ស្មាតហ្វូនស៊េរីថ្មី Mate 30 Pro របស់ក្រុមហ៊ុន Huawei ប្រហែលជាភ្ជាប់ជាមួយនឹងមុខងារមួយនៅក្នុងចំណោមមុខងារពិសេសសំខាន់ៗជាច្រើននៅលើស្មាតហ្វូន OnePlus 7 Pro នេះ។ របាយការណ៍ជាច្រើន បានបញ្ជាក់ថា ស្មាតហ្វូនជំនាន់បន្ទាប់ Mate Series ថ្មីនេះនឹងមានអេក្រង់កម្រិត 90Hz AMOLED display។ ខណៈពេលដែលស្មាតហ្វូន OnePlus 7 Pro មិនមែនជាស្មាតហ្វូនដំបូងបំផុតដែលភ្ជាប់ជាមួយនឹងអេក្រង់ 90Hz display ឬស្មាតហ្វូននេះ នឹងភ្ជាប់ជាមួយនឹងកម្រិត Refresh Rate ខ្ពស់បំផុត ហើយនេះ គឺជាភាពពេញនិយមរបស់ស្មាតហ្វូននៃក្រុមហ៊ុន OnePlus នេះ ដែលមានភ្ជាប់ជាមួយនឹងមុខងារនេះនោះ។
នៅក្នុងពិភពលោកដែលស្មាតហ្វូនជាច្រើនចាប់ផ្តើមទទួលយកនូវការច្នៃប្រឌិតថ្មី ឬការចម្លងគ្នានោះ វាមិនមានអ្វីដែលគួរអោយភ្ញាក់ផ្អើលនោះទេប្រសិនបើក្រុមហ៊ុនបច្ចេកវិទ្យា Huawei ចង់ប្រកាសបង្ហាញនូវស្មាតហ្វូនស៊េរីថ្មីដែលមានកម្រិត Refresh Rate ខ្ពស់បែបនេះ។ យ៉ាងណាមិញ វានៅមិនទាន់មានភស្តុតាងណាមួយដែលបញ្ជាក់អំពីព័ត៌មាននេះនោះទេ។ សម្រាប់ដំណឹងផ្សេងទៀតនោះ រូបភាព Renders របស់ស្មាតហ្វូនស៊េរីថ្មី Huawei Mate 20 Pro ក៏បែកធ្លាយនៅលើអនឡាញផងដែរ។ ការឌីស្សាញរបស់ស្មាតហ្វូននេះគឺមានការបញ្ចូលគ្នារវាងស្មាតហ្វូន Samsung Galaxy S10+ និងស្មាតហ្វូន Mate 20 Pro ដែលមានការកែប្រែលក្ខណៈពិសេសមួយចំនួនផងដែរ។
ស្មាតហ្វូននេះ នឹងប្រើប្រាស់នូវរន្ធប្រហោងនៅលើអេក្រង់ Punch Hole សម្រាប់បំពាក់នូវកាមេរ៉ាភ្លោះនៅលើអេក្រង់នេះ។ ទោះជាយ៉ាងណាក៏ដោយនោះ កាមេរ៉ានេះ ស្ថិតនៅផ្នែកខាងលើខាងឆ្វេងនៃអេក្រង់នេះ។ សម្រាប់ផ្នែកខាងក្រោយវិញនោះ ស្មាតហ្វូននេះប្រើប្រាស់នូវកាមេរ៉ារាងចតុកោណកែងសម្រាប់កាមេរ៉ា 4 គ្រាប់នោះ។ ស្មាតហ្វូនស៊េរីថ្មី Huawei Mate 30 Pro នេះ បានបង្ហាញខ្លួនជាមួយនឹងពណ៌ក្រហមយ៉ាងស្រស់ស្អាត ពិសេសវាក៏មានពណ៌ Classic Blue និងពណ៌ Classic Black យ៉ាងទាក់ទាញបំផុត។
ដូចអ្វីដែលយើងបាននិយាយនោះ មានរូបភាព Renders ដែលវាមានការបញ្ជាក់អំពីរូបរាងរបស់ស្មាតហ្វូននេះពេញលេញតែម្តង។ ស្មាតហ្វូនស៊េរីថ្មី Mate 30 Pro នេះត្រូវបានគេនិយាយថា នឹងប្រើប្រាស់នូវបន្ទះឈីប Kirin 985 processor, Barong 5000 5G modem, 5x optical zoom, និង 50x digital zoom ។ ស្មាតហ្វូននេះនឹងមានថាមពលថ្មទំហំ 4200mAh ជាមួយនឹងការទ្រទ្រង់ទៅលើបច្ចេកវិទ្យា 55W Supercharge ផងដែរ៕