កាលពីម្សិលមិញនេះ គណនី Weibo មួយរបស់ក្រុមហ៊ុន Samsung បានធ្វើការចែករំលែកនូវរូបភាព Poster មួយនៃពណ៌ថ្មីរបស់ស្មាតហ្វូន Galaxy S10 និង Galaxy S10+។ តាមការបញ្ជាក់នៅក្នុងការបង្ហោះនេះ ពណ៌ថ្មីនេះ គឺមានឈ្មោះហៅថា “Smoky Blue” ។ រូបភាព Poster នេះ មានការបង្ហាញថា ស្មាតហ្វូន Galaxy S10+ ពណ៌ថ្មីនេះ ដែលស្រដៀងគ្នាទៅនឹងពណ៌ Prism Blue ដែលដាក់លក់នៅក្នុងទីផ្សារជាច្រើននោះ។ រហូតមកដល់ពេលនេះ នៅមិនទាន់មានការបញ្ជាក់អំពីកាលបរិច្ឆេទនៃការប្រកាសបង្ហាញពណ៌នេះនៅឡើយទេ ប៉ុន្តែវានៅមិនទាន់ឆ្ងាយនោះទេ។ ហើយក្រុមហ៊ុន Samsung ក៏នៅមិនទាន់បង្ហាញនូវពណ៌ថ្មីរបស់ស្មាតហ្វូនស៊េរីថ្មី Galaxy S10 series នៅឡើយដែរ។
កាលពីខែមុននេះ ក្រុមហ៊ុន Samsung ទើបតែបញ្ចេញនូវពណ៌ថ្មី Cardinal Red Galaxy S10/S10+, Diamond Silver S10+ និង Prism Silver Park Hang Seo Galaxy S10+ limited edition ថែមទៀតផង។ ក្រុមហ៊ុនផលិតស្មាតហ្វូនជាច្រើន ក៏ទើបតែបញ្ចេញនូវពណ៌ថ្មីដែលជាវិធីមួយក្នុងការបង្កើនទៅលើការលក់របស់ខ្លួននោះ។ ពេលនេះយើងស្ថិតនៅក្នុងឆមាសទី 1 នៅឆ្នាំនេះ ហើយយើងក៏មានពណ៌ជាច្រើននៃស្មាតហ្វូន Galaxy S10 Series ប៉ុន្តែយើងមានអារម្មណ៍ថា Samsung អាចនឹងបញ្ចេញនូវមួយពណ៌បន្ថែមទៀតនៅក្នុងឆមាសទី 2 ឆ្នាំនេះ៕