ថ្មីៗនេះ នៅក្នុងបញ្ជីរបស់គេហទំព័រ JD គឺមានការបង្ហាញអំពីស្មាតហ្វូនស៊េរីថ្មី Huawei Nova 5 Pro ដែលមានបង្ហាញចេញនូវរូបភាពមួយនៃពណ៌ចំនួន 4 របស់ស្មាតហ្វូននេះ ជាមួយនឹងពីរទំហំសម្រាប់ធ្វើការជ្រើសរើស។ ទន្ទឹមនឹងនេះផងដែរ ក្រុមហ៊ុន Huawei ក៏បានបញ្ចេញនូវវីដេអូ Teaser ថ្មីសម្រាប់ស្មាតហ្វូនស៊េរីថ្មី Nova 5 series នេះផងដែរ។ នៅក្នុងវីដេអូនេះ គឺមានបង្ហាញខ្លួនរបស់ Jackson Yee ដែលជាតារាដ៏ល្បីឈ្មោះរបស់ចិន ដែលមានឈ្មោះហៅថា TFBoys ផងដែរ។ វីដេអូនេះ មានការបង្ហាញថា ស្មាតហ្វូនស៊េរីថ្មី Nova 5 series នេះគឺមានគោលដៅសម្រាប់យុវជន។ នៅចុងបញ្ចប់នៃវីដេអូនេះ លោក Yee បានកាន់ស្មាតហ្វូននេះ ពណ៌ខ្មៅ និងពណ៌បៃតងរបស់ស្មាតហ្វូន Nova 5 Pro នេះ។
នៅក្នុងបញ្ជីរបស់ JD នេះ គឺមានការទម្លាយថា ស្មាតហ្វូន Huawei Nova 5 Pro នេះ នឹងអាចរកទិញបានជាមួយនឹង 4ពណ៌សម្រាប់ធ្វើការជ្រើសរើសដូចជា Dilemma Forest (Green), Midsummer Purple, Bright Black និង Coral Orange។ ផ្នែកខាងក្រោយរបស់ស្មាតហ្វូននេះ គឺមានភ្ជាប់ជាមួយនឹងកាមេរ៉ា 4 គ្រាប់និងភ្លើង LED Flash ។ សម្រាប់ផ្នែកខាងមុខរបស់ស្មាតហ្វូន Nova 5 Pro នេះ គឺមានភ្ជាប់ជាមួយនឹង Water drop-style notch display ។ វាមានកម្រិត aspect ratio ខ្ពស់ជាងមុន។ ស្មាតហ្វូននេះមិនមានប្រព័ន្ធស្កេនក្រយ៉ៅដៃនៅខាងក្រោយនោះទេ វាប្រហែលជាប្រើប្រាស់នូវប្រព័ន្ធស្កេនក្រយ៉ៅដៃនៅលើអេក្រង់តែម្តង។ ទោះជាយ៉ាងណាក៏ដោយនោះ ស្មាតហ្វូននេះក៏អាចភ្ជាប់ជាមួយនឹងប្រព័ន្ធស្កេនក្រយ៉ៅដៃនៅចំហៀងផងដែរ។
ស្មាតហ្វូននេះមានភ្ជាប់ជាមួយនឹងកាមេរ៉ាចំនួន 4 គ្រាប់បញ្ឈរយ៉ាងស្រស់ស្អាត។ វាមិនមានប្រព័ន្ធស្កេនក្រយ៉ៅដៃស្ថិតនៅផ្នែកខាងក្រោយនោះទេ។ សម្រាប់វីដេអូនៅលើវីដេអូផ្សព្វផ្សាយនេះត្រូវគេដឹងថាជា Nova 5 Pro ។ មានពាក្យចចាមអារ៉ាមជាច្រើនបញ្ជាក់ថា ស្មាតហ្វូន Huawei Nova 5 Pro នេះនឹងមានអេក្រង់ទំហំ 6.39-inch full HD+ AMOLED បន្ទះឈីប Kirin 980 ហើយសម្រាប់កាមេរ៉ាមុខវិញគឺមានទំហំ 25MP។ កាមេរ៉ាគោលខាងក្រោយ គឺមានទំហំ 48-megapixel Sony IMX586 sensor និង ToF (Time of Flight) lens ។ ស្មាតហ្វូននេះមានថាមពលថ្មទំហំ 3,500mAh និងបច្ចេកវិទ្យាបញ្ចូលថាមពលថ្មលឿន 40W SuperCharge fast charging technology ថែមទៀត។ ស្មាតហ្វូន Huawei Nova 5 Pro អាចនឹងបង្ហាញខ្លួនជាមួយនឹងស្មាតហ្វូន Nova 5 និង Nova 5i នៅថ្ងៃទី 21 ខែមិថុនាខាងមុខនេះ៕
