Mate X ដែលជាស្មាតហ្វូនអេក្រង់បត់បានរបស់ក្រុមហ៊ុន Huawei ត្រូវបានគេដឹងថា នឹងបង្ហាញខ្លួននៅក្នុងពេលណាមួយនៅក្នុងខែនេះ ប៉ុន្តែយើងនៅមិនទាន់ដឹងជាក់លាក់ថានៅថ្ងៃណានោះទេ។ នៅក្នុងបញ្ជីមួយដែលស្មាតហ្វូន Huawei Mate X បង្ហាញខ្លួននៅលើគេហទំព័រ Taobao Mall នៅថ្ងៃនេះ ជាមួយនឹងតម្លៃ 24999 yuan ($3610)។ បើធៀបជាមួយនឹងតម្លៃស្តង់ដាររបស់វានោះគឺ $2600 ដូចនេះ វាពិតជាថ្លៃមែនទែន។ យើងនៅមិនទាន់ច្បាស់នោះទេថាបញ្ជីនេះត្រឹមត្រូវកម្រិតណានោះ ប៉ុន្តែយើងសង្ស័យថានេះអាចជាការពិត។
ថ្មីៗនេះ ស្មាតហ្វូន Huawei Mate X ក៏បង្ហាញខ្លួននៅលើហាងអនឡាញរបស់ក្រុមហ៊ុនបច្ចេកវិទ្យានេះដែលបង្ហាញថា ស្មាតហ្វូននេះប្រហែលជាដាក់លក់នៅក្នុងប្រទេសចិនឆាប់ៗនេះ។ នៅពេលដែលក្រុមហ៊ុនបច្ចេកវិទ្យានេះប្រកាសបង្ហាញនូវផែនទី 5G របស់ខ្លួននៅក្នុងព្រឹត្តិការណ៍សន្នីសិទ Huawei Global Analyst Conference នៅក្នុងខែមេសានោះ ក្រុមហ៊ុនបច្ចេកវិទ្យានេះបញ្ជាក់ថា ស្មាតហ្វូន Mate X នឹងបង្ហាញខ្លួននៅក្នុងប្រទេសចិននៅក្នុងខែមិថុនានេះ។
កាលពីម្សិលមិញនេះ ស្មាតហ្វូនដែលអាចបត់បាន Huawei Mate 20 X 5G edition ក៏ប្រទះឃើញនៅលើប្រព័ន្ធ Database របស់ 3C នៅក្នុងប្រទេសចិន។ មានការបង្ហាញថា ស្មាតហ្វូននេះ ប្រហែលជាបង្ហាញខ្លួននៅក្នុងប្រទេសចិនឆាប់ៗនេះ។ ស្មាតហ្វូន Huawei Mate X TAH-AN00 នេះក៏ទើបតែទទួលបាននូវការអនុម័តពី 3C ផងដែរ។ នេះមានន័យថា ស្មាតហ្វូន Mate X 5G នេះក៏នឹងបង្ហាញខ្លួននៅក្នុងប្រទេសចិនឆាប់ៗនេះ។
ស្មាតហ្វូនស៊េរីថ្មី Huawei Mate X នេះ មានភ្ជាប់ជាមួយនឹងអេក្រង់ Cover ដែលអាចបត់បានទំហំ 6.6 inches ។ អេក្រង់ AMOLED screen នេះមានកម្រិត 19.5:9 aspect ratio និងកម្រិតភាពច្បាស់ full HD+ 1148x2480 pixelsថែមទៀត។ នៅពេលដែលបើកស្មាតហ្វូន Mate X នេះ វាមានអេក្រង់ទំហំ 8-inch OLED display ដែលមានកម្រិតភាពច្បាស់ 2200x2480 pixels ។ ស្មាតហ្វូននេះដំណើរការនូវប្រព័ន្ធប្រតិបត្តិការ Android Pie ជាមួយនឹង EMUI ផងដែរ។
ស្មាតហ្វូន Mate X នេះប្រើប្រាស់នូវបន្ទះឈីប Kirin 980 chipset ជាមួយនឹងរ៉េមទំហំ 8GB និងម៉េមូរីក្នុងម៉ាស៊ីនទំហំ 512GB ថែមទៀត។ វាក៏មានការបន្ថែមនូវ microSC Card បានថែមទៀត។ កាមេរ៉ារបស់ស្មាតហ្វូននេះគឺជាប្រភេទ Leica ដែលមានរហូតដល់ទៅ 4 គ្រាប់ទំហំ 40MP main sensor ជាមួយនឹង f/1.8 aperture, 8MPtelephoto lens ជាមួយនឹង f/2.4 aperture, 16MP ultrawide lens ជាមួយនឹង f/2.2 aperture និងកាមេរ៉ា ToF 3D ។ ស្មាតហ្វូន Mate X នេះភ្ជាប់ជាមួយនឹងប្រព័ន្ធស្កេនក្រយ៉ៅដៃនៅចំហៀង ថាមពលថ្មទំហំ 4,500mAh និងការទ្រទ្រង់នូវបច្ចេកវិទ្យា 55W rapid charging តាមរយៈរន្ធដោត USB-C ផងដែរ៕
