ស្មាតហ្វូនស៊េរីថ្មី OPPO Reno 10x Zoom ទើបតែបានបង្ហាញខ្លួនជាមួយនឹងស្មាតហ្វូន OPPO Reno នៅក្នុងប្រទេសចិន កាលពីពេលថ្មីៗនេះ ជាមួយនឹងពណ៌ចំនួន 2 គឺពណ៌ Fog Sea Green និង Extreme Night Black ។ នៅថ្ងៃនេះ ក្រុមហ៊ុនក៏បញ្ចេញនូវពណ៌ថ្មីមួយទៀតសម្រាប់ស្មាតហ្វូន Reno 10x Zoom នេះ គឺពណ៌ផ្កាឈូកថ្មីនេះ Mist Pink ដែលអ្នកគាំទ្រនៅចិន អាចនឹងរកទិញបានចាប់ពីសប្តាហ៍ក្រោយនេះ។
នៅថ្ងៃនេះ ស្មាតហ្វូន OPPO Reno 10x Zoom ចាបវ់ផ្តើមទទួលនូវការកម្មង់ទិញមុន Pre-orders នៅក្នុងប្រទេសចិនហើយ។ ការដឹកជញ្ជូនទៅលើការ Pre-order នេះ នឹងចាប់ផ្តើមពីថ្ងៃទី 18 ខែមិថុនានេះ។ សម្រាប់ម៉ូដែលពណ៌ផ្កាឈូក Mist Pink នេះ គឺមានពីរម៉ូដែលទំហំ 6GB+128GB ដែលមានតម្លៃ 3,999 Yuan (~$578) និងម៉ូដែលទំហំ 8GB+256GB មានតម្លៃ 4,799 Yuan (~$693)។ OPPO Reno 10x Zoom ត្រូវបានក្រុមហ៊ុន ភ្ជាប់ជាមួយនឹងអេក្រង់ពេញគែម AMOLED display ទំហំ 6.6-inches ដែលអេក្រង់នេះមានកម្រិតភាពច្បាស់ full HD+ 1080x2340 pixels និងកម្រិត aspect ratio 19.5:9 ។ អេក្រង់របស់ស្មាតហ្វូននេះ គឺការពារដោយកញ្ចក់ការពារ Gorilla Glass 6 ។ ស្មាតហ្វូននេះ ក៏ភ្ជាប់ជាមួយនឹងប្រព័ន្ធស្កេនក្រយ៉ៅដៃក្រោមអេក្រង់ និង ColorOS 6 ផ្អែកនៅលើប្រព័ន្ធប្រតិបត្តិការ Android 9 Pie OS ថែមទៀត។
នៅលើស្មាតហ្វូនស៊េរីថ្មី Reno 10x Zoom នេះ ប្រើប្រាស់បន្ទះឈីប Snapdragon 855 mobile platform ។ ផ្នែកខាងក្រោយរបស់ស្មាតហ្វូននេះ គឺមានភ្ជាប់ជាមួយនឹងកាមេរ៉ាខាងក្រោយចំនួន 3 គ្រាប់ដែលមានទំហំ 48-megapixel Sony IMX586 primary sensor ជាមួយនឹង OIS, periscope 13-megpaixel telephoto lens ជាមួយនឹង 5x optical zoom និង OIS និង 8-megapixel ultrawide lens ។ សម្រាប់គែមខាងលើរបស់ស្មាតហ្វូននេះគឺមានភ្ជាប់ជាមួយនឹងកាមេរ៉ាផុសឡើងដែលមានទំហំ 16-megapixel selfie និងភ្លើង LED Flash ថែមទៀត។ Reno 10x Zoom មានថាមពលថ្មទំហំ 4,065mAh និងទ្រទ្រង់នូវបច្ចេកវិទ្យា 20W VOOC 3.0 Flash Charge technology តាមរយៈរន្ធ USB-C។ ស្មាតហ្វូននេះ អាចបន្ថែមនូវ microSD card ប៉ុន្តែវាមិនមានរន្ធដោតកាសស្តាប់ 3.5mm audio jack នោះទេ។ ស្មាតហ្វូននេះ ភ្ជាប់ជាមួយនឹងបច្ចេកវិទ្យា dual-band GPS technology សម្រាប់ធ្វើការតភ្ជាប់កាន់តែងាយស្រួលថែមទៀត៕