើនិយាយអំពីការនាំចេញសរុបរបស់ស្មាតហ្វូននេះ ក្រុមហ៊ុន Samsung គឺជាក្រុមហ៊ុនដែលនាំមុខគេនៅលើទីផ្សារនៅក្នុងតំបន់ជាច្រើននេះដែលមានចំណែកទីផ្សារចំនួន 29.5% ដែលតាមពីក្រោយដោយក្រុមហ៊ុនបច្ចេកវិទ្យា Huawei ដែលមានចំណែកទីផ្សារចំនួន 29.5% នោះ។ ក្រុមហ៊ុនបច្ចេកវិទ្យា Apple ស្ថិតនៅក្នុងចំណាត់ថ្នាក់លេខ ៣ ដែលមានចំណែកទីផ្សារចំនួន 14.7% ។ IDC កត់សម្គាល់ថា ត្រីមាសទី 1 ឆ្នាំ 2019 របស់ក្រុមហ៊ុន Apple គឺមានចំនួនទាបបំផុតនៅក្នុងរយៈពេល 5 ឆ្នាំនេះ។
ចាប់តាំងពីក្រុមហ៊ុនបច្ចេកវិទ្យាយក្សរបស់សហរដ្ឋអាមេរិកនេះ ត្រូវបានគេរំពឹងថា នឹងមិនទាន់បញ្ចេញនូវស្មាតហ្វូនថ្មីរបស់ខ្លួននោះទេរហូតដល់ត្រីមាសទី 3 ឆ្នាំនេះ លទ្ធផលរបស់វានឹងមិនមានការពង្រឹងនោះទេសម្រាប់ត្រីមាសទី 2 នេះ។ ការធ្លាក់ចុះទៅលើចំណែកទីផ្សាររបស់ Apple គឺដោយសារតែដំណើរការមិនល្អដោយសារតែក្រុមហ៊ុនជាច្រើននៅចិនមានសន្ទុះខ្លាំងក្លាដែលគំរាមកំហែងដល់ក្រុមហ៊ុន Apple និង Samsung ផងដែរ។ សម្រាប់ការនាំចេញសរុបមានការធ្លាក់ចុះទាបជាងមុនដោយសារតែអ្នកប្រើប្រាស់ជាច្រើនចាប់ផ្តើមប្រើប្រាស់ស្មាតហ្វូនរបស់ពួកគេរយៈពេលយូរនោះ។ សម្រាប់តម្លៃជាមធ្យមរបស់ក្រុមហ៊ុនផលិតស្មាតហ្វូនជាច្រើនគឺមានការធ្លាក់ចុះដើម្បីទាក់ទាញនូវអតិថិជនកាន់តែច្រើននោះ៕