ថ្មីៗនេះ ពាក្យចចាមអារ៉ាមនិយាយថា នៅពេលដ៏ខ្លីនេះ នឹងមានវត្តមាននៃការបង្ហាញវត្តមានរបស់ស្មាតហ្វូន Galaxy Fold របស់ក្រុមហ៊ុន Samsung Electronics នោះ នៅថ្ងៃសុក្រនេះ ក្រុមហ៊ុននេះបានចេញមកធ្វើការច្រានចោលភ្លាមៗ ទៅលើពាក្យចចាមអារ៉ាមជាច្រើន ដែលបញ្ជាក់ថា ស្មាតហ្វូនដែលអាចបត់បានដំបូងបំផុតនៅលើពិភពលោកនេះ នឹងធ្វើការបង្ហាញខ្លួននៅក្នុងខែកក្កដានោះ។ គួរបញ្ជាក់ថា កន្លងមក មានពាក្យចចាមអារ៉ាមជាច្រើនដែលបញ្ជាក់ថា ស្មាតហ្វូនដែលអាចបត់បាននេះ អាចនឹងបង្ហាញទៅកាន់អ្នកសារព័ត៌មានរបស់ប្រទេសកូរ៉េនៅក្នុងខែមិថុនានេះ ហើយវានឹងបង្ហាញខ្លួននៅលើទីផ្សារនៅក្នុងខែកក្កដានោះ។
កាលពីសប្តាហ៍មុននេះ លោក Koh Dong-jin ដែលជាប្រធានផ្នែកអាជីវកម្មស្មាតហ្វូនរបស់ក្រុមហ៊ុន Samsung បានប្រាប់ទៅកាន់សារព័ត៌មាននៅក្នុងប្រទេសកូរ៉េថា ស្មាតហ្វូននេះ អាចនឹងបង្ហាញខ្លួននៅមុនខែកក្កដានេះផងដែរ។ តាមការបញ្ជាក់របស់ក្រុមហ៊ុន Samsung និងដៃគូសហការរបស់ខ្លួន បានមោយដឹងថា កាលបរិច្ឆេទនៃការដាក់លក់ស្មាតហ្វូននេះ នៅមិនទាន់បញ្ជាក់នៅឡើយទេ។ Samsung បានបញ្ជាក់ថា “ប្រសិនបើយយើងអាចបើកព្រឹត្តិការណ៍ Media នៅក្នុងខែនេះ បាន យើងគួរតែអាចធ្វើរឿងមួយបាននៅពេលនេះ។ ប៉ុន្តែ វាមិនទាន់មានអ្វីដែលបញ្ជាក់នោះទេ ចាប់តាំងពីការពន្យារពេលនៅក្នុងខែមេសាមក។”
មានរយៈពេលជាងមួយខែមកហើយចាប់តាំងពី Samsung ធ្វើការពន្យារពេលទៅលើការបង្ហាញវត្តមានរបស់ស្មាតហ្វូនGalaxy Fold នៅក្នុងសហរដ្ឋអាមេរិក ដែលថា នឹងដាក់លក់ស្មាតហ្វូននេះនៅថ្ងៃទី 24 ខែមេសានេះ ដោយសារតែវាមានបញ្ហានៅលើអេក្រង់ដែលរកឃើញដោយ Reviewers នៅក្នុងសហរដ្ឋអាមេរិកនោះ។ យោងតាមការបញ្ជាក់របស់របាយការណ៍ជាច្រើននោះ បានអោយដឹងថា ក្រុមហ៊ុន Samsung មានគោលដៅក្នុងការប្រកាសនូវស្មាតហ្វូន Galaxy Fold Samsung ធ្លាប់បញ្ជាក់ប្រាប់ទៅកាន់ The Korea Herald ថា ខ្លួនបញ្ជប់នូវការស៊ើបអង្កេតទៅលើគំរូដែលមានបញ្ហានេះហើយគឺដោយសារតែស្រទាប់ការពារនៅផ្នែកខាងលើនៃអេក្រង់ Main Display ត្រូវបកចេញ។ ឥលូវនេះ គឺស្ថិតនៅក្នុងដំណើរការនៃការជួសជុលទៅលើបញ្ហានេះ៕
